Dagsbrún - 01.11.1975, Blaðsíða 19

venjulegum kjörum, sem nú nema 1700 þúsund, og
það sem á vantar að húsnæðismálalánin nái 80%
er lánað til 42ja ára með 2% vöxtum. Þetta eru lang-
hagstæðustu lán sem þekkjast í dag. Arið 1973 var
hafist handa og áætlað að á tímabilinu febrúar til
júlí 1976 verði afhentar 124 íbúðir. Þetta verða 32
eins og hálfs herbergja íbúðir, 32 tveggja herbergja
íbúðir, 46 þriggja herbergja íbúðir og 14 fjögurra
herbergja íbúðir. Frá ágúst 1975 fram til maí 1977
er ætlunin að afhenda 92 þriggja herbergja íbúðir
og 92 fjögra herbergja íbúðir. Það var ætlunin að
verkamannabústaðirnir tækju strax við af Fram-
kvæmdanefndinni og notuð yrðu sömu tæki og verk-
tækni, en verkamannabústaðirnir eru þegar nokkuð
á eftir áætlun vegna tafa hjá Framkvæmdanefnd,
lóðirnar voru langt á eftir áætlun og allt annað sem
því fylgir.
- Er búið að auglýsa eftir umsóknum?
- Nei, það verður væntanlega gert á næstunni, í
síðasta lagi um áramót og skilyrði fyrir veitingu
miðast fyrst og fremst við tekjumörk, en þau verða
nánar skýrð í auglýsingu.
Þörf erinþá viötækari ráðstafana
- A svo að þrýsta á ríkisvaldið til að halda á-
fram á sömu braut?
- Ég tel að ef menn vilja koma einhverju viti í
þessa byggingarhætti, þá sé nauðsynlegt að gera
ennþá víðtækari ráðstafanir til að efla byggingar á
félagslegum grundvelli, og það þyrfti að endurskoða
allt byggingarfyrirkomulag og húsagerð. Það er
nauðsynlegt að þeir, sem vilja leigja, njóti ævilangs
leiguréttar eins og tíðkast á Norðurlöndum og þurfi
ekki að ganga í gegnum þá erfiðleika, sem eru sam-
fara því að eignast eigið húsnæði. Það er ekki öllum
gefið að standa í slíku stappi. Það skal tekið fram,
að þar eru mjög ákveðnar reglur um umgengni
þeirra, sem njóta þessara leigukjara, og þeim, sem
ekki geta fylgt reglunum, er sagt upp húsnæðinu.
Spurningin er, hvort ný kynslóð sé alltaf dæmd til
að kaupa og borga upp íbúð. Mega engir valkostir
vera? Mega ekki vera til leiguíbúðir á félagslegum
grundvelli? I Bretlandi reynir Verkamannaflokkur-
inn að stefna að því að húsnæðiskostnaður fari ekki
yfir 25% af kaupi manna. Þetta hlutfall er miklu
hærra hér, a. m. k. fyrstu afborgunarárin. Ég tel að
verkalýðsfélögin verði að taka málið fastari tökum
og tryggja félagsmönnum sínum ákveðið öryggi í
byggingarmálum með valkosti milli eignar og leigu.
Ég vil svo taka fram að lokum að ég hef verið
einn þeirra, sem skipaður var af fulltrúaráði verka-
lýðsfélaganna til að úthluta íbúðunum. Ég hef
kynnst því, hverskonar gífurlegt böl lélegar og heilsu-
spillandi íbúðir hafa verið mörgu láglaunafólki.
Það var ákaflega ánægjulegt að leysa vandræði svo
margra og jafn sársaukafullt að geta ekki sinnt nema
hluta af þörfinni. sj.
LEIÐRÉTTING Á UPPHÆÐ FÆÐISPENINGA
Þau leiðu mistök hafa orðið í sambandi
við fæðispeninga til þeirra er vinna utan
flutningslínu, og hvorki eru keyrðir heim á
matmálstímum né séð fyrir fæði á vinnu-
stað, að í kauptöxtum Dagsbrúnar hefur
upphæð fæðispeninganna að undanförnu
verið of lág.
Hinn 1. desember 1974 hækkuðu um-
ræddir fæðispeningar í kr. 340,00 á dag, sé
verkamönnum ekið heim fyrir kvöldmatar-
tíma en kr. 590,00 fari heimkeyrsla fram
síðar.
Hinn 1. maí 1975 hækkaði þessi upphæð
svo aftur í kr. 390,00 á dag, sé verkamönn-
um ekið heim fyrir kvöldmatartima en kr.
685,00 fari heimkeyrsla fram síðar
Um leið og Dagsbrún harmar þessi mis-
tök beinir hún þeim tilmælum til félags-
manna, að þeir leiðrétti umræddar tölur í
kauptöxtum sínum frá 1. okt. s.l., en þar er
fjallað um frítt fæði og dagpeninga á bls. 10.
/ stað kr. 300,00 eiga þá að standa kr.
390,00 og í stað kr. 520,00 kr. 685,00.
DAGSBRÚN
19