Unga Ísland - 01.05.1944, Blaðsíða 37

SAGÁ ABRAHAMS
Myndir eftir Dan Smith
Lot. bróðursonur Abrahams, bjó um þessar
mundir í borginni Sódómu, sem Drottinn hafði á-
kveðið að eyða vegna spillingar hennar. Og einn
dag, er Lot sat í borgarhliðinu, komu til hans
tveir englar og hann bauð þeim inn í hús sitt og
bjó þeim veizlu.
En áður en þeir lögðust til hvíldar komu borg-
armenn og kröfðust þess, að Lot léti gestina
ganga út úr húsi sínu, og er hann bað þá að
hafa ei slíkan ofsa, gengu þeir nær og ætluðu að
brjótast inn í húsið, en englarnir kipptu Lot inn
fyrir hurðina og slóu mennina blindu.
En er dagur rann, ráku englarnir eftir Lot og sögðu: Stattu upp skjótt og taktu með þér konu
þína og dætur, sem hjá þér eru, svo að þið farizt ekki vegna synda borgarinnar. Síðan leiddu þeir
þau út fyrir borgina, báðu þau að stefna til fjallaog forðast að ííta um öxl. En Drottinn lét eldi og
brennisteini rigna yfir borgina og allt sléttlendið og gjöreyddi öllum íbúunum, En kona Lots leit um
öxl og varð þegar að saltstólpa.
UNGA ÍSLAND
91