Vér mótmælum allir - 16.04.1946, Side 1

Útgefendur:
Háskólastúdentar og Stúdentafélag Reykjavikur
Ábyrgðarmaður: Guðmundur Ásmundsson
2. tbl. 16. apríl 19h6
MÓTMÆLUM ALLIR!
FRÁ ÚTIFUNDI STÚDENTA 31. MARZ
ÚTIFUNDURINN, sem Stúdentaráð Háskólans og Stúdentafélag Reykjavíkur efndu til
31. marz síðast liðinn í Reykjavík, hlýtur að vera ógleymanlegur öllum, sem þangað komu. Þótt
rigning væri og dimmt í lofti, var bjart yfir þeim þúsundum manna, sem streymdu að Mið-
bæjarskólanum þennan dag. Við eldheit eggjunarorð ræðumannanna læsti hrifning sig um
fólkið og fagnaðarlætin glumdu.
Annars gekk ekki þrautalaust að koma á þessum fundi. Fyrst neitaði útvarpsráð stúdent-
um að ræða sjálfstæðismálið í útvarpinu, því næst var þeim synjað um öll kvikmynda-
hús bæjarins til fundahalda. Þeim var neitað að flytja ræður sínar af svölum Alþingishússins
eða Sjálfstæðishússins við Austurvöll. Fengu þannig allmargir aðilar tækifæri að sýna hug
sinn til þessa fundar.
En hvað sem því líður, þótt einstakir menn væru á móti okkur stúdentum í þessu máli,
þá hefur þjóðin sýnt, að hún er með okkur, og það er mest unr vert.
Hér í blaðinu birtast ræður tveggja þeirra, sem töluðu á fundinum, þeirra dr. Jakobs
Sigurðssonar, formanns Stúdentafélags Reykjavíkur, og sr. Sigurbjörns Einarssonar dósents.