Uppeldi og menntun - 01.01.2012, Side 44

Uppeldi og menntUn/icelandic JoUrnal of edUcation 21(1) 201244
reynsla þriggJa grUnnskóla af fJölmenningarlegU starfi
var dýpkaður. Í öllu skipulagi skólastarfsins var unnið að því að brjóta niður múra
milli fólks og var trúarbragðafræði meðal annars skyldunámsgrein í skólanum í því
skyni. Þar var nemendum kennt að brjóta álitamál til mergjar út frá mismunandi trúar-
og lífsskoðunum, koma með rök með og á móti og hafa jafnvægi í rökunum áður
en þeir mynduðu sér skoðun. Kennarar röðuðu nemendum til sætis í sama tilgangi.
Nemendur af ólíkum uppruna og trú sátu saman og kennslustundir voru brotnar upp
með verkefnum sem reyndu á samvinnu nemenda. Það er markmið skólans að ná því
besta út úr hverjum nemenda og einn liður í því eru skýrar reglur um skólasókn og
skil á heimanámi. Í gögnum um skólann kom fram að fjarvistir nemenda undanfarin
ár voru töluvert innan við 2% enda var skólasókn talin skipta miklu máli fyrir nem-
endur úr þjóðfélagshópum sem standa höllum fæti þar sem gengið er út frá þeirri
meginhugmynd að menntun sé lykill að framtíð unga fólksins.
Tillögur
Hér á eftir verða nokkrar tillögur að áherslum við skipulag fjölmenningarlegs
skólastarfs kynntar. Þær byggjast á því sem viðmælendur í rannsókninni telja að
hafi reynst vel í skólastarfinu og vilja þróa áfram. Mikilvægt er að hafa í huga að
til þess að skólastarf verði farsælt þarf skólinn að vera í samvinnu við þá aðila sem
koma að lífi og menntun unga fólksins. Það er í samræmi við orð Banks (2010) um að
fjölmenningarleg menntun verði að ná til alls samfélagsins. Tillögunum er skipt í þrjá
flokka til aðgreiningar.
Skólinn sem samfélag
• Í fjölmenningarlegu skólastarfi snúast gildin um virðingu, jöfnuð og lýðræði.
• Skólastjórnendur leiða starfið og vinna að framtíðarsýn og umbótum með þátttöku
allra í skólasamfélaginu.
• Mótað er skipulag um skólastarf með nemendum af erlendum uppruna.
• Endurmenntun í skólanum snýr að því að auka færni kennara í að virkja fjölbreyttan
nemendahóp til þátttöku í eigin námi og efla samræður í skólastarfi.
• Gögn um skólana eru notuð við umbætur og umræður um skólastarfið.
• Unnið er gegn fordómum og einelti eftir ákveðnu verklagi.
• Ákveðinn aðili innan skólans heldur utan um mál nemenda af erlendum uppruna.
Nám og kennsla
• Nám allra nemenda er sameiginlegt verkefni allra í skólanum.
• Lýðræðisleg vinnubrögð einkenna skólastarfið.
• Nemendur eru fræddir um ólíka menningu og trúarbrögð.
• Nemendur geta leitað til ákveðins aðila innan skólans um aðstoð við námið og
annað er tengist veru þeirra í nýju landi.
• Bakgrunnsupplýsingum um nemendur er safnað og námið skipulagt út frá fyrri
reynslu og skólagöngu. Nemendum er mætt þar sem þeir eru staddir.
• Stuðlað er að virkri þátttöku erlendra nemenda með kennsluaðferðum þar sem
áhersla er á samvinnu og þátttöku.