Neytendablaðið - 01.02.1971, Blaðsíða 3

INNGANGSORÐ
1. tbl. Neytendablaðsins 1971 er í sama broti
og Neytendablaðið 1970, en er 8 síðum stærra.
Myndir og fyrirsagnir taka auk þess minna pláss
en áður og eykst lesefni blaðsins því mjög mikið.
tmsar ráðstafanir hafa verið gerðar til að spara
útgáfukostnað og var setning þessa tbl. þannig
gerð á skrifstofu Neytendasamtakanna.
Leitazt hefur verið við að hafa efni þessa
Neytendablaðs sem fjölbreytilegast. Veigamesta
efni blaðsins eru þrjár greinar: Verðsamanburður
á nauðsynjavöru á Reykjavíkursvæðinu og lands-
byggðinni, Getnaðarvarnarpillan, - kostir og
ðkostir, Neytendalöggjöf.
Ætlunin er að Neytendablaðið komi út í 3 - 4 tbl.
Mikið af efni næsta tbl. er þegar fullunnið eða er
í vinnslu. Þannig verður fjallað ýtarlega um af-
borgunarviðskipti í næsta tbl., en Neytendasamtökin
hafa látið fara fram mikla könnun um þau og er grein
um niðurstöður könnunarinnar nú í vinnslu. Einnig
hafa Neytendasamtökin hafið herferð til að fá fram-
leiðendur til að setja þyngdar- og innihaldsmerkingu
á vöru sína, verður grein um það efni í næsta tbl.
(Sjá nánar um þetta atriði á bls. 12). Við teljum
að árangur þessarar herferðar sé þegar að koma í
Eins og sjá má á ofanrituðu hefur ntstjðrn
Neytendablaðsins tekið þá stefnu að láta megin-
efni blaðsins byggjast fyrst og fremst á atriðum,
sem vandlega hafa verið unnin. Sneytt er hjá ó-
dýru æsifregnaefni. Þetta gerir efnissöfnun
kostnaðarmeiri og gerir auk þess á vissan hátt
meiri kröfur til lesenda blaðsins.
Stærsti þátturinn í starfsemi Neytendasamtak-
anna er eftir sem áður kvörtunarþjónustan, og
er grein um hana hér í blaðinu. bar hefur verið
unnið mikið starf undanfarna mánuði, matsnefndir
hafa verið stofnaðar og Neytendasamtökin hafa
fengið faglærða trúnaðarmenn sem ráðgjafa. Um
matsnefndirnar er fjallað í sérstakri grein í
blaðinu.
Vegna þeirra eflingu, sem orðið hefur í
kvörtunarþjónustu Neytendasamtakanna, hafa
seljendur í vaxandi mæli tekið lögfræðinga í
þjónustu sína til viðureignar við Neytendasam-
tökin. Virðast lögfræðingar almennt vera öllu
fúsari til að sinna málum seljenda en einstaka
neytendur. Sýnir þetta e.t.v. eitt og annað um
jafnrétti borgaranna gagnvart lögunum í þjóð-
félagi okkar.
Neytendasamtökin hafa sent til dagblaðanna
nokkrar fréttatilkynningar undanfarna mánuði.
Dagblöðin hafa sýnt þessum fréttatilkynningum
misjafnan áhuga (sjá sérstaka skýrslu um frétta-
tilkynningar á bls. 11).
Tengsl við neytendasamtök erlendis hafa verið
stórefld. Neytendasamtökin sendu Alþjóðasamtök-
um neytenda og neytendasamtökum í ýmsum löndum
ýtarlegar tillögur um siðareglur vegna endur-
prentunar. Var þessurn tillögum alls staðar vel
tekið.
I nóvember 1970 var hafið mikið starf til söfn-
unar nýrra félagsmanna Neytendasamtakanna. Þessi
söfnun hefur gengið nokkuð vel; á tímabilinu nóv.
1970 - rnarz 1971 hafa þannig um 600 nýir félags-
menn gengið í Neytendasamtökin. Eru þei allir
úr Keykjavík og nágrannabyggðum Eeykjavíkur, enda
hefur meðlimasöfnun ekki enn þá verið skipulögð
utan Eeykjavíkursvæðisins. Þessi auknxng a felags-
mannatölu Nevtendasamtakanna er nauðsynleg til^a
hagsmunamálum neytenda. Opinberir styrkir eru
takmarkaðir; þannig er styrkur ríkissjóðs kr.
125.000 árlega og var beiðni Neytendasamtakanna
um hækkaðan árlegan styrk til samtakanna á fjár-
hagsárinu 1971 hafnað. Hefur þá styrkur íslenzka
ríkisins til Neytendasamtakanna verið óbreyttur
síðan 1965.
A Norðurlöndum mun venjan að ríkissjóður greiði
50 - 100% af kostnaði vegna neytendamálefna.
Árgjald hvers félagsmanns Neytendasamtakanna er
kr. 300 og felst í því m.a. áskrift að Neytenda-
blaðinu.
Síðan 1 október 1970 hefur fast starfslið Neyt-
endasamtakanna verið Áslaug Káradóttir, sem annast
daglegan rekstur skrifstofu samtakanna, og Björn
Baldursson, sem annast almenn framkvæmdarstjórnar-
atriði. Björn starfar aðeins að hluta hjá samtök-
unum. Önnur aðkeypt vinna er takmörkuð, en felst
einkum í rekstri Neytendablaðsins.
Stjórn Neytendasamtakanna mun halda áfram að
vinna að hagsmunamálum neytenda á þeim grundvelli,
sem hún hefur ákveðið, - markvissu starfi án alls
skrums. Fjárhagur samtakanna ræður mestu um það
hve mikið starfið verður.
Gísli Gunnarsson.
Utgefandi: Neytendasamtökin skrifstofa Stórholti 1.
Simar: 21666 og 19722. Pósthólf 1096. Formaður
Neytendasamtakanna: Ottar Yngvason. Framkvæmdarstjóri
Neytendasamtakanna: Björn Baldursson. Ritstjóri og
ábyrgðarmaður blaðsins: Gísli Gunnarsson.
Öll eftirprentun á efni Neytendablaðsins er bönnuð
nema leyfi stjórnar samtakanna komi til. Hagnýting
framleiðenda eða seljenda á einstöku efni í auglýs-
ingarskyni fyrir vöru eða þjónustu er óleyfileg.
Þetta bann getur þó ekki hindrað það ef einhver aðili
vill stuðla að dreifingu blaðsins í óstyttu formi.
Engar auglýsingar eru í blaðinu.
Stjórn Neytendasamtakanna, kjörin á aðalfundi
8.febrúar 1971. Formaður Ottar Yngvason, héraðs-
dómslögmaður, varaformaður dr. Bjarni Helgason,
jarðvegsfræðingur, ritari Gísli Gunnarsson, kennari,
gjaldkeri Garðar Víborg, fulltrúi, meðstjórnendur
Ingólfur Hjartarson, skrifstofustjóri, Sigríður
Haraldsdóttir, forstöðukona Leiðbeiningarstöðvar
húsmæðra, Kristján Þorgeirsson, skrifstofumaður.
Varastjórn: Hjalti Þórðarson, skrifstofustjóri,
Hrafn Bragason, dómarafulltrúi, Svanlaug Baidurs-
dóttir, blaðamaður, Erika Friðriksdóttir, hagfræð-
ingur, Isidór Hermannsson, skrifstofumaður,
Bjarni Sigtryggsson, blaðamaður, Jón Oddsson,
héraðsdómslögmaður.