Dagsbrún - 01.05.1989, Blaðsíða 25

ORLOFSLAUNAKRAFA
Launþegar sem vinna hjá atvinnurekendum sem eiga í greiðsluerfið-
leikum, geta leitað til félagsmálaráðuneytisins vegna greiðslu á orlofi.
Eyðublað vegna orlofskrafna liggja frammi á skrifstofu Dagsbrúnar og
þar er hægt að fá nánari upplýsingar, en hafa ber í huga að ekki er hægt
að leggja fram orlofslaunakröfu fyrr en Ijóst er að orlofslaun verða ekki
greidd, þ.e. við upphaf orlofs.
LÍFALDUR
Við mat á starfsaldri til launa telst 21 árs aldur jafngilda 1 árs starfi í
starfsgrein, en 24 ára aldur gefur rétt til launa samkvæmt næsta starfs-
aldursþrepi þar fyrir ofan.
AÐALFÉLAGI — AUKAFÉLAGI
Enginn er fullgildur félagsmaður nema hann hafi undirritað inntöku-
beiðni.
Inntökubeiðnir eru á skrifstofu félagsins, hægt er að fá þær sendar í
pósti, ef óskað er og trúnaðarmenn á vinnustöðum eiga einnig að hafa
þær handbærar.
Aðeins aðalfélagar hafa atkvæðisrétt í félaginu, rétt til bóta úr Styrkt-
arsjóði, líftryggingu sem félagið greiðir og fleira.
Allir þeir sem vinna verkamannavinnu á félagssvæði Dagsbrúnar
eiga rétt á að gerast aðalfélagar.
GEYMIÐ LAUNAUMSLÖGIN
Aldrei verður ofbrýnt fyrir mönnum að geyma launakvittanir. Verði fyrir-
tæki gjaldþrota eða mistök eiga sér stað, þá er launþegi ótrúlega rétt-
laus ef hann getur ekki lagt fram launamiða.
Launamiðar skulu vera sundurliðaðir, frádráttarliðir einnig, t.d. opin-
bergjöld, lífeyrissjóðsgjöld, stéttarfélagsgjöld og fleira.
Slíka launamiða taka skattayfirvöld og lífeyrissjóðir sem staðfest-
ingu á greiðslu séu þeir lagðir fram. Einnig eru þeir trygging fyrir van-
greiddu orlofi.
25