Árbók VFÍ/TFÍ - 01.06.1995, Qupperneq 21

Skýrsla formanns VFI 19
Ekki hefur verið gengið svo langt að kreijast lögmannsinnheimtu hjá þeim sem um sárt
eiga að binda, en í ár eru það nær eingöngu slíkir einstaklingar sem stjórn hefði þurft að
senda áfram í lögmannsinnheimtu, ef fylgja hefði átt venju liðinna ára. Stjórn treysti sér því
ekki til að mæla með slíkum aðgerðum, en kemur til með að aðstoða eftir föngum við
innheimtu þessara gjalda, til þess að tryggja að góðar heimtur verði og mikil vinna íyrri stjóma
fari ekki forgörðum.
Aðalfundur í fyrra samþykkti þá nýbreytni að eldri félagar og ungfélagar greiði 1/10 hluta
félagsgjalda. Upphæð þessi samsvarar nokkurn veginn póstkostnaði við að senda þeim gögn
félagsins. Heiðursfélagar einir eru gjaldfríir. En felld eru niður gjöld hjá þeim sem um sárt
eiga að binda vegna heilsubrests eða atvinnumissis.
Þeim sem áður nutu gjaldfríðinda var sérstaklega greint frá þessum breytinum. Enda þótt
1/10 hluti félagsgjalda sé ekki há upphæð og flestir hafi sætt sig við að borga eitthvað, þá
hafa einstaka átt í erfiðleikum vegna þessa og talið að félagið hafi komið aftan að sér með
álagningunni. Þessi hinir sömu fullyrða að þegar námsmannaaðildin var þegin þá hafí það
verið á þeirri forsendu að hún stóð námsfólki til boða því að kostnaðarlausu. Þetta er rétt,
þannig var það en á ekki við lengur.
Unga fólkið hefur sumt hvert lítil Ijárráð, sama máli gegnir um elsta hópinn, sem lifir
naumt af eftirlaunum. Stjórn VFÍ hefur orðið við óskum um niðurfellingu hjá þeim sem með
frambærilegum rökstuðningi hafa óskað eftir slíku.
Haldið er áfram á sömu braut sem fyrr að félagið fái í auknum mæli greiðslu af veittri
þjónustu og verði óháðara félagsgjöldunum einum sarnan. Afgreiðslugjald er tekið vegna
vinnu við umsagnir félagsins um löggildingarleyfi sem ráðuneytin síðan veita.
VFl á enn nokkurn sjóð upp á að hlaupa af fé sem safnaðist á afmælisári. Þessir peningar
Mynd 5 VFÍ eignaðist sinn fyrsta félagsfána; Guðmundur G. Þórarinsson fráfarandi formaður,
Jóhann Már Maríusson formaður og Karl Omar Jónsson varaformaóur. (Ljósm.tArnbjörg Edda
Guðbjörnsdóttir).