Dagsbrún - 01.09.1989, Blaðsíða 37

ORLOF
Lágmarksorlof skal vera 24 virkir dagar. Orlofsfé skal vera 10,17% af
öllu kaupi, hvort sem er fyrir dagvinnu eöa yfirvinnu. Um orlof fer að
öðru leyti eftir ákvæðum laga um orlof.
Verkafólk, sem unnið hefur 10 ár í sama fyrirtæki skal eiga rétt á orlofi
í 25 virka daga og orlofsgreiðslum sem nema 10,64%. Þetta gildir frá
upphafi næsta orlofsárs eftir að ofangreindum starfstíma er náð.
LAUSAR VIKUR í ORLOFSHÚSUM
Við viljum minna félagsmenn á að út september er hægt að dvelja í orl-
ofshúsum félagsins á hinum ýmsu stöðum á landinu, þar með talið Vatn
í Skagafirði og eru til lausar vikur.
Frá og með 1. október er aðeins opið í Ölfusborgum, Akureyri og
lllugastöðum.
HÁLF OG HEIL DAGSLAUN
Fyrir hvern byrjaðan vinnudag greiðast hálf daglaun og full daglaun sé
unnið meira en hálfan daginn, og gildir það jafnt virka daga sem helga.
LÁGMARKSHVÍLD
Hafi verkamaður unnið samfellt meira en 16 klukkustundir að meðtöld-
um matar- og kaffihléum, skal hann fá minnst 8 klst. samfellda hvíld án
frádráttar á föstum dagvinnulaunum.
Verkamenn skulu hvílast 10 klst. Séu þeir hins vegar sérstaklega
beðnir um að mæta til vinnu áður en 8 klst. hvíld er náð, skal greiða yfir-
vinnukaup auk fastra dagvinnulauna.
Þegar um slíkt er að ræða á laugar- og sunnudögum skal auk unnins
tíma greiða 4 klst. dagvinnulaun, sé unnið til hádegis, en 8 klst. sé ein-
nig unnið eftir hádegi.
Að öðru leyti gildir samkomulag um framkvæmd hvíldartíma og frí-
tímaákvæða laga nr. 46/1980.
37