blaðið - 22.03.2006, Blaðsíða 1
Sérblað húsbyggjandans
íylgir Blaðinu í dag
/
I SÍÐA 17TIL 24
■ ERLENT
Stærsti vandi
Perssons leystur
Utanríkisráðherra Svíþjóðar
sagði af sér í gær
Frjálst,
óháð &
ókeypis!
Töfrandi svik
í Zimbabwe
Töfralæknir einn í Zimbabwe
hefur verið fundinn sekur um
svik sem hljóta að teljast æði
frumleg. Læknirinn fékk konu
eina til að greiða sér um tvær
milljónir króna og þá upphæð
kvaðst hann ætla að nota til að
fá hafmeyjar til að finna stolinn
bíl hennar.
Að sögn breska útvarpsins,
BBC, kvaðst maðurinn ætla að
nota peningana til að flytja inn
hafmeyjar frá Bretlandi, sem
leita áttu bílinn uppi. Hluti upp-
hæðarinnar átti að renna til
þess að borga fyrir þær hótelgist-
ingu. En til að ná sambandi við
hafmeyjarnar þurfti að kaupa
nokkra farsíma. Að auki kvaðst
maðurinn þurfa á þessum fjár-
munum að halda til að kaupa
naut en kynfæri þess hugðist
hann nota til að finna þjófinn.
Dómstóll komst að þeirri nið-
urstöðu að um svik hefði verið
að ræða þar sem töfralæknirinn,
sem er raunar kona og heitir Ed-
ina Chizema, væri ekki skráður
félagi í samtökum þeirra sem
fást við óhefðbundnar lækn-
ingar í Zimbabwe. Þar og raunar
víðar í Afríku eru töfralæknar í
miklum metum og mjög margir
nýtasérþjónustuþeirra. Edina
bíður nú dóms.
m Blaöiö/Stemar Hugi
I útreiðartúr
Það eru ekki mörg ár liðin frá þvi að hesturinn var þarfasti þjónn íbúa þessa lands. Var hann notaður til flestra ferða og einnig til að aðstoða við ýmis nauðsynleg störf. Að lokum
var hann svo étinn til að forða landanum frá hungurvofunni. Nú er staðan önnur og hestar eiga nú illa heima i borgum og bæjum. Þessi hestamaður lét hinsvegar umferðaniðinn og
amstur nútímans ekki aftra sér frá því að bregða sér á hestbak, þó hann hætti sér ekki út á götur borgarinnar en lét sér nægja að hleypa klárnum á skeið á skeiðvelli Gusts í Kópavogi.
Höfuðborgarsvæðið
meðallestur
67,3
Lögregla leitar uppljóstrara
á meðal grunnskólabama
Foreldrar barna í Miðborgar-, Hlíða-
og Háteigshverfi hafa fengið bréf
frá lögreglu og hverfisskólunum,
þar sem kynnt er að þeir og börn
þeirra kunni að verða boðuð í viðtöl
á Lögreglustöðinni við Hverfisgötu
til þess að leita upplýsinga til þess
að kortleggja vímuefnaneyslu. For-
eldrar, sem Blaðið hefur rætt við,
telja að með þessu sé verið að hvetja
börn og unglinga til þess að gerast
uppljóstarar lögreglu.
Tilefni hinna boðuðu viðtala er
sögð vera nýútkomin Forvarnar-
stefna Reykjavíkurborgar, en við
lestur hennar verður þó ekki séð að
ráð sé gert fyrir viðtölum af þessu
tagi. Umsjón með öllum forvarnar-
verkefnum á samkvæmt stefnunni
að vera á forræði þjónustumið-
stöðva borgarinnar, en eftir því sem
næst verður komist á það ekki við
um þetta verkefni.
„Tilgangur með slíku viðtali er
að styrkja unglingana og foreldra/
forráðamenn í baráttu gegn vímu-
efnum og fá upplýsingar um stöðu
mála,“ stendur í bréfinu, en í For-
varnarstefnunni er ekki getið um
upplýsingaöflun með þeim hætti.
Líkt og tekið er fram í bréfinu,
benda foreldrar á að á „þessum
árum [séuj einstaklingar leitandi
og áhrifagjarnir" og viðtöl af þessu
tagi geti hvatt til trúnaðarrofs barna
við jafnaldra sína, auk þess sem það
bjóði heim hættu á að þau beri aðra
röngum sökum, jafnvel í því skyni
einu að gera lögreglu til geðs eða
vekja á sér athygli.
Marsibil Sæmundsdóttir, for-
maður Forvarnanefndar Reykja-
víkurborgar, kvaðst ekki þekkja til
þessa bréfs, en sagði að í Forvarn-
arstefnunni væri rætt um samstarf
allra aðila, þar á meðal lögreglu og
skóla. Lögreglunni væri ekki upp-
lagðar aðferðir í þessu, en hún taldi
að þetta hefði ekki verið markmiðið.
„Lögreglunni gengur vafalaust gott
eitt til, en þessar aðferðir eru á
allt öðrum nótum en að var stefnt.
Þessi aðferð held ég sé ekki farsæl.
f þessu starfi eins og öðru þarf að
gæta meðalhófs."
Héðinn Pétursson, skólastjóri
Austurbæjarskóla, tók í sama streng.
„Það mætti misskilja þetta orðalag,
en það þarf þá bara að laga það. Það
er mikilvægt að í þessum efnum
séu allir að tala sama tungumálið
og okkar skilningur var sá að lög-
reglan væri að leita eftir samræðu-
vettvangi en ekki sakbendingum,“
sagði Héðinn. „En ég skal ekki vera
hissa á því þó fólk fari upp á tærnar
ef orðalagið er óljóst að þessu leyti.“