Unga Ísland - 01.01.1944, Blaðsíða 20
Sóii um
skólasijórasiöðu
í þorpi einu stóð svo á, að skólastjór-
inn var dáinn. Staðan var þá laus til
umsóknar, og datt gömlum, þrautreynd-
um uppgjafadáta í hug að sækja um
þessa litlu stöðu. Hann dreif sig því í
skyndi til næsta kaupstaðar, í því skyni,
að hafa tal af embættismönnum,. sem
veittu stöðuna. En samkvæmt siði og
venju, var hann prófaður í ýmsum grein-
um, til að vita, hvort hann teldist hæf-
ur til starfsins. Var hann fyrst yfirheyrð-
ur í biblíusögunum. — Fyrstu spurning-
unni svaraði hann nokkurnveginn rétt,
og einnig þessari: — Hvað hétu hinir
þrír synir Nóa? — En þegar hann var
spurður: — Hvað hét faðir þeirra
Sems, Kams og Jafets? — þá náði
þekkingin ekki lengra. Það varð löng
þögn, hann strauk sér um ennið,
ræskti sig, hugsaði og hugsaði, ^n
hvernig, sem hann hugsaði, komst hann
ekki að neinni niðurstöðu. Og af því, að
embættismennirnir voru ekki alveg
snauðir af hjartagæzku, sögðu þeir
gamla dátanum, að hann skyldi athuga
málið, koma aftur eftir tvo daga, og
reyna þá að svara þessari geysierfiðu
spurningu.
Hann var mjög hryggur, þegar hann
kom heim til sín, og sagði konunni sinni
frá úrslitunum.
— Mér gekk svo vel með fyrstu
spurningarnar, sagði hann. — Eg vissi
bæði um Adam og Evu og Nóa, og ég
vissi líka, hve marga syni Nói átti,
og að þeir hétu Sem, Kam og Jafet.
En svo spurðu þeir mig, hvað faðir
Sems, Kams og Jafets hefði heitið, og
því gat ég ekki svarað. Eg held nefni-
lega, að ég hafi aldrei heyrt neit't um
það.
— Veiztu það nú ekki? sagði konan,
og lét sér hvergi bregða. — Það skal ég
þá segja þér. Hlustaðu nú bara á: Nábúi
okkar heitir Möller Mikkelsen, og hann
á þrjá syni: Hans, Ólaf og Pétur. Hver
er þá faðir þeirra, strákanna?
:— Nú, það er auðvitað nábúi okkar,
hann Möller Mikkelsen.
— Já, þarna sérðu. Annað er það alls
ekki. Það er alveg eins með Sem, Kam
og Jafet. — Skilurðu nú, faðir minn?
— Já, auðvitað. Það var svei mér gott
að ég fékk að vita þetta. Nú skulu
herrarnir þarna útfrá sjá og heyra, að
ég kann að svara fyrir mig, sagði hann
spekingslegur mjög á svip.
Hinn ákveðni dagur kom. Karlinn fór
til embættismannanna, og spurningarn-
ar voru bornar fram í sömu röð og síðast.
og þeim svarað rétt svona viðunanlega.
Þar til kom að þessari afarslæmu spurn-
ingu: — Hvað hét faðir þeirra, Sems,
Kams og Jafets? Henni svaraði hinn
vongóði umsækjandi hárri röddu:
— Möller Mikkelsen!
En hvort hinn ráðvandi, gamli upp-
gjafahermaður fékk skólastjórastöðuna,
veit ég ekki.
(Þýtt). Ungliði.
10
UNOA ÍSLAND