Foringinn - 01.10.1979, Blaðsíða 4

Ylfingar og ljósálfar
Allar sveitir ættu aö eiga mjög auövelt meö
að fara skemmtilega f jöruferð, eða meöfram á
eða læk, þar sem hver og einn safnaði sæ-
börðum skemmtilegum steinum í mismun-
andi litum og að lögun. Auðvitað væri nesti
með, Ef veðrið væri gott mætti búa til hlóðir
og lofa öllum að grilla sér pylsu, en ef það
rignir, sem er alveg ágætt í fjöruferð, þá er
það heita kakóið sem best er að hafa með sér.
Ymsir leikir og söngur eru á dagskrá. Ein-
hverjir snjallir fengju það verkefni að skrifa
ferðasögu fyrir næsta fund. Næsti fundur yrði
síðan notaður til að búa til steinatröll, eða
karla og kerlingar úr fjörugrjótinu. Hand-
leggina má hafa úr pípuhreinsurum, tágum
eða leöri, annars eru handleggir ekki nauð-
synlegir. Steintröllið. getur síðan staðið á
trjábút eða fjöl, og fallegt er að mála á það föt
og andlit. Ferðasagan yröi svo lesin í fundar-
lok.
Ljósálfar og ylfingar eiga ekki eingögnu að
hugsa um sjálfa sig. Þeir þurfa að læra tillits-
semi við aðra, og væri ekki tilvalið að hver og
einn fyndi smá verk á sínu heimili, sem það
óumbeðið sæi um. Hægt væri að skipta um
verk mánaðarlega, svo þetta yrði fjölbreytt-
ara. Þetta gæti t. d. verið: að sjá um að bað-
vaskurinn og spegillinn væri alltaf hreinir,
sópa stétt, tröppur og svalir, halda eld-
húsglugganum hreinum, halda útihurð og
bílskúrshurð hreinni, o. s. frv.
Ef sveitin er samstæð og foringinn treystir
sér til væri þroskandi fyrir hvert bam að
komast í samband viö fatlað fólk eða á ein-
hvem hátt skert bam, eða fullorðinn, sem
sveitin gæti boðið á fimd og reynt á ýmsan
hátt að gleðja og hjálpa, allt eftir aðstæðum.
Það myndi vekja til umhugsunar og umræðu
a mismunandi aðstöðu manna í lífinu.
Það gæti verið gaman fyrir sveit að eignast
vinasveit í sama eða nærliggjandi byggð-
arlagi, svo heimsókn gæti átt sér stað, og
hægt væri að skiptast á leikjum og fróðleik,
og fyrir foringjann yrði það ávinningur.
í von um gleðilegt starf í vetur,
Með skátakveðju,
Ingibjörg Þorvaldsdóttir
o