Neytendablaðið - 01.12.1983, Blaðsíða 56
mun í för með sér hagsbætur
fyrir neytendur.
III. Alþýðuflokkurinn telur
nauðsynlegt, að hér starfi öflug
neytendasamtök, er gæti hags-
muna neytenda, ekki aðeins að
því er varðar verðlag, heldur
ekki síður vörugæði. Alþýðu-
flokkurinn telur að Neytenda-
samtökin eigi að reka um-
fangsmikla fræðslustarfsemi
varðandi vörugæði og vöru-
verð og telur raunar að slík
starfsemi sé fullt eins vel kom-
in í höndum frjálsra neytenda-
samtaka en opinberra stofn-
ana.
í stefnuskrá Alþýðuflokks-
ins segir m.a. á þessa leið:
„í samvinnu við fulltrúa
neytenda, ber að stórauka
öflun og miðlun upplýsinga um
verðlag og vörugæði til að
leiðbeina neytendum og veita
seljendum nauðsynlegt
aðhald.“ Ennfremur: „Al-
þýðuflokkurinn vill tryggja
með lögum fjölþætt eftirlit
með verslun og vörudreifingu
og heimild til hverra þeirra
ríkisafskipta, sem geta haldið
verðlagi í skefjum og tryggt
hag neytenda.“
Þingmenn Alþýðuflokksins
hafa á hverju þingi flutt fjöl-
mörg þingmál er varða hags-
muni neytenda. Minnt skal á,
að nær árlega, síðan 1977, hafa
verið flutt frumvörp til laga um
breytingu á lögum um Fram-
leiðsluráð landbúnaðarins.
Þau frumvörp hafa ekki náð
fram að ganga.
Ennfremur má minna á mál,
eins og frumvörp til laga um
lokunartíma sölubúða, skatt-
frádrátt vegna tannviðgerða,
eftirlit með gjaldskrám og verð-
töxtum einstakra stétta og
þjónustuaðila, lækkun fast-
eignagjalda, orkustyrk og
fleira og fleira mætti til taka.
Pví miður hafa fæst af þessum
málum náð fram að ganga.
Fyrir hönd Alþýðuflokksins
vænti ég þess, að ofanritað
þyki fullnægjandi svör við
spurningum yðar. Pingflokkur
Alþýðuflokksins væntir þess
að eiga gott samstarf við Neyt-
endasamtökin og árnar sam-
tökunum allra heilla í starfi
sínu.
F.h. þingflokks
Alþýðuflokksins,
Eiður Guðnason
Svör Framsóknarflokksins:
I. Framsóknarflokkurinn á
stóran þátt í setningu laga um
Framleiðsluráð landbúnaðrins
og almennt skipulag og vinnslu
á sölu landbúnaðarafurða.
Framsóknarflokkurinn telur
að með slíkum lögum hafi
neytendum verið tryggðar ein-
hverjar þær bestu landbúnað-
arafurðir sem fáanlegar eru.
Er mikil breyting orðin frá
þeim tíma, þegar mjólk var
seld ógerilsneydd á brúsum á
götuhornum í Reykavík.
Framsóknarflokkurinn beitti
sér fyrir endurskoðun á lögum
um Framleiðsluráð landbún-
aðrins 1979 til þess að draga úr
þeirri offramleiðslu sem verið
hefur á landbúnaðarafurðum.
Að hluta hefur það þegar skil-
að góðum árangri.
Lög og reglur um sölu og
'dreifingu landbúnaðarafurða
þurfa jafnframt að vera í nokk-
uð stöðugri endurskoðun með
tilliti til hagsmuna neytenda og
framleiðenda.
II. Framsóknarflokkurinn tel-
ur almennt að framleiðsluráðs-
lögum beri að beita til hags-
bóta fyrir neytendur og fram-
leiðendur, þegar því er að
skipta.
Flokkurinn hefur ekki tekið
afstöðu til deilu um skipulag
eggjasölu. Flokkurinn leggur
áherslu á að slíkt mál verði
leyst ekki síst með hagsmuni
neytenda í huga. Ódagsett egg
og án gæðaeftirlits samræmast
ekki þeim gæðakröfum sem
gerðar eru í dag.
