Dagsbrún - 01.11.1975, Side 12
því hið sama og segir í C-lið III. kafla um dánarbæt-
ur.
Upphæð dánarbótanna eru mismunandi eftir því
hverjir voru á framfæri hins látna.
Um aldurstakmörk hins tryggða gildir hið sama
og segir í lok C-liðs III. kafla, en þess ber að geta til
viðbótar, að samkv. þessum tryggingum eru börn
yngri en 13 ára ekki vátryggð fyrir hærri dánarbót-
um en sem nemur venjulegum útfararkostnaði.
E. Almennar skaðabœtur vegna banaslyss við vinnu
Um skaðabótaskyldu atvinnurekenda vegna bana-
slyss við vinnu samkvæmt almennum skaðabótaregl-
um gildir það sama og segir í D-lið III. kafla.
V. kaflí: Ellilífeyrir
A. Bœtur til ellilífeyrisþega frá Tryggingastofnun
ríJcisins
1. Allir, sem orðnir eru 67 ára og hafa átt lög-
heimili hér á landi, a. m. k. 3 ár á aldrinum 16-67
ára eiga rétt á ellilífeyri. Hjón, sem bæði eiga rétt á
ellilífeyri fá sem svarar 90% af lífeyri tveggja ein-
staklinga.
2. Tekjutrygging: Ef aðrar tekjur lífeyrisþegans
en lífeyrir almannatrygginganna eru engar eða mjög
litlar á hann rétt á svonefndri tekjutryggingu, það
er hækkuðum ellilífeyri.
3. Uppbót á lífeyri: Heimilt er að greiða enn
frekari uppbót á lífeyri, ef sérstakar ástæður mæla
með því, svo sem vistunarkostnaður á dvalarheimili,
há húsaleiga eða óvenjulegur sjúkrakostnaður, sem
sjúkratryggingar greiða ekki.
4. Vasapeningar: Lífeyrisþegar, sem dvelja á
vistheimilum geta fengið greidda svokallaða vasa-
peninga, ef þeir liafa engar tekjur.
5. Undanþága frá greiðslu afnotagjalda.
Lífeyrisþegar, sem njóta uppbótar á lífeyri, sbr.
grein 3 hér að framan, geta fengið undanþágu frá
greiðslu afnotagjalda af útvarpi og sjónvarpi, sem
þeir einir hafa afnot af.
Athugið, að greinar 2-5 hér að framan gilda
einnig um örorkulífeyrisþega.
6. Sveitarstjórnum er heimilt að lækka eða fella
niður fasteignaskatt efnalítilla ellilífeyrisþega og
þeirra, sem ekki hafa verulegar tekjur umfram elli-
lífeyri.
7. Barnalífeyrir: Tryggingaráð getur ákveðið að
greiða barnalífeyri með yngri börnum ellilífeyris-
þega en 17 ára.
8. Makabætur: Greiða má maka ellilífeyrisþega
makabætur, allt að 80% einstaklingslífeyris, ef sér-
stakar ástæður eru fyrir hendi, t. d. ef hann getur
ekki stundað atvinnu vegna sjúkleika makans.
9. Hafi ellilífeyrisþegi dvaKð á sjúkrahúsi eða
vistheimili lengur en 4 mánuði á síðustu 24 mánuð-
um, fellur lífeyrir að öðru jöfnu niðm í 5. mánuð-
inum, enda hafi sjúkratryggingar greitt sjúkrahúss-
dvölina.
Athugið, að sækja þarf um allar bæturnar á sér-
stök eyðublöð Tryggingastofnunarinnar.
B. Eftirlaun til aldraðra félaga í stéttarjélögum
Samkvæmt sérstökum lögum eiga aldraðir félagar
í stéttarfélögum rétt á sérstökum eftirlaunum, ef þeir
uppfylla eftirfarandi skilyrði:
1. Eru fullgildir félagar í stéttarfélagi, þ. e. aðalfé-
lagar.
2. Eru orðnir 70 ára og hafa hætt störfum.
3. Hafa unnið störf, sem greitt er af í atvinnuleysis-
tryggingarsjóð, í a. m. k. 10 ár eftir 1955.
Bætur þessar eru reiknaðar sem ákveðinn hundr-
aðshluti af launatekjum síðustu ára.
Þess ber að geta, að eftirlifandi makar látinna
manrxa, sem uppfylla ofangreind skilyrði, fá einnig
bætur, en þó nokkru lægri.
Athugið, að eftirlaun samkvæmt þessum lið
skerða ekki rétt til tekjutryggingar frá Trygginga-
stofnun, sbr. 2. gr. A-liðs þessa kafla.
V/. kaflí: Endurgreiðslur sjúkrasamlaga
uegna tannlœknínga
Með sérstökum lögum frá 1974 hófst þátttaka al-
mannatrygginga í greiðslum vegna tanniækninga
fyrir ákveðna hópa, sem hér segir:
1. Börn á aldrinum 6-15 ára skulu að jafnaði
njóta ókeypis þjónustu skólatannlækna.
Reikningar frá öðrum tannlæknum eru endur-
greiddir að fullu, ef skólatannlæknir gefur vottorð
um, að barnið þurfi óhjákvæmilega að leita annað,
eða ef enginn skólatannlæknir er á staðnum. Þetta
gildir, hafi viðgerð farið fram eftir 1. sept. 1974.
12
DAGSBRÚN