Neytendablaðið - 01.12.1983, Blaðsíða 26

Neytendasamtökin 30 ára
Auka þarf samstarf
Neytendasamtakan na
og
launþegahreyfingarinnar
rætt við Reyni
Ármannsson,
fyrrverandi
formann
Neytendasamtakanna
Reynir Ármannsson póstfulltrúi var
fyrst kosinn í stjórn Neytendasam-
takanna á aðalfundi 1975. Ári síðar
var hann kosinn formaður samtak-
anna og gegndi hann því starfi fram
til aðalfundar 1982. Reynir starfar
enn í stjórn samtakanna og er nú rit-
ari. En hver voru tildrög þess að
hann hóf afskipti af neytendamálum?
- Upphafið var á árinu 1974 þegar ég
var formaður Póstmannafélags íslands,
þá kynntist ég Guðmundi Einarssyni nú-
verandi forstjóra Skipaútgerðar ríkisins
og þáverandi formanni Neytendasamtak-
anna. Ég leitaði eftir upplýsingum um
neytendamál hjá honum, sem hann veitti
fúslega og fékk ég strax áhuga á öllu því
sem á einhvern hátt gæti treyst stöðu
neytandans.
Á þeim árum sem ég byrja að starfa í
stjórn samtakanna var fjárhagsstaðan
mjög erfið. En þetta var samvalið og sam-
hent lið í stjórninni. Það reyndi ekki síst
á gjaldkerana á þessum árum og hef ég
þar í huga þær Eiríku og Sigríði Friðriks-
dætur. Einnig minnist ég með þakklæti
Arnar Bjarnasonar starfsmanns samtak-
anna á árunum 1977-1981 og sem ég átti
mjög gott samstarf við, enda var Örn
prýðilega fær um að gegna þessu erilsama
starfi.
Neytendasamtökin eru
þverpólitísk samtök.
- Flokkapólitíkin vill stundum flækjast
fyrir í samtökum eins og þessum. Hvernig
hefur gengið á þeim árum sem þú hefur
starfað í Neytendasamtökunum að kom-
ast hjá deilumálum af þessu tagi?
- Neytendasamtökin telja sig vera
ópólitísk samtök, en kannski væri réttara
að nota orðið þverpólistísk samtök. Á
því er ávallt nokkur hætta að slík samtök
verði bitbein stjórnmálaflokkanna. Ég tel
að það megi aldrei vera þannig að þau séu
bendluð við einhvern ákveðinn stjórn-
málaflokk eða ákveðna pólitíska stefnu.
í stjórn samtakanna hafa ætíð verið menn
með mismunandi pólitíska skoðanir og
útilokað er að ætla sér að eyða öllum
tímanum í pólitískt þras.
En segja má að menn laðist til starfa að
málefnum neytenda af mjög mismunandi
ástæðum, fólk er svo mismunandi. Einn
er á móti kaupmönnum almennt og eymir
þar af gömlum viðhorfum til einokunar-
verslunarinnar. Annar er andvígur því að
hið opinbera ráðskist um of með fé al-
mennings. Enn annar telur að sterk neyt-
endasamtök geti bætt lífskjörin í landinu.
Allar öfgar hvort heldur þær eru af stjórn-
málalegum eða trúarlegum toga eða á
sviði neytendamála eru óheppilegar.
Neytendasamtökin eru ekki á móti kaup-
mönnum, þau eru á móti óréttmætum
viðskiptaháttum.
Neytendasamtökin eru ekki á móti op-
inberum stofnunum, en þau eru mótfallin
að þessi fyrirtæki misnoti einokunarað-
stöðu sína og hlunnfari neytendur.
En sem svar við spurningunni get ég
sagt að samtökunum hefur tekist á þeim
árum sem ég hef starfað þar, að komast
hjá flokkspólitískum deilumálum í öllum
meginatriðum.
Neytendafræðsla
í skólum er nauðsynleg.
- Minnist þú einhverra mála sérstak-
lega og sem ofarlega voru á baugi þegar
þú varst formaður?
- Eitt mál er mér þar efst í huga, raun-
ar mál sem við í Neytendasamtökunum
höfum bæði mikið rætt um og einnig reynt
að ná fram, en það er neytendafræðsla í
skólakerfinu. Neytendafræðsla er nú svo
til engin hér á landi. í nágrannalöndunum
24