Bændablaðið - 11.04.2000, Blaðsíða 11

Þriðjudagur 11. apríl 2000
BÆNDABLAÐIÐ
11
Svanfríður Jónasdóttir með fyrirspurn
um verð leigulína til gagnaflutnings:
„Bdii líðandi að aðstaða
landsbygBöarinnar ráðist af
metrafjolda frá Reykjavik"
Svanfríður Jónasdóttir lagði fyr-
ir skömmu fram fyrirspurn á
Alþingi til samgönguráðherra
um verð leigulína til gagnaflutn-
ings. Þar spurði Svanfríður
hvort ráðherra teldi að jafna
þurfl aðstöðu þeirra, sem þurfa
eða vilja nýta sér möguleika
nýrrar samskiptatækni til fjar-
kennslu, fjötmiðlunar eða fjar-
vinnslu hvað varðar verð leig-
ulína til gagnaflutninga og
hvaða leiðir hann sæi færar til
slíks.
Svanfríður benti á þegar hún
mælti fyrir fyrirspuminni að
verðmunur á leigulínum væri allt
að fimmfaldur og að Landssíminn
hefði viðurkennt að landsbyggðin
væri að borga of mikið fyrir þá
þjónustu miðað við kostnað. Þá
lýsti hún þeirri skoðun sinni að til
lítils væri að setja upp áætlanir um
fjarvinnslukerfi úti á landi ef
kostnaður þessi yrði ekki jafnaður.
I svari sínu sagðist Sturla
Böðvarsson samgönguráðherra
telja að jafna þyrfti aðstöðu til að
nýta sér leigulínur. Hann upplýsti
að hann hefði óskað eftir því við
verkefnisstjóm um upplýsinga-
samfélagið, að gerð yrði athugun á
þörf landsbyggðarinnar fyrir
gagnaflutningi á sviði menntunar,
heilbrigðisþjónustu og atvinnulífs.
Hluti af þessari vinnu hefði þegar
farið fram í samstarfi við ráðun-
eytið og ráðherra væntir þess að
frekar verði unnið að málinu í
samvinnu við atvinnulífið. Sturla
benti einnig á að samkeppni á fjar-
skiptamarkaði hefði þegar lækkað
verð á fjarskiptum og í því felist
nokkur aðstöðujöfnun. Einnig tek-
ur Sturla fram að líklegt sé að fyr-
irtæki muni í vaxandi mæli nota
aðrar aðferðir en leigulínur við
fjarkennslu, fjarvinnslu og
fjölmiðlun.
Svanfríður segist hafa viljað
með fyrirspuminni kalla fram
hvort raunverulega væri vilji hjá
ríkisstjóminni til að jafna þann
aðstöðumun sem enn er til staðar
milli landhluta hvað varðar
aðgengi að leigulínum. „Þó svo að
gjaldskráin hafi verið endurskoðuð
er ennþá munur sem ég hélt að
menn hefðu tekið pólitíska
ákvörðun um að jafna. Svör
ráðherra benda hins vegar til þess
að það eigi ekki að ganga lengra
heldur bíða þess að tæknin og
samkeppnin bjargi þessu fyrir okk-
ur.“ Svanfríður bendir á að ekki sé
samkeppni mjög víða í fjarskiptum
úti á landi þar sem helst þyrfti að
lækka verðið.
Svanfríður gefur lítið fyrir svar
ráðherra um að menn muni nota
aðra tækni en leigulínur í
framtíðinni. „Forveri Sturlu í
starfi, Halldór Blöndal, kom oft
með tæknileg svör frá for-
svarsmönnum Landssímans við
pólitískum spumingum. Það gerir
Sturla líka. Ég er að leita eftir
pólitískum vilja ríkisstjórnarinnar
því ef menn em búnir að taka
pólitíska ákvörðun finna menn
leiðir til að framkvæma hana. Ég
get ekki lesið annað úr svömm
ráðherra en að hann vilji óbreytt
ástand og þar með að þessi
verðmunur haldist."
Svanfríður segir þetta mjög
stórt hagsmunamál fyrir lands-
byggðina. „Að mínu mati er þetta
ekki minna samgönguhagsmun-
amál en aðrar samgöngur. Mér
finnst að landsbyggðin eigi að gera
háværari kröfu til þess að sitja við
sama borð og höfuðborgarsvæðið.
Það er ekki líðandi að aðstaða
landsbyggðarinnar sé látin ráðast
af metrafjölda frá Reykjavík.“
Til allra sem
veinni geta valdiö!
