Dagsbrún - 01.11.1975, Blaðsíða 18
Verkamannabústaðir í byggingu, jyrstu íbúðirnar verða til-
búnar í mars.
íbúða í Reykjavík á næstu 5 árum. 80% íbúðarverðs-
ins skyldi lána til 33ja ára, 5% greiddust við úthlut-
un og 5% við móttöku, hin 10% skiptust á 2 ár og
síðan tækju við afborganir af 33ja ára láninu. Þess-
ar framkvæmdir drógust nokkuð, þar sem enginn
undirbúningur hafði átt sér stað, lóðir ekki tilbún-
ar, teikningar ekki tilbúnar og svo framvegis. í þess-
um málefnasamningi var samþykkt að leita nýrra
úrræða í byggingartækni og lækka þannig bygging-
arkostnaðinn.
Lang ódýrustu ibúðirnar
Fyrstu íbúðirnar voru tilbúnar í apríl 1968, alls
333 íbúðir, og það fór ekki á milli mála, þó að lóðir
væru óheppilegar og skipulag fyrirfram ákveðið, að
þetta voru lang ódýrustu ibúðirnar á markaðnum.
Um þessar íbúðir var töluvert deilt og það komu
fram á þeim nokkrir gallar, sem voru blásnir upp í
fjölmiðlum. Sumt af gagnrýninni átti rétt á sér, en
undirrótin var einkum hræðsla byggingarmeistara
við hið lága verð, sem óhjákvæmilega yrði borið
saman við markaðsverð byggingarmeistaranna. Síð-
an héldu framkvæmdir áfram, og í júlí í sumar lauk
þessum byggingum að öðru leyti en því, að eftir
er að byggja 29 raðhús. Uthlutað var 973 íbúðum
til félagsmanna í verkalýðsfélögum og var ásókn í
þær slík að oft voru 7 umsækjendur um eina íbúð.
Reykj avíkurborg fékk í sinn hlut 248 íbúðir, þann-
ig að alls hefur verið lokið við 1221 íbúð.
Gjörbreytt lífsskilyrði hundruð
alþýðufjölskyldna
Enginn vafi er á því að þessi framkvæmd hefur
gjörbreytt lífsskilyrðum hundruð alþýðufjölskyldna
hér í borginni, sem komist hafa í gott húsnæði með
kjörum, sem kannski hafa verið þeim erfið, en þó
það góðum að ella hefði þessu fólki ekki verið kleift
að eignast íbúð, t. d. fengu á 4. hundrað Dagsbrún-
armenn íbúðir.
Þessar íbúðir fullnægja ströngustu kröfum, og út-
lendingar, sem hafa skoðað þær, hafa lokið upp ein-
um munni um ágæti þeirra. Hitt er svo annað mál,
að skipulag á Breiðholtssvæðinu er mjög umdeilt
og þar hafa að mínu áliti orðið ýmis mistök, en það
er ekki í neinum beinum tengslum við okkar fram-
kvæmdir.
Þegar við horfum nú til unga fólksins, sem ætlar
að festa kaup á íbúð, má búast við að 50-80% af
ráðstöfunarfé þess fari í afborganir og vexti af hús-
næðislánum, og mitt álit er, að verkalýðshreyfingin
eigi að láta þessi mál meira til sín taka heldur en
verið hefur.
Ef við rifjum upp verð þessara íbúða, þá skulum
við fyrst taka 4ra herbergja, 100 fermetra íbúðir, af-
hentar fullbúnar að utan og innan með frágenginni
lóð í mars-apríl árið 1974 á aðeins kr. 2.780.000,00,
en þær sem voru afhentar í júní og júlí kostuðu kr.
2.970.000,00. í febrúarlok til júlí í ár voru afhentar
160 íbúðir í lokaáfanga, og þá voru 3ja herbergja
íbúðir seldar á kr. 3.450.000,00 og 2ja herbergja á
kr. 2.830.000,00.
Verkamannabústaðir I beinu framhaldi
■—- Nú er byrjað á verkamannabústöðum í Breið-
holti í einskonar framhaldi af hinu. Hvenær voru
þær byggingar ákveðnar?
— 1 samningunum 1965 lagði ég áherslu á, að
lán væru til 42ja ára og vextir yrðu ekki vísitölu-
bundnir, en þá var ákveðið að endurskoða húsnæð-
islánakerfið í heild — nokkurs konar sáttatillaga, og
jafnframt lögin um verkamannabústaði. 1971 komu
ný lög, sem kveða svo á, að fólkið greiði 20% af
verði íbúðarinnar þegar það flytur inn, en 80% er
lánað þannig, að tekin eru húsnæðismálalán með
18
DAGSBRÚN