Foringinn - 01.10.1975, Blaðsíða 29

Foringinn - 01.10.1975, Blaðsíða 29
Kæru foringjar. Ég geri ráö fyrir að starfið í félögunum ykkar sé nú komiö í fullan gang, og vafalaust eru margir nýir foringjar um þaö bil að hefja störf. það er að okkar mati mjög mikilvægt, að hinir eldri og reyndari foringjar að- stoði og hjálpi þeim yngri, sér- staklega á haustin þegar starf- semin er að hefjast. Það er m.a. hægt að benda nyju foringjunum á nauðsyn og nytsemd góðrar þjálf- unar og segja þeim frá þeirri reynslu sem þið hafið fengiö af foringjanámskeiðum. Það er líka ástæöa til að nefna hér nauðsyn þess að foringjar sendi nöfn og heimilisföng hinna nýju foringja strax til skrifstofu B.Í.S. svo hægt sé að senda þeim Foringjann og önnur nauðsynleg gögn. Það má líka benda á að hægt er að skrifa eöa hringja á skrifstofu B.Í.S. og biðja um meira af blöðum og bæklingum ef þið hafið ekki feng- ið nóg sent. Ég vona að allir foringjar hafi nú þegar kynnt sér áætlun um námskeiðahald B.Í.S. á komandi vetri, ef ekki er hægt að finna hana á bls. 28 £ 4.tbl. Foringjans eöa í Hornauganu sem Foringjaþjálfunarráð sendi út í september. Samkvæmt áætlun var haldið grunnnámskeið í september, fullbókað var á námskeiðið (25) og komust ekki allir að sem vildu. Bendir þetta til þess að ef til vill væri þörf á öðru grunnnám- skeiði fyrir áramót- og væri mjög gott að heyra frá foringjum um þetta atriði. Ennfremur var hald- ið undirbúningsnámskeið fyrir skátaforingja í september og voru á því 16 þátttakendur. Þar hefðu fleiri getað komist að, en ég reikna meö að þeir sem ekki sottu þetta námskeið fari á námskeiðið sem verður 17-19 okt Ástæða er til að taka fram að nokkur brögð eru af því að fólk tilkynni ekki þátttöku á námskeið- in á réttum tíma. Einnig að þeir sem tilkynna þátttöku og afboða ekki þurfa að greiða námskeiöis- gjaldið og þeir sem ekki tilkynna þátttöku áður en frestur er út- runninn komast yfirleitt ekki með. Dagana 3-5 október var haldið undirbúningsnámskeið fyrir drótt- skátaforingja. Tíu þátttakendur sóttu námskeiðið, námskeiðiö var eingöngu haldið vegna þess að 14 umsækjendur voru. En nú bar svo til að 4 mættu ekki, þvflíkt at- hæfi er ófyrirgefanlegt. Augljóst er, að mjög bagalegt er fyrir stjórnendur námskeiða og þá tíu þátttakendur sem eftir eru , ef þeim er tilkynnt á síðustu stundu að ekkert geti orðið af námskeið- inu. Það má furðu sæta að engmn umsækjanda var utan af landi. Sú skýring er líklegust að lands- byggðarmönnum vaxi ferðakostnað- urinn £ augum. Ef þessi skýring er rétt, ætla ég að biðja ykkur um að snúa ykkur til skrifstofu B.Í.S. og láta okkur vita, hver veit nema eitthvað sé hægt að gera til að aðstoða ykkur við ferð til Úlfljótsvatns. Með von um að við heyrum ein- hverntíma eitthvað frá einhverjum. f.h. Foringja.þ.r. VÆK. \.:yí:;:;:::;::::>í/:í!í¥;;í::í»> ^::^^-^::-\-x-:ý-:-::::^^y^

x

Foringinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Foringinn
https://timarit.is/publication/905

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.