Ákveðið hefur verið að efna til opinnar samkeppni
um gerð vettlinga í Uilarvinnslunni Þingborg í
samvinnu við Listasafn Ámesinga. Tilgangurinn er
að vekja athygli á þeirri miklu fjölbreytni, sem
tengist þessari þarfaflík og halda menningu þeirra
á lofti. Einnig viljum við benda á fjölbreytileika
íslensks hráefnis. Þáttakendur skulu senda inn
fullunnið vettlingapar og nota íslenskt hráefni að
mestu leyti. Aðferðin er frjáls. Vettlingamir berist
til Þingborgar fyrir kl. 18 flmmtudaginn 11. maí
2000. Hverju vettlingapari skal skila í umslagi
merktu dulnefni ásamt lokuðu umslagi með nafni,
heimilisfangi og símanúmeri höfundar.
f dómnefnd verða Þingborgarkonur sem ekki
taka þátt í keppninni og þær kynna niðurstöður
sínar laugardaginn 13. maí kl. 14 í Þingborg. Þá
em allir velkomnir. Listasafn Árnesinga leggur til
þrjár viðurkenningar. Bestu vcttlingarnir verða til
sýnis í Þingborg í sumar.
Metin verða hugmynd, lögun, litaval, áferð,
gæði hráefnis og notkun þess, handbragð og
frágangur.
í Þingborg er hægt að fá tilsögn við að spinna
vettlingaband á flmmtudögum milli 2 og 6.
Ullarvinnslan starfar í gömlu skólahúsi þétt við
hringveginn í miðjum Flóanum austan við Selfoss.
Bændasamttíkin semja viO
Skýrr lií. um iorritun á
WorldFeuuur
Bændasamtök íslands hafa gert
verksamning við upplýsin-
gatæknifyrirtækið Skýrr hf. um
hönnun og forritun á tölvukerfi
vegna WorldFengur verkefnis-
ins, sem er samstarfsverkefni
Bændasamtakanna og FEIF um
gerð miðlægs og alþjóðlegs
gagnasafns um íslensk hross.
Samkvæmt samningnum útveg-
ar Skýrr hf. tvo forritara auk
verkefnastjóra í verkið en Jón
Baldur Lorange, forstöðumaður
tölvudeildar BÍ, Rúnar Óli
Bjarnason forritari og Ingibjörg
Pétursdóttir kerfisfræðingur
munu vinna að verkinu fyrir
hönd BÍ.
Jón Baldur segir að með þessu
eigi að takast að smíða tölvukerfið
hratt og örugglega. „I vinnu við
verkefnið verður fylgt vottuðu
gæðavinnsluferli hugbúnaðar-
deildar Skýrr hf. en öll
hugbúnaðargerð á vegum fyrírtæk-
isins er gæðavottuð samikVæmt
staðlinum ISO-9001:1994. Þessi
vottun tekur til þróunar,- fram-
leiðslu, uppsetningu og viðhalds
hugbúnaðar. Þannig fáum við
tryggingu fyrir að uiinið verði
samkvæmt ströngum gæðastöðlum
að hugbúnaðargerðinni enda skipt-
ir miklu að vel takist til í þessari
hugbúnaðargerð."
Jón Baldur segir að með þessu
verði tryggt eins og nokkur kostur
er að verkið verði unnið fagmann-
lega og af öryggi. „Við nýtum
nýjustu tækni í Intemetforritun,
þ.e. Java, og þar munum einnig
njóta leiðsagnar Teymis sem er
umboðsaðili Oracle á Islandi. Við
höfum ákveðið að nýta nýjustu
þróunarverkfæri í Javaforritun,
sem hafa verið notuð erlendis en
nánast ekkert hér á landi.“
Jón Baldur bætir við að World-
Fengur verði alfarið unninn þannig
að hann verði aðgengilegur á Inter-
netinu. „Það verður því hægt að
vinna í kerfinu hvar sem er á land-
inu og hvar sem er í heiminum,"
segir hann.
Fyrsti áfangi kerfisins, sem
verður eingöngu nú fynr ísland, á
að vera tilbúinn í júní. I raun hefði
þurft að koma kerfinu I gagnið í
maí en ljóst er orðið að það er ekki
raunhæfur kostur. í haust verða
Noregur og Sviss tekin inn í kerfið
sem prófunaraðilar og munu þau
þá taka upp íslenska skýrsluhalds-
kerfið í hrossarækt. Áætlað er öll
aðildarlönd FEIF geti farið að
notað kerfið í febrúar árið 2001.
Marsibil Hjaltalín og Bragi Þór Guðmundsson hjá Skýrr hf.
Landbúnaðarráðuneytið
Jarðir til ábúðar/leigu
Hjá jarðadeild landbúnaðarráðuneytisins eru neðan-
greindar jarðir lausar til ábúðar/leigu frá komandi
fardögum:
1. Ásvöllur, Fljótshlfðarhreppi, Rangárvallasýslu; á
jörðinni er ræktað land 18,9 ha, íbúðarhús b. 1993
úr timbri, 137,9 m2 að stærð, steypt fjárhús, 89m2,
sem og hlaða, 67,1 m2, b. 1955, og véla- og
verkfærageymsla úr timbri, 83,4m2 að stærð, b.
