blaðið - 23.06.2006, Síða 16

16 I FJÖLSKYLDA
FÖSTUDAGUR 23. JÚNÍ 2006 blaAÍÖ
Jafningjafræðslan var stofnuð árið 1995 af félagi framhaldsskólanema og hugmyndin á
bak við fræðsluna er sú að ungt fólk fræði annað ungt fólk á jafningjagrundvelli.
Unga kynslóðin
frœdd á jafn-
ingjagrundvelli
Jafningjafræðsla Hins hússins
verður með opið hús í kjallara
Hins hússins til að fagna opnun
nýrrar heimasíðu, www.jafn-
ingjafraedslan.is. Jafningjaf-
ræðslan var stofnuð árið 1995 af
félagi framhaldsskólanema og
hugmyndin á bak við fræðsluna
er sú að ungt fólk fræði annað
ungt fólk á jafningjagrundvelli.
Ösp Árnadóttir, framkvæmdastjóri
Jafningjafræðslunnar, segir að ung-
lingarnir taki fræðslunni mjög vel
og hafi gaman af. „Unglingsárin eru
mikill umbreytingatími og það er
alltaf gerð meiri krafa til unglinga
að verða fullorðnir sem fyrst. Leið-
beinendur ræða því við unglingana
á jafnréttisgrundvelli um hvað sé
gott fyrir þau hvert og eitt. Þau eru
fengin til að velta fyrir sér hvað þau
eru að gera.“
Styrkur til að standast hópþrýsting
Leiðbeinendur Jafningjafræðsl-
unnar, sem eru á aldrinum 17-20 ára,
leggja áherslu á að tala um það já-
kvæða sem fylgir því að sleppa öllu
rugli og styrkja fólk til þess að stand-
ast hópþrýsting. Samkvæmt Ösp er
fræðslan mjög skemmtilegt, það er
byrjað á leikjum og svo er spjallað.
,Þetta tekur um þrjá tíma og í lokin
geta unglingarnir komið með nafn-
lausar fyrirspurnir um eitthvað sem
brennur þeim á hjarta. Leiðbeinend-
urnir hafa nokkrar spurningar með-
ferðis svo unglingarnir freistist ekki
til að reyna að rekja hvaðan spurn-
ingarnar koma.“
Ungir listamenn láta Ijós sitt skína
Opna húsið hefst kl. 18:00 og þar
munu ungir listamenn láta ljós sitt
skína. Á dagskránni verður meðal
annars ljósmyndasýning, dansatriði
og tónleikar sem hefjast kl. 20.00.
Meðal hljómsveita sem stíga á stokk
eru meðal annars Sigríður Hjaltalín,
Cheddy Carter, Heróglymur, Big Ka-
huna og Thugz on Parole. DJ Stef
heldur uppi stuði á milli atriða auk
þess sem léttar veitingar verða á
staðnum.
Utsalan er hahni
30%- 60% ajslattur afsumarvörum.
15% afsláttur afnýjum og klassískum
vörum fram yfir helgi.
Veriö hjartanlega velkomin
Holtasman 1 • Simi 5178500 • www.tvohf.is
opið 11-18 alla virka daga og 11 -16 á laugardögum
Jákvœð sjálfsmynd barna
Foreldrar geta haftjákvœð áhrifá ímyndamótun barna sinna þrátt
fyrir að fjölmiðlar, vinir ogsamfélagið hafi einhver áhrif
Skoðið fjölmiðla með gagnrýnum augum og látið börnin vita að fyrirsætur og aðrir í
sjónvarpi eru farðaðir sérstaklega, lýti klippt út og myndir aðlagaðar.
Það er ekkert launungamál að
börn verða fyrir miklum áhrifum
frá umhverfi sínu. í nútímasamfé-
lagi skiptir ímynd miklu máli og
blessuð börnin fara ekki varhluta
af því. Anorexía og aðrir sjúkdómar
herja á fólk og aldur þeirra sem þjást
af þeim lækkar að sama skapi. Börn
þróa skoðanir sínar og hegðun frá
foreldrum sínum og nánum ætt-
ingjum. Þótt fjölmiðlar, vinir og
samfélagið í heild hafi einhver áhrif
geta foreldrar haft jákvæð áhrif á
ímyndamótun barna sinna. Hér eru
nokkrar leiðir til að ýta undir heil-
brigt sjálfsmat hjá börnum:
Leggið áherslu á hæfileika
barnanna og hvers virði þau
eru. Ekki einblína á líkamlegt
útlit þeirra. Ef barnið ykkar þarf að
léttast eða fitna, látið vera að minn-
ast á það en eldið þess í stað hollari
kvöldmat, farið reglulega í göngu-
ferðir með barninu og þess háttar.
Látið barnið vita að þið elskið það,
sama hvernig það lítur út.
Talið við börnin ykkar um
sjálfsálit, líkamsímynd og
hvað það merkir að vera
fallegur.
