Neytendablaðið - 01.04.2003, Side 7
i -V f L .V
r
Stjórn Neytendasamtakanna 1984-1986. Aftari röð frá vinstri: Kristín Sigtryggsdóttir, Gísli Baldvinsson, Þorlákur Helgason, Steinar Þorsteinsson,
Anna Birna Halldórsdóttir, Guðsteinn V. Guðmundsson framkvæmdastjóri samtakanna, Bjarni Skarphéðinsson, Ásdís Rafnar varaformaður og Ólaf-
ur Ragnarsson gjaldkeri. Fremri röð frá vinstri: Gfsli Gunnarsson, Reynir Ármannsson ritari, jóhannes Gunnarsson formaður og Jónas Bjarnason.
Áherslur breytast - baráttumálum
fjölgar
Jóhannes Gunnarsson hefur líklega
starfað meira að neytendamálum hér
á landi en nokkur annar, fyrr og síðar.
Hann var aðalhvatamaður að stofnun
Neytendafélags Borgarfjarðar, fyrsta
neytendafélagsins, og var formaður þess
fyrstu tvö árin. Hann var kjörinn í stjórn
Neytendasamtakanna 1978, varð formað-
ur þeirra 1984 og hefur verið það síðan
að undanskildum árunum 1996-98 þeg-
ar Drífa Sigfúsdóttir var formaður, fyrst
kvenna. Þau tvö ár var Jóhannes fram-
kvæmdastjóri samtakanna.
íformannstíð Jóhannesar urðu Neytenda-
samtökin sífellt fyrirferðarmeiri í allri
fjölmiðlaumræðu um neytendamál, en
jafnramt varð formannsstarfið viðameira
og vandasamara. Jóhannes var æ oftar
inntur eftir afstöðu samtakanna til marg-
víslegra mála sem vörðuðu viðskipti,
neyslu og almenn kjör. Á sama tíma
urðu viðfangsefni samtakanna víðtækari
en áður. Þau létu til dæmis sífellt meira
til sín taka á sviði banka- og fjármálavið-
skipta. Með minnkandi verðbólgu og
auknum stöðugleika batnaði verðskyn
almennings og standa Neytendasamtök-
in nú fyrir vönduðum verðkönnunum
sem birtar eru í fjölmiðlum og vekja verð-
skuldaða athygli.
Vegna vaxandi fjármálavanda hjá heim-
ilum efndu Neytendasamtökin þegar á
árinu 1991 til ráðstefnu um fjármál heim-
ilanna og gjaldþrot einstaklinga og vakti
hún verðskuldaða athygli. í kjölfar henn-
ar stóðu samtökin fyrir umræðum um
þjónustu og aðlögunarferli fyrir heimili
í greiðsluerfiðleikum. Á árinu 1993 hófu
Neytendasamtökin að aðstoða heimili í
greiðsluerfiðleikum með ráðgjöf og ann-
arri þjónustu en sú starfsemi var lögð
niður með stofnun Ráðgjafarstofu um
fjármál heimilanna. Neytendasamtökin
hófu jafnframt námskeiðshald í fjármál-
um heimilanna sem enn er við lýði og
hefur notið mikilla vinsælda.
í byrjun tíunda áratugarins juku Neyt-
endasamtökin mjög samvinnu við erlend
neytendasamtök, svo sem með virkri
þátttöku í norrænu neytendasamstarfi,
samstarfi innan Evrópusamtaka neyt-
enda (BEUC) og samstarfi neytendasam-
taka um gæðakannanir (ICRT). Allt þetta
samstarf hefurskilaðNeytendasamtökun-
um veigamiklum upplýsingum og marg-
víslegum stuðningi.
Eftir því sem hlutverk Neytendasamtak-
anna hefur orðið fjölbreyttara og starf-
semi þeirra markvissari og faglegri hafa
opinberir aðilar óskað eftir umsögnum
samtakanna í ríkara mæli, til dæmis um
margvíslega löggjöf.
Neytendasamtökin stóðu fyrir skipu-
legri og öflugri félagasöfnun á árunum
1988-90. Á aðalfundi samtakanna
1990 hafði fjörutíu ára gamall draumur
um Neytendasamtökin sem raunveru-
leg fjöldasamtök ræst. Á tveimur árum
hafði fjöldi félagsmanna þrefaldast, úr
sjö þúsund og þrjú hundruð manns í ríf-
lega tuttugu þúsund manns, Síðan hefur
félagsmönnum heldur fækkað og eru nú
rúmlega 13 þúsund. Það breytir þó ekki
þeirri staðreynd að Neytendasamtökin
eru óumdeilanlega öflug og fagleg fjölda-
samtök sem allir þekkja og eftir þeim
er tekið. Þau hafa fyrir löngu sannað
tilverurétt sinn sem öflugur og sanngjarn
málsvari neytenda.
NEYTENDABLAÐI0 1. TBL. 2003 7