1989.
2. Björnskot, Skeiðahreppi, Árnessýslu; á jörðinni
eru ræktun 44,6 ha skv. úttekt 1999, íbúðarhús b.
1959, 300,3m2 að stærð, fjós (126,6m2), b. 1952
úr holsteini, steypt fjós með áburðarkjallara (um
104m2) b. 1990, fjárhús úr holsteini (um 63m2) b.
1952, steyptur votheysturn (12,5m2) b. 1970, tvær
hlöður, steyptar b. 1951 (119m2) og 1952 (37,3m2),
tvær geymslur, b. 1950 55,7m2) og b. 1978
(135m2), önnur undir vélar og verkfæri og minkahús
b. 1987 úr stáli, 809,3m2 að stærð. Greiðslumark í
mjólk.
3. Kirkjuból í Bjarnardal, ísafjarðarbæ, ísafjarðar-
sýslu; á jörðinni er ræktað land 19,9 ha, íbúðarhús
ca. 200 m2, byggt 1949, fjós b. 1958, hlaða með
súgþurrkun (297m3), b. 1953, hlaða (193m3), b.
1939, votheysgryfja (135m3), b. 1972, blásarahús
með súgþurrkun b. 1964, haughús (46m3), b. 1958,
safnþró (46m3), b. 1958, alifuglahús (50m3), b.
1969, garðávaxtageymsla (50m3), b. 1969, véla- og
verkfærageymsla, (600m3), b. 1973 og
mjólkurhús/fóðurgeymsla (31,4m2), b. 1984. Öll
útihús sem og íbúðarhúsið eru steypt fyrir utan
mjólkurhúsið sem er úr timbri. Greiðslumark í
sauðfé.
4. Múli I, Aðaldælahreppi, Suður-Þingeyjarsýslu; á
jörðinni er ræktað land 34,3 ha, íbúðarhús b. 1946,
steypt, ca. 240m2 að stærð, tvö fjós með
áburðarkjallara, b. 1957 (129m2). og 1973
(134,9m2), steypt, vötheysgryfja (14,5m2), b. 1959,
bogaskemma úr stáli, (79,5m2), b. 1968, hlaða með
súgþurrkun, (264m2), b. 1976, steypt, skúr
(15,1m2), b. 1980 úr timbri og steypt mjólkurhús
(25,5m2), b. 1959. Greiðslumark í mjólk.
5. Sturluflöt, Fljótsdalshreppi, Norður-Múlasýslu; á
jörðinni er ræktað I9,8 ha, íbúðarhús b. 1936, 72,3
m2 að stærð, þrjú fjárhús b. 1961, (269,3m2), 1935
(103m2) og 1979 (35,1 m2), þrjár hlöður b. 1959,
(112m2), 1963 (65,8m2) og 1979 (75,6m2), reykhús
(9,2m2), b. 1958, hesthús, (62,9m2), steypt, b.
1966, votheysgryfja (8,3m2) b. 1950 og véla- og
verkfærageymsla (71,4m2), b. 1966. Jörðin er án
greiðslumarks.
6. Ásar, Saurbæjarhreppi, Dalasýslu; ekkert ræktað
land er á jörðinni er stærð jarðarinnar í heild er um
10 ha. Á jörðinni er íbúðarhús b. 1945, 123,2 m2 að
stærð, fjárhús (64,8m2), b. 1966, hlaða (36m2), b.
1966, vélageymsla (21 m2), b. 1958, hesthús
(70m2), b. 1986 og verkfærageymsla (68m2), b.
1968. Einbýlishúsið er steypt en öll útihús úr timbri.
Greiðslumark í sauðfé.
7. Borgarhöfn 4 - Krókur, Hornafirði, Austur-
Skaftafellssýslu; á jörðinni er ræktað land skráð
6,6, ha, íbúðarhús b. 1974, ca 150 m2, fjós, þrjár
hlöður b. 1938 (70m3), 1946 (300m3), og 1970
(781 m3), og fjárhús b. 1971. Öll hús eru steypt á
jörðinni. Jörðin er án greiðslumarks.
Nánari upplýsingar eru veittar í síma 560-9750,
mánudaga til föstudaga kl. 13 -15. Umsóknareyðubiöð
fást í afgreiðslu landbúnaðarráðuneytisins og einnig á
heimasíðu ráðuneytisins sem nálgast má á slóðinni
http://www.stjr.is.
Umsóknir berist jarðadeild landbúnaðarráðuneyt-
isins, Sölvhólsgötu 7, 150 Reykjavík eigi síðar en
25. apríl 2000.
Landbúnaðarráðuneytinu 28. mars 2000.
fBTÍMJgfell