Árbók VFÍ/TFÍ - 01.06.2009, Qupperneq 136

búnaðarkerfið þróast og Irefur sú þróun tekið mið af starfsemi RARIK, sem og annarra
orkuveitna og annarra notenda DMM. Áhugavert er að skoða hvernig hugbúnaðarkerfið
hefur þróast út frá þekkingarbrunni RARIK og fleiri fyrirtækja og hvernig hugbúnaðar-
kerfi almennt eru vettvangur ekki einvörðungu upplýsingamiðlunar, heldur einnig vett-
vangur þekkingarmiðlunar á milli fyrirtækja og innan þeirra.
Uppruni DMM
Þróun og smíði DMM-hugbúnaðarkerfisins hófst árið 1992. Undir lok síðustu aldar var í
tísku að búa til þriggja stafa skammstafanir með vísun í enska tungu og það á sjálfsagt
sinn þátt í því að nafnið DMM varð til, en DMM stendur fyrir Dynamic Maintenance
Management. Eins og nafnið gefur til kynna er DMM viðhaldsstjórnunarkerfi, þ.e.a.s.
kerfi sem fyrirtæki nota til að skipuleggja og stýra eftirliti og viðhaldi vélbúnaðar og
mannvirkja með það að markmiði að hámarka öryggi og áreiðanleika framleiðslukerfa
sinna og líftíma véla og mannvirkja á sem markvissastan og ódýrastan máta.
Upphafið að notkun DMM hjá RARIK
Samskipti DMM Lausna ehf., framleiðanda DMM, og RARIK hófust árið 1998 þegar þeir
fyrrnefndu fengu það verkefni að skrifa hugbúnaðarkerfið Keili. Keilir var áætlunar- og
verkstjomunarkerfi notað til þess að aætla notkun efnis og mannafla í tengslum við upp-
byggingu rafdreifikerfis RARIK, til dæmis uppbyggingu dreifilína, dreifistöðva, götu-
skápa og lagningu strengja. RARIK hafði í gegnum tíðina lagt vinnu og metnað í að útbúa
staðlaða „pakka" og verklag fyrir byggingu minni og stærri eininga í kerfi sín. Pakkarnir,
sem við getum líka litið á sem nokkurs konar kerfis-kökuuppskriftir, gera starfsmönnum
RARIK mögulegt að vinna áætlanir fyrir uppbyggingu kerfisins hratt og örugglega og
útbúa markvissar leiðbeiningar fyrir vinnuflokka. Með Keili var í raun verið að hjúpa
þessa dýrmætu vinnu starfsmanna RARIK á þann máta að sem auðveldast væri að nýta
hana frá degi til dags.
Sú hugmynd varð fljótlega til að sameina DMM og Keili og búa þannig til eitt hug-
búnaðarkerfi sem sameinaði eiginleika og kosti beggja. Sameinað kerfi leit dagsins ljós
árið 2001 og var valið að nota áfram nafnið DMM. Samtvinnun DMM og Keilis gekk ekki
átakalaust fyrir sig, enda er það jafnan mikil áskorun að samtvinna hugbúnaðarkerfi.
Eftir að tekist hafði að fjarlægja helstu hnökrana í kjölfar fyrstu útgáfu sameinaðs kerfis
fór RARIK að njóta þeirra kosta sem DMM-kerfið hafði upp á að bjóða og voru ekki áður
til staðar í Keili. Það sama átti vitaskuld við fyrir aðra notendur DMM, þeir gátu farið að
nýta sér þá kosti sem Keilir hafði upp á að bjóða, en voru áður ekki til staðar í DMM.
Síþróun og samvinna
Með sameiningu Keilis og DMM varð í raun og veru til samstarf á milli Hitaveitu
Suðurnesja, sem hratt af stað þróun DMM og RARIK, án þess þó að til þess hefði verið
stofnað á formlegan máta eða það skjalfest sérstaklega. Þessi tvö hugbúnaðarkerfi urðu
enda til á grunni þekkingar og reynslu starfsmanna þessara tveggja fyrirtækja. Árið 1999
hófu bæði Landsvirkjun og Orkuveita Reykjavíkur einnig að nota DMM. Landsvirkjun
og Orkuveita Reykjavíkur áttu tiltölulega auðvelt með að taka DMM í notkun, enda hafði
það verið hannað frá grunni af íslendingum fyrir íslenskar aðstæður. Að sama skapi nutu
RARIK og Hitaveita Suðurnesja góðs af ýmsum nýjungum sem urðu til í ljósi nýrra óska
°g hugmynda frá Landsvirkjun og Orkuveitunni sem voru orðin þátttakendur í þessu
óformlega sambandi og samvinnu. Þetta hefur frá upphafi verið tónninn í síþróun DMM,
þ.e.a.s. að pakka þekkingu starfsmanna fyrirtækja í búning hugbúnaðarkerfis, þannig að
allir njóti góðs af.
1 3 4
Arbók VFl/TFl 2009