blaðið - 18.10.2006, Blaðsíða 21

blaðiö
MIÐVIKUDAGUR 18. OKTÓBER 2006 29 "
Reiðtúr í miðborg
s
Isafold ýtt úr vör
Vegfarendum í miðborginni brá ei-
lítið í brún um hádegisbilið í gær en
þá mátti sjá vörpulegan mann með
hatt sitja hest á Austurvelli. Þarna
var á ferð ritstjórinn Reynir Trausta-
son sem var að taka upp sjónvarps-
auglýsingu fyrir tímaritið Isafold
Fyrsta tölublað Isafoldar lítur
dagsins ljós í lok mánaðarins og er
nú verið að ganga frá öllum lausum
endum. Eitt af því sem þarf að
gera er kynning ísafoldar og ákvað
ritstjórinn að láta til sín taka þar
sem og við ritstjórn tímaritsins.
Blaðið náði tali af Reyni í gær áður
en hann steig á bak og var ekki laust
við að það væri skrekkur í ritstjór-
anum sem hefur þó marga fjöruna
sopið. „Ég hef ekki setið hest síðan
ég var þrettán ára gamall svo maður
er eilítið banginn. Ég velti því fyrir
mér hvernig í ósköpunum ég eigi að
komast á bak. Okkur fannst vel við
hæfi að tefla saman hesti og stórborg-
inni Reykjavík í auglýsingu fyrir Isa-
fold þar sem þetta er tímaritið fyrir
alla Islendinga og með því að tefla
saman þessum andstæðum sýnum
við vel breidd okkar lesendahóps.“
Reynir er stoltur af hinni nýju
tsafold enda hefur hún af mörgu
að státa. „Þetta er stærsta blað sem
ég hef unnið og auglýsendur hafa
tekið okkur fagnandi. Við gerum
ekki kynjamun, teljum að konur
séu líka menn og því er ísafold jafnt
fyrir bæði kynin.“ Áhöfn Isafoldar
er skipuð prýðisfólki, en þar mun
meðal annars hinn kunni leiklist-
argagnrýnandi Jón Viðar Jónsson
kveðja sér hljóðs eftir margra ára
hlé frá leikhúsdómum. „Það er mik-
ill fengur í Jóni Viðari og við erum
stolt af því að hafa hann innanborðs.
Við leggjum mikið í menninguna og
gerum henni jafn hátt undir höfði
og öðrum þáttum,“ sagði Reynir
kampakátur i gær áður en hann
steig á bak í fullum skrúða.
Reynir hefur fyrir margt löngu
getið sér gott orð i fjölmiðlum enda
vakið athygli hvar sem hann hefur
farið. Skiptir þá ekki máli hvort
hann hefur verið á DV, Fréttablaðinu
eða Mannlífi. Því er ekki að undra
að ýmsir bíði ísafoldar spenntir.
hilma@bladid.net
Reynir á hestbaki í miðbænum Þó langt sé um liðið síðan ritstjórinn knái fór siðast á hestbak virtist hann ekki í
miklum vandræðum þarsem hann reið um gangstéttar miðborgar Reykjavikur ígær. Margir ráku þó upp stóraugu
enda eiga menn ekki að venjast þviað sjá fólk á hestþaki í borginni.
Fullbúinn alvörujeppi
á einstöku verdi
3.395.000 kr.
35.539 kr. á mánudi
Miöaö viö 30% útborgun og gengistryggöan bílasamning SP til 84 mánaöa.
m
HEKLA*
Stadalbúnadur:
■ Hátt og lágt drif
• Álfelgur
• Stigbretti
• Vindskeid
• Skyggdar rúdur
• ABS hemlalæsivörn
Pajero sport
Sjálfskiptur medV6 bensinvél, 177 hestöfl 3.395.000 kr.
Aflmeiri 136 hestafla dísilvél 3.595.000 kr.
Umboösmenn um land allt: Höldur hf., Akureyri, sími 461 6020 • HEKLA, Borgamesi, sími 437 2100 • HEKLA, Isafiröi. simi 456 4666 I HEKLA, Laugavegi 174, sfmi 590 5000
HEKLA, Reyöarfiröi, sími 470 5100 • HEKLA, Reykjanesbæ, sími 420 5000 • HEKLA, Selfossi, sími 482 1416 I www.hekla.is, hekla@hekla.is