Unga Ísland - 01.03.1944, Side 41

SAGA ABRAHAMS
Upp frá því tók Sara að þjá Hagar, hina
egipsku ambátt sína, sem hún hafði gefið manni
sínum. Hún breytti þannig gagnvart henni af
því að Hagar fyrirleit hana, vegna þess að hún
hafði ekkert barn eignazt. Þá flýði Hagar frá
húsmóður sinni.
En engill Drottins fann Hagar hjá vatnslind
einni í eyðimörkinni og bað hana að snúa aftur
til húsmóður sinnar. Og engillinn sagði henni,
að hún myndi son fæða og hönd hans myndi
verða upp á móti hverjum manni og hvers
manns hönd upp á móti honum.
Og Hagar hlýddi boði engilsins og sneri aftur
til Söru, og gaf sig henni á vald. Og Hagar fæddi
Abraham son, sem hann gaf nafnið ísmael. Þá
var Abraham áttatiu og sex ára gamall.
Til þessa tíma hafði nafn Abrahams verið
Abram, en er hann var níutíu og níu ára birt-
ist Drottinn honum og sagðist myndi margfalda
afkomendur hans. Hér eftir skyldi han því heita
Abraham.
UNGA ÍSLAND
63