blaðið - 20.12.2006, Blaðsíða 2
2 MIÐVIKUDAGUR 20. DESEMBER 2006
blaöiö
VEÐRIÐ j DAG
Stormur
Sunnan- og suðaustan 18 til 23 metrar á
sekúndu vestanlands seint í dag, en annars
13 til 18. Talsverð rigning eða súld, en úr-
komulítið norðaustantil. Hiti 5 til 12 stig.
Bretland:
Annar maður
handtekinn
Breska lögreglan handtók
annan mann í gærmorgun í
tengslum við morðin á fimm
vændiskonum í Ipswich í Bret-
landi. Maðurinn, sem er 48 ára,
var handtekinn á heimili sínu í
nágrenni rauða hverfisins í Ips-
wich og var yfirheyrður í gær.
Hann ku hafa keypt þjónustu
allra vændiskvennanna sem lét-
ust. Tom Stephens, 37 ára fyrrver-
andi starfsmaður stórmarkaðar,
var handtekinn á mánudaginn.
Ölvunarakstur:
Tveir teknir
Aðfaranótt þriðjudags stöðv-
aði lögreglan í Reykjavík tvo
ökumenn fyrir að aka undir
áhrifum áfengis. Lögreglan
í Reykjavík hefur nú stöðvað
um 77 ökumenn fyrir ölvuna-
rakstur frá fyrsta desember.
Lögreglumenn í Reykjavík
segja að vissulega sé þessi tala
í hærri kantinum og bæta við
að þeir muni halda áfram að
fylgjast grannt með aksturslagi
Reykvíkinga.
Á MORGUN
Hvassviðri
Suðvestanhvassviðri með
skúrum eða éljum, en bjart
með köflum norðaustanlands.
Hiti 0 til 5 stig.
VÍÐA UM HEIM
Algarve 12
Amsterdam 6
Barcelona 11
Berlín 4
Chicago 5
Dublin 2
Frankfurt 5
Glasgow 7
Hamborg e
Helsinki -6
Kaupmannahöfn 6
London 3
Madrid . 8
Montreal -2
New York 6
Orlando 17
Osló -1
Palma 21
París 4
Stokkhólmur 0
Þórshöfn 9
Eftir Höskuld Kára Schram
hoskuldur@bladid.net
„Við erum báðir síðhærðir, rekum
meðferðarheimili og heitum Guð-
mundur. Það virðist vera nóg til
að valda misskilningi,“ segir Guð-
mundur Týr Þórarinsson, betur
þekktur sem Mummi í Mótorsmiðj-
unni. Hann segist hafa orðið fyrir
töluverðu ónæði og aðkasti í kjölfar
umfjöllunar Stöðvar tvö um nafna
sinn Guðmund Jónsson, forstöðu-
mann Byrgisins, um síðustu helgi.
Mummi rekur meðferðarúrræði
fyrir ungt fólk undir nafninu Götu-
smiðjan en stöðva þurfti fjársöfnun
smiðjunnarímiðjumklíðumámánu-
daginn vegna misskilningsins.
Dónaleg ummæli
„Fólk sem var að hringja út fyrir
okkur gafst einfaldlega upp. Það
var skellt á það og dónaleg ummæli
um mig látin falla,“ segir Mummi
. „Mig óraði ekki fyrir því að þetta
gæti gerst þegar þessi Kompáss-
þáttur var sendur út.“
Stöð tvö fjallaði ítarlega um mál-
efni Byrgisins í fréttaskýringarþætt-
inum Kompási á sunnudaginn og
meðal annars meint kynferðislegt
samband Guðmundar Jónssonar
við skjólstæðinga sína.
Svo virðist sem margir hafi í kjöl-
farið ruglað saman Mumma í Mótor-
smiðjunni og Guðmundi Jónssyni,
forstöðumanni Byrgisins.
Mummi segir það hafa komið
sér í opnu skjöldu hversu algengur
þessi miskilningur virðist vera.
Hann segir að starfsfólk sitt og
hann sjálfur hafi orðið fyrir aðkasti.
,Það var hringt í einn starfsmann
Götusmiðjunnar og spurt hvort ég
hefði leitað á hann. Þá var hreytt
ónotum í mig þegar ég var á gangi í
Garðabænum daginn eftir sýningu
þáttarins. Það virðist vera almenn
umræða í samfélaginu um að ég sé
einhver kynferðisglæpamaður.“
Fyrirtæki hætta við styrki
Að sögn Mumma hefur fjársöfn-
uninni verið slegið á frest þangað
til hægt verður að leiðrétta misskiln-
inginn. Hann segir það óheppilegt
enda byggi rekstur Götusmiðjunnar
mikið á fjárframlögum frá einstak-
lingum og fyrirtækjum. „Við erum
alltaf með þessa söfnun fyrir jólin.
Við höfum hins vegar ákveðið að
bíða með hana þangað til þetta
gengur yfir.“
Mummi tekur fram að hann vilji
ekki fella dóm í máli nafna síns en
segir það ósanngjarnt að sú um-
ræða skuli bitna á sér. „Það hafa
stór fyrirtæki í Reykjavík hætt við
að styrkja okkur út af þessari um-
ræðu sem hefur ekkert með okkur
að gera. Ég skil hreinlega ekki af
hverju þessi misskilningur breiðist
út með þessum hætti. “
Seiður lands og sagna IV
Fjórða bókin
í hinum
glæsilega
bókaflokki
Gísla
Sigurðssonar
blaðamanns
og ritstjóra.
í þessari bók
er fjallað um
Mýrar og
Snæfellsnes.
Eins og í fyrri
bókum er efnið
sótt í sögu
þjóðarinnar frá
landnámi til
okkar tíma. Á
fimmta hundrað
ljósmyndir