Dagsbrún - 01.11.1975, Blaðsíða 8

Dagsbrún - 01.11.1975, Blaðsíða 8
HVER ER RÉTTUR ÞINN? Starfsmenn Dagsbrúnar verða oft varir við, að menn vita ekki nægjanlega um rétt sinn, ef veikindi, slys eða annað slíkt ber að höndum, né um rétt þeirra, sem njóta elli- og örorku- lifeyris. Hér á eftir er ætlunin að veita nokkrar upp- lýsingar um þessi efni, enda þótt sá fróðleik- ur geti alls ekki orðið tæmandi í grein sem þessari. Dagsbrúnarmenn eru eindregið hvattir til að snúa sér til skrifstofu félagsins, ef þeir eru í vafa um rétt sinn, eða þurfa aðstoð á annan hátt, t. d. við að sækja um bætur, eða krefjast þeirra. Grein þessari er skipt niður í nokkra kafla eftir efni og er hugmyndin að auðvelda mönn- um með því að finna þar þær upplýsingar, sem þá vanhagar um. I. kaflí: Veíkíndí, sem ekkí stafa af u'mnu- slysum Veikist verkamaður, án þess þó að um sé að ræða vinnuslys, eru helstu réttindi hans til launa eða bóta sem hér segir: A. Vinnulaun Réttur verkamanns til óskertra launa frá atvinnu- rekanda fer eftir starfsaldri. Samkvæmt almennum samningum Dagsbrúnar er þessi réttur sem hér segir: 1. Hafi verkamaður unnið skemur en eitt ár hjá sama atvinnurekanda skal hann fá greiddan einn dag fyrir hvern unninn mánuð. 2. Hafi verkamaður unnið eitt ár eða lengur hjá sama atvinnurekanda á hann rétt á allt að fjögurra vikna óskertum launum fyrir hvert sjúkdómstilfelli, en þó aðeins fjórar vikur samtals á hverjum 12 mán- uðum, sé um sama sjúkdóm að ræða. Atvinnurekandi getur krafist læknisvottorðs, sem honum ber að greiða, að því tilskyldu, að veikindi séu tilkynnt á fyrsta degi og að starfsmönnum sé ávallt skylt að leggja fram vottorð. Athugið, að menn skulu fá greidda þá yfirvinnu, sem þeir sannanlega hefðu fengið hefðu þeir eigi forfallast. B. Dagpeningar frá sjúkrasamlagi Auk þess sem sjúkrasamlag eða sjúkratrygginga- deild Tryggingastofnunar ríkisins greiða sjúkrahús- vist og aðra nauðsynlega læknismeðferð, ýmist að öllu leyti eða að hluta, greiða sjúkrasamlögin dag- peninga skv. eftirfarandi reglum: 1. Sækja þarf um sjúkradagpeninga á sérstök eyðublöð og þarf vottorð læknis að fylgja umsókn- inni. Starfsfólk sjúkrasamlags aðstoðar við að fylla út umsóknir. Nauðsynlegt er, að umsókn þessi ber- ist sem fyrst, því að dagpeningar greiðast yfirleitt ekki lengra aftur í tímann en tvo mánuði. 2. Allir samlagsmenn 17 ára og eldri, sem verða algerlega óvinnufærir, eiga rétt á dagpeningum. 3. Sjúkradagpeningar greiðast frá og með 11. veikindadegi, hafi veikindi varað a. m. k. 14 daga. Athuga ber, að meðan sjúklingur nýtur launa frá at- vinnurekanda sínum, renna dagpeningarnir til at- vinnurekandans. 4. Upphæð dagpeninga fer eftir því hversu mörg börn sjúklingurinn hefur á framfæri sínu eða greið- ir meðlag með. Dveljist sjúklingurinn á sjúkrahúsi 8 DAGSBRUN

x

Dagsbrún

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagsbrún
https://timarit.is/publication/936

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.