Unga Ísland - 01.04.1941, Síða 3
lihbr Í5LRHD
' XXXVI. ÁRG. 4. HEFTI APRÍL 1941
íslenzk nútímaljóðskáld XII.
Magnús Ásgeirsson
Fyrstu bók sína, „Síðkveld“, gaf
Magnús út árið 1923. f þeirri bók eru
að mestu frumsamin ljóð, en þó eru
þar einnig nokkrar þýðingar. Árið 1928
kom út frá hendi hans fyrsta bindið af
„Þýddum ljóðum“, en alls eru bindin
fimm. Hin fjögur komu út þessi ár:
1931, 1932, 1935 og 1936. Þá hafa einn-
ig komið út eftir hann þýðingar á tveim
ljóðaflokkum í skrautútgáfum „Rubai-
yat“ 1935 og „Hinir tólf“ 1936. Enn-
fremur „Glaumbæjargrallarinn" 1938.
í þeirri bók eru textar við ýmis létt og
skemmtileg lög, gömul og ný, og fylgja
lögin með á nótum. Bók þessi er gefin
út í samvinnu við Emil Thoroddsen,
tónskáld og píanóleikara. Auk þessa
bundna máls, sem hér er talið, og hins,
sem hér er ekki talið, en Magnús hefir
þýtt síðan síðasta bók hans kom út og
unga ísland
Magnús er Borgfirðingur að ætt og
uppruna, fæddur að Reykjum í Lunda-
reykjadal í Borgarfjarðarsýslu, 9. nóv.
1901. Foreldrar: Ásgeir Sigurðsson,
bóndi að Reykjum og kona hans, Ing-
unn Daníelsdóttir.
Magnús Ásgeirsson dvaldi á æsku-
stöðvum sínum fram um tvítugsaldur
°g vann algeng sveitastörf. En árið
1920 tók hann gagnfræðapróf við
Menntaskólann í Reykjavík, var í f jórða
bekk skólans, en tók stúdentspróf 1922,
bá, utanskóla. Að stúdentsprófi loknu
las hann norrænu við háskólann í þrjá
vetur, en hætti þá námi. Síðan hefir
Magnús lagt stund á ýmis störf, en þó
einkum ritstörf, og dvalið lengst af í
Reykjavík, en fyrir þremur til fjórum
úrum fluttist hann þó aftur upp í Borg-
arfjörðinn og byggði sér þar íveruhús í
námd við Síðumúla í Hvítársíðu. Þar
býr hann og leggur nú eingöngu stund
á ritstörf og þó einkum á þýðingar
ijóða.
49