Skoðið fjölmiðla með gagn-
rýnum augum og látið
börnin vita að fyrirsætur og
aðrir í sjónvarpi eru farðaðir sérstak-
lega, lýti eru klippt út og myndir
aðlagaðar.
Vertu heilbrigð fyrirmynd. Það
er hægt að hjálpa börnum að
byggja upp góða sjálfsímynd
með því að gæta að orðalagi og
hegðun. Til að mynda ætti ekki að
gera grin að vaxtarlagi annarra í ná-
vist barnanna. Eins ættu foreldrar
ætíð að koma á sama hátt fram við
alla, hvort sem þeir eru feitir eða
Leggið áherslu á hæfileika barnanna og
hvers virði þau eru. Ekki einblína á líkam-
iegt útlit þeirra.
grannir.
Barn getur byggt upp góða
sjálfsmynd með því að stunda
áhugamál sín, hvort sem þau
eru tengd hreyfingu eða ekki. Með
því að æfa fótbolta, dans, fiðluleik
eða stunda leiklist fær barnið meiri
trú á hæfileika sína og virði.
Verið stolt af börnum ykkar,
sama hvernig þau líta út. Það
er grundvallaratriðið að sýna
börnum hve stoltir foreldrar eru af
þeim enda ýtir það undir sjálfstæði
og sjálfsvirðingu.
Ef barn er of þungt eða á erfitt
með að finna á sig föt af ein-
hverjum ástæðum er hægt að
beita ýmiss konar útsjónarsemi til
að finna það sem hentar. Pantið er-
lendis frá, saumið fötin sjálf eða fáið
aðstoð við það. Það er alltaf hægt að
finna lausn á öllum vandamálum en
umfram allt er mikilvægt að barnið
finni ekki fyrir pirringi vegna þessa,
þar sem það mun kenna sjálfu sér
um.
Takið eftir og bendið börnum
ykkar á hvernig fjölmiðlar
ýta undir og skapa staðal-
ímyndir. Ýttu undir samræður þar
sem barnið fær að tjá sig og segja
hvað því finnst um ákveðna auglýs-
ingu eða kvikmynd. Örvaðu gagn-
rýna hugsun barnsins með því að
nýta hana í samræðum.
Taktu afstöðu á móti hvers
kyns fordómum og ræddu
það opinskátt við barnið. For-
dómar, hvort sem það er gegn kyn-
þáttum, kyni, eða holdarfari, tengj-
ast og því er best að kenna barninu
að vera fordómalaust.
svanhvit@bladid.net
Gömul húsráð sem virka ekki
Flestir hafa átt mæður, ömmur
eða jafnvel langömmur sem voru
algjörir viskubrunnar hvað varð-
aði þrif og góð heimilisráð. Þessar
mætu konur voru oftast viljugar
að deila visku sinni og því má
ætla að margur íslendingurinn
noti þessi góðu ráð enn þann dag
í dag. En tímarnir breytast og
hlutirnir með og því er ekki víst
að öll ráðin virki í dag. Hér eru
nokkur gömul húsráð sem sum
hver eiga ekki lengur við.
Sódavatn Qarlægir bletti
betur en vatn
Þetta er alrangt enda hefur sódavatn
sömu virkni og vatn. Munurinn er
enginn þrátt fyrir þessar freistandi
loftbólur í sódavatninu.
Að ryksuga stöðugt
eyðileggur teppið
Það er lítil hætta á að ryksugan eyði-
leggi teppið enda hefur stöðug ganga
og annar núningur mun verri áhrif
á það. Það er best að ryksuga teppi
um tvisvar sinnum í viku og það fer
mun betur með teppið heldur en að
ryksuga það sjaldnar.
Það má nota tannkrem
til að pússa silfur
Þetta húsráð er komið til ára sinna og
er að mestu leyti rétt. Tannkremið
fægir silfrið en fara þarf varlega því
það er hrjúfara en silfurfægir. Ef
tannkrem er notað til að pússa silfur
er best að nota lítið af því og pússa
laust. Hins vegar má aldrei nota
tannkrem sem gerir tennur hvítari
til að pússa silfur.
Franskbrauð þrífur veggfóður
Eins fáránlega og það hljómar þá
hentar franskbrauð einkar vel til að
þrífa veggfóður. Rétt eins og með
veggi má bleyta brauðið örlítið og
þrífa veggfóður. Hins vegar tekur
það ansi langan tíma þar sem ein-
ungis er hægt að þrífa lítinn bút í
einu.
Saltvatn kemur í veg
fyrir að föt missi lit
Þetta er því miður ekki rétt. Ef föt
fölna og missa lit þegar þau eru
þvegin er það vegna verksmiðju-
galla og því lítið við því að gera. Til
að kanna hvort föt missi lit þegar
þau eru þvegin má setja vatnsdropa
á fötin að innanverðu og nudda þau
með hvítum klút. Ef litur kemur á
klútinn er betra að handþvo fötin.