Dagsbrún - 01.10.1989, Síða 2
Pagsbrún
DAGSBRUNARBLAÐIÐ
Útgefandi: Verkamannafélagið Dagsbrún
Abyrgðarmaður: Guðmundur J. Guðmundsson
Umsjón með útgáfu: Athygli h.f./Ómar Valdimarsson
Ljósmyndir: G. Róbert Ágústsson
Umbrot og prentun: Prentsmiðjan Klói.
Formannspistill:
Stórhug — ekki stöðnun
Pað er mikið talað um að það sé kreppa í landinu og það fer ekki framhjá
nokkrum manni hvert fyrirtækið á öðru fer á hausinn. Það er bæði um að
ræða raunveruleg gjaldþrot og gervigjaldþriot. Gervigjaldþrotin eru saga út
af fyrir sig sem þyrfti að gegnumlýsa. Þar eru á ferðinni ýmsir óprúttnir fjár-
málamenn sem sjá sér hagnað í gjaldþrotum, eru búnir að koma sínum eign-
um undan og láta ríkið um að borga vangoldin vinnulaun.
En fyrir utan gjaldþrotin hefur nokkuð borið á atvinnuleysi undanfarna
mánuði. Á sumum stöðum á landinu er þetta atvinnuleysi árstíðabundið,
annars staðar er það viðvarandi svo sem á Akranesi og Selfossi. Víst eiga sinn
þátt í þessu ýmis utanaðkomandi áhrif sem við ráðum ekki við, svo sem minni
sjávarafli. Og það er alvarlegra mál að sjávarafli mun minnka enn á næsta ári.
En bregðast íslendingar við af nægjanlegum stórhug? Höfundur þessa pist-
ils er ekki í minnsta vafa um að nýtt álver — í fyrsta áfanga í Straumsvík —
og stækkun Búrfellsvirkjunar mundi skapa um það bil eitt þúsund atvinn-
utækifæri. Það mundi strax segja til sín í auknum umsvifum og aukinni veltu
og það mundi draga úr atvinnuleysinu. í þessu sambandi nægir að minna á að
óvíða á landinu eru verkamannalaun hærri en í álverinu í Straumsvík og við
virkjunarframkvæmdir. vissulega þarf að fara gætilega í umgengni við
erlenda auðhringa en við megum ekki vera svo hrædd við þá að við þorum
ekki að nýta þá gífurlegu orku sem býr í íslenskum fallvötnum.
Lítum aðeins á sjávarútveginn: Hefur ekki of lengi verið stefna hjá okkur
íslendingum „lítill afli fyrir lítið verð“? Mörg fremstu fiskvinnslufyrirtæki
landsins, til að mynda Hvaleyri í Hafnarfirði, hafa tekið upp margvíslega
nýbreytni í úrvinnslu sjávarafurða. Forstöðumenn þessara fyrirtækja fullyrða
að jafnvel þótt aflakvóti væri minnkaður um tíu prósent væri hægt, með nýj-
um framleiðsluháttum, að skapa mun fleirri atvinnutækifæri og meiri verð-
mæti en gert hefur verið með meiri kvóta hingað til.
Mér sýnist að eitt helsta einkenni stóru söluhringanna, SH og SÍS, sé
stöðnun. Það er hreinlega grátlegt að á sama tíma og atvinnuleysi þrúgar
fjölda útgerðarplássa á íslandi fær SH viðurkenningu frá borgaryfirvöldum í
Grymsby fyrir atvinnuaukandi starfsemi í borginni! Sannleikurinn er sá að
íslensku verksmiðjurnar í Bretlandi, Bandaríkjunum og víðar — þar sem
fleiri hundruð manns vinna — væri hægt að starfrækja hér að langmestu leyti.
Það eru nýir markaðir og nýir möguleikar að opnast vítt og breitt um heim-
inn. Þeir bíða bara eftir að við uppgötvum þá en það er óráðlegt að treysta
því að þeir bíði endalaust. Og vitanlega kostar tíma, fé og fyrirhöfn að kom-
ast inn á þessa markaði — en sveltur sitjandi kráka . . .
Staðreynd málsins er sú, að það þarf meiri stórhug í íslenskt atvinnulíf.
Ekki stöðnun, við höfum nóg af henni.
Kaup íslensks verkafólks er ekki orsök fyrir samdrætti og kreppu á íslandi.
Launamisrétti fer vaxandi í landinu, kaup sérmenntaðs og sérhæfðs starfs-
fólks virðist hækka mun meira en kaup almenns verkafólks. Ef þessi þróun
fær að vera óheft leiðir það til enn frekari stéttaskiptingar og misréttis en nú
viðgengst í því samfélagi, sem við köllum „stéttlaust" á hátíðarstundum.
Nokkuð hefur borið á landflótta á undanförnum mánuðum, ungt fólk og
dugmikið treystir sér einfaldlega ekki lengur til að komast af við þau kjör,
sem sögð eru bera ábyrgð á „kreppunni“. Víst eru vandamálin mörg — en
landflótti er ekki lausn á neinum vandamálum. Hann eykur vandann frekar
en hitt. í þessu landi eru möguleikarnir nánast ótæmandi og það er ekki
minnsta þörf á að skerða nein þau réttindi sem við og forfeður okkar höfum
tryggt með blóði, svita og tárum.
Við þurfum að ganga á móti vandanum og sigrast á honum, ekki flýja land.
Guðmundur J. Guðmundsson.
V erkamannafélagið
DAGSBRÚN
Félagsstjórn:
Formaður . .
Varaformaður
Ritari .......
Gjaldkeri . .
Fjármálaritari
Meðstj. . . .
Varastjórn. .
Guðmundur J. Guðmundsson
Halldór Björnsson
Hjálmfríður Þóröardóttir
Ólafur Ólafsson
Guðlaugur Valdimarsson
Ásgeir Kristinsson
Leifur Guðjónsson
Sigurður Rúnar Magnússon
Gunnar Þorkelsson
Páll Valdimarsson
Stjórn Vinnudeilusjóðs:
Formaður . . Ólafur Ólafsson
Meðstj. . . . Gýmir Guðlaugsson
Friðrik Ragnarsson
Varamenn . . Leifur Guðjónsson
Sigurður Bessason
Stjórn styrktarsjóðs:
Aðalmenn . . Guðmundur J. Guðmundsson
Halldór Björnsson
Hjálmfríður Þórðardóttir
Varamenn . . Ásgeir Kristinsson
Ólafur Ólafsson
Endurskoðendur félagsins:
Freyr Guðlaugsson
Brynjólfur Lárentínusson
Varamaður . Sigurður Bessason
Starfsmenn á skrifstofu Dagsbrúnar:
Guðmundur J. Guðmundsson, formaður
Halldór Björnsson, varaformaður
Hjálmfríður Þórðardóttir, ritari
Sigurður Bessason, fulltrúi
Emilía S. Emilsdóttir gjaldkeri
Kristjana Valgeirsdóttir, bókari
Þorleifur Friðriksson, söguritari
Atli Gíslason, hrl., lögmaður félagsins
Ólöf Halldórsdóttir, ræsting
Gróa Steinsdóttir, ræsting
Skrifstofa Dagsbrúnar að Lindargötu 9, 101
Reykjavík, er opin alla virka daga frá kl. 09-
17. Útborgun bóta er á miðvikudögum kl. 09-
11. Sími á skrifstofu: 25633.
2 DAGSBRÚN