Dagsbrún - 01.10.1989, Page 11
Dagsbrún og bankakerfið:
SKIPTAR SKOÐANIR
UM ÍSLANDSBANKA
Lífeyrissjóður Dagsbrúnar og Fram-
sóknar hefur ákveðið að auka hlutafé
sitt í Alþýðubankanum um 52 milljónir
króna til að gera bankanum kleift að
standa við skuldbindingar sínar vegna
kaupanna á Útvegsbankanum í félagi
við Iðnaðar- og Verzlunarbanka. Um
áramót verða bankarnir fjórir lagðir
niður og við tekur íslandsbanki h.f.,
sem verður næst stærsta peningastofnun
landsins. Alþýðubankinn þarf að auka
hlutafé sitt um hátt í fjögur hundruð
milljónir til að standa við skuldbinding-
ar sínar vegna kaupanna á Útvegsbank-
anum.
Vafasamt er hinsvegar að félagssjóð-
ur Dagsbrúnar muni auka við 35 milljón
króna hlutafé sitt í bankanum, að sögn
Guðmundar J. Guðmundssonar for-
manns. Mjög skiptar skoðanir voru inn-
an stjórnar Dagsbrúnar þegar kom að
því að taka afstöðu til bankasameining-
arinnar en Dagsbrún og sjóðir félagsins
eru stærsti hluthafinn í Alþýðubankan-
um. Á endanum var fallist á kaupin -
stjórnarmenn sem voru á móti ákváðu
að hindra ekki framgang málsins.
Alþýðubankanum hætt í
harðnandi samkeppni
í máli einstakra stjórnarmanna kom
meðal annars fram sú skoðun, að verka-
lýðshreyfingin ætti að reka sinn eigin
banka, eins og verið hefði undanfarin
fimmtán ár - og síst ætti verkalýðshreyf-
ingin að fara í selskap með þeim þremur
bönkum, sem stofna íslandsbanka með
Alþýðubankanum.
Meirihluti stjórnarinnar taldi hinsveg-
ar mjög vafasamt, að Alþýðubankinn
myndi standast þá harðnandi sam-
keppni og hagræðingu, sem nú er verið
að gera í bankakerfinu enda er hlutur
hans í heildarinnlánum innan við fjögur
prósent.
„Erfiðleikar Alþýðubankans hafa að
hluta til legið í þeirri síaðreynd, að hann
hefur ekki verið með útibú utan
Reykjavíkur - nema á Akureyri og nú
nýlega hafa verið stofnsettar svokallað-
ar innlánsskrifstofur á Blönduósi, Akra-
nesi og Húsavík - og fólk utan Reykja-
víkur hefur ekki verið sérlega gráðugt í
að leggja peningana sína í banka, sem
ekki er einu sinni með útibú í þess
heimabyggð,“ sagði Guðmundur.
ítök í bankakerfínu
„Með sameiningunni gerist það að
bankinn fær nú útibú á flestum stærstu
stöðum á landinu. Aðalvinninginn tel ég
hinsvegar vera þann, að verkalýðshreyf-
ingin getur nú átt sterk ítök í sterkri
peningastofnun og verkalýðsfélög á
landsbyggðinni fá nú sömuleiðis tæki-
færi til að fá ítök í bankakerfinu. Mörg
þeirra hljóta nú að leggja fé í þennan
nýja banka og þá ekki síður lífeyrissjóð-
irnir, sem liggja með gríðarlega mikið fé
- og það segir sig sjálft, að þeir sjóðir
verða að lána fé til atvinnulífsins. Hjá
því verður ekkert komist,“ sagði Guð-
mundur.
Af sjö bankaráðsmönnum íslands-
banka á verkalýðshreyfingin tvo. For-
maður ráðsins er Ásmundur Stefánsson,
forseti ASÍ, hinn fulltrúinn er Magnús
Geirsson, formaður Rafiðnaðarsam-
bandsins.
Róttækar tillögur fyrir VMSÍ-þingið
„Það er trúa mín að þetta þing eigi eftir að
hafa býsna mikil áhrif á íslenska atvinnuþró-
un,“ sagði Guðmundur J. Guðmundsson, for-
maður Dagsbrúnar og Verkamannasambands
íslands, um 15. þing VMSÍ, sem haldið verður
á Loftleiðahótelinu í Reykjavík 12.-14. októ-
ber næstkomandi.
Aðalviðfangsefni þingsins verður atvinnu-
mál. Sú umfjöllun hefur verið undirbúin óvenju
mikið og er gert ráð fyrir að þar verði lagðar
fram ýmsar stefnumarkandi ályktunartillögur.
Meðal annars verður lýst yfir stuðningi við
stóriðju - stækkun álversins í Straumsvík og
frekari virkjanagerð við Búrfell.
Þá verða væntanlega settar fram tillögur,
sem gera ráð fyrir að siglingar íslenskra fiski-
skipa á erlenda fiskmarkaði verði lagðar af og
fiskmörkuðum komið upp um allt land þess í
stað. Síðan verði lögð enn ríkari áhersla á full-
vinnslu sjávarafla innanlands.
Það er Jóhann Antonsson, framkvæmda-
stjóri á Dalvík, sem vinnur að þessari tillögu-
smíð fyrir framkvæmdastjórn VMSÍ, en Birgir
Árnason, aðstoðarmaður iðnaðarráðherra,
hefur unnið að gerð tillagna um stóriðju og
virkjanir. Þeir Jóhann og Birgir hafa verið
ásamt fleiri sérfræðingum ráðnir tímabundið
til starfa fyrir Verkamannasambandið til
undirbúnings þinginu.
DAGSBRÚN 11