III. Framsóknarflokkurinn
styður Neytendasamtökin
heilshugar. Þótt ekki hafi verið
sett beinlínis ákvæði í stefnu-
skrá flokksins þess efnis, hefur
Framsóknarflokkurinn í fjölda
samþykkta lagt áherslu á, að
tryggja þurfi hag neytenda
ekki síður en framleiðenda.
Framsóknarflokkurinn telur
að Neytendasamtökin þurfi að
eflast og verða öflugur aðili í
raunhæfu eftirliti með verði,
gæðum og þjónustu við neyt-
endur í landinu.
F.h. Frammsóknarflokksins
Steingrímur Hermannsson
Svör Alþýðubandalagsins:
I. Á síðustu árum hefur Al-
þýðubandalagið ekki flutt á
Alþingi tillögur til breytinga á
lögunum um Framleiðsluráð
landbúanðarins o.fl. Liggur
ekki fyrir nein flokkssamþykkt
um þessi mál frá síðustu árum.
Okkur er hins vegar Ijóst að
hér er um mikilvægan þátt að
ræða í okkar þjóðfélagi. Hefur
oft komið í Ijós að reglum um
dreifingu landbúnaðarafurða
er ábótavant. í því sambandi
má minna á þá galla í mjólk
sem fram komu ár eftir ár uns
heilbrigðisráðuneytið og Neyt-
endasamtökin lögðust á eitt
um úrbætur í þeim efnum. Sér-
staklega kemur þetta þó fram
þegar verðlag landbúnaðar-
afurða er ákveðið þar sem
dreifingarkostnaður er mjög
hár og margt bendir til þess að
vinnslustöðvar geta tekið til
sín aukið fjármagn á sama
tíma og neytendur verða að
þola umtalsverða kjaraskerð-
ingu. Alþýðubandalagið er
reiðubúið til viðræðna við
Neytendasamtökin um þessi
efni og tekur öllum ábending-
um um lagfæringar með
þökkum.
II. Svarið við fyrri spurning-
unni á einnig við um hluta af
þessari spurningu. Pví skal
hins vegar aðeins bætt við að
undirritaður er ekki þeirrar
skoðunar að ástæða sé til þess
að breyta núverandi sölufyr-
irkomulagi á eggjum.
III. Alþýðubandalagið telur
nauðsynlegt að efla starf Neyt-
endasamtakanna og hefur sýnt
vilja sinn í verki á liðnum árum
þegar flokkurinn hefur haft að-
stöðu til þess. í því sambandi má
sérstaklega minna á stóraukin
framlög til neytendamála 1979,
þar sem Alþýðubandalagið fór
með viðskiptaráðuneytið. Pá
var sérstök áhersla lögð á
stofnun nýrra deilda víðsvegar
um landið. Alþýðubandalagið
leggur jafnframt sérstaka
áherslu á að Neytendasamtök-
in séu sjálfstæð og óháð opin-
berum aðilum jafnt sem einka-
fyrirtækjum.
Loks skal bent á að mjög er
vegið að hagsmunum neytenda
um þessar mundir. Neytendur
verða að una stórfelldri kjara-
skerðingu og bannað er með
bráðabirgðalögum að semja
um kaup og kjör í landinu.
Hefur það aldrei gerst áður í
sögu lýðveldisins að þannig sé
vegið að grundvallarmannrétt-
indum.
F.h. Alþýðubandalagsins.
Svavar Gestsson.
Svör Sjálfstæðisflokksins:
I. Varðandi stefnu Sjálfstæðis-
flokksins í sambandi við sölu
og dreifingu landbúnaðar-
afurða og varðandi lögin um
Framleiðsluráð landbúnaðar-
ins vill Sjálfstæðisflokkurinn
taka eftir farandi fram:
Lögin um Framleiósluráð
landbúnaðarins eru nú til
endurskoðunar og því erfitt að
drepa á einstaka þætti í þeim.
Markmið þeirrar endurskoðun-
54