Neytendablaðið - 01.12.1983, Blaðsíða 87
Neytendablaðið 30 ára
AKRANES-
DEILDIN
Aukið starf í dreifbýli
Þann 21. janúar sl. efndu Neytendasamtökin til kynningar-
fundar í húsakynnum verkalýðsfélaganna í Borgarnesi,
Snorrabúð. Fundinn sóttu tæplega 30 manns, sem teljast
verður mjög góð þátttaka, þar sem margir sem áhuga höfðu á
fundinum gátu því miður ekki mætt af ýmsum ástæðum. Það
hefur reynslan einmitt sannað, því siðan hafa 10 nýir félagar
gengið í samtökin. Hafa nú á skömmum tíma 40 manns
gengið í deild neytendasamtakanna i Borgarnesi og nær-
sveitum.
(1. tbl. 1978)
Laugardaginn 25. nóv. 1978 var
stofnuð deild NS fyrir Akranes og
nágrenni. Starfar hún að öllu leyti
samkvæmt markmiðum heildar-
samtakanna.
Þegar hafa verið gerðar tvær
verðkannanir í matvöruverslunum
og ein könnun á verðmerkingum i
búðargluggum. Hafa þær mælst vel
fyrirbæði hjá neytendum og versl-
unarmönnum.
Frá upphafi hefur deildinni verið
boðið að birta niðurstöður kannana
og annað efni i mánaðarblaðinu
Umbroti, sem gefið er út á Akra-
nesi. Ein heilsíða hefur jafnan stað-
ið deildinni til boða. Ekki þarf að
fjölyrða um ágæti slíks fyrirkomu-
lags þar eð eigin útgáfustarfsemi
hefur reynst litlum félagasamtök-
um ofurefli.
Kvörtunarþjónustu var komið á
fót strax í upphafi og geta neytend-
ur einu sinni í viku komið kvörtun-
um á framfæri við deildina símleið-
is. Meiriháttar mál eru send Neyt-
endasamtökunum í Reykjavík.
Sú tilraun var gerð eftir áramót
að stofnsetja nokkurs konar heim-
ilistækjabanka. Auglýst var eftir
gangfærum heimilistækjum (ísskáp-
um og eldavélum), sem væru ekki í
notkun. Slík tæki kæmu neytend-
um að góðu gagni, ef bilanir eða
jafnvel deilur við fyrirtæki út af
ábyrgð og slíku ættu sér stað. Hefur
sú viðleitni mælst vel fyrir, þótt
ekki hafi borist nein tilboð.
Ætlunin er í framtíðinni að bjóða
neytendum á Akranesi og nágrenni
sem fjölbreyttasta og nytsamleg-
asta fræðslu og þjónustu.
(1. tbl. 1979)
TOMATAR
I júni 1978 kom upp svo-
nefnt tómatamál. For-
saga þess er sú, að 29.
júní birtist í Dagblaðinu
mynd af talsvert miklu
magni af tómötum, sem
Sölufélag garðyrkju-
manna hafði látið henda
á öskuhaugana í Reykja-
vík. Sama dag sendi
stjórn Neytendasamtak-
anna fjölmiðlum afrit af
bréfi, sem Sölufélagi
garðyrkjumanna hafði
verið sent í ágúst 1977,
en í því höfðu NS harð-
lega gagnrýnt eyðilegg-
ingu á offramleiðslu fyrr
á árinu, en jafnframt
lagðar fram tillögur,
hvernig fullnýta mætti
þessa vörutegund. Enn-
fremur var lagt til, að
Sölufélagið lækkaði verð-
ið á tómötum í stað þess
að henda offramleiðsl-
unni. Þetta kváðust Sölu-
félagsmenn hins vegar
hafa reynt áður, en það
hefði ekki borið tilætlað-
an árangur.
Eftir því sem leið á
júlimánuð varð þrýst-
ingurinn bæði frá NS og
eins ýmsum dagblöðum
hins vegar orðinn það
mikill, að Sölufélags-
menn treystust ekki til
þess að þráast við lengur
og 24. júlí lækkuðu þeir
verðið á tómötum úr kr.
750- niður í kr. 500- á
kílóið. Árangurinn lét
ekki á sér standa, því að
á aðeins einni viku seld-
ust umframbirgðirnar
algjörlega upp. I mörg-
um verslunum í Reykja-
vík varð salan á tómöt-
um þrefalt meiri en ver-
ið hafði t.d. vikuna á
undan. Það má því óhik-
að segja, að sjónarmið
NS hafi náð fram að
ganga í þessu máli.
(1. tbk 1979)
85