Foringinn - 01.06.1979, Blaðsíða 10

Vifilsbúð
Vífilsbúð er skáli, sem lítið hefur farið
fyrir hingað til, en það er vonandi að sem
flestir eigi eftir að heimsækja hann oftar
en einu sinni. Skálinn er í eigu Skáta-
félagsins Vífils í Garðabæ, og er staðsettur
í Urriðakotslandi, rétt utan við Heiðmörk.
Mikið kapp hefur verið lagt á að gera
skálann sem best útileguhæfan og hefur
það tekist mjög vel. Skálinn er hentugur
fyrir 15—20 manns, en hann er einnig góð-
ur fyrir smærri hópa. í skálanum er mjög
góð lýsing svo og eldunaraðstaða. Hann
er kyntur með ami og gastækjum, svo
engum ætti að verða kalt. Umhverfið er
mjög hentugt fyrir alls konar skátastarf.
Þar em fjöll, hraun, vötn og sléttar flatir.
Hvers meira er hægt að óska sér?
Vonandi dugar þetta, kæri lesandi, til
að þú drífir þig með flokkinn þinn eða
sveitina þína til að sannfærast um að
skálinn standi fyrir sínu.
Allar nánari upplýsingar veitir Hafdís
Bára Kristmundsdóttir í síma 43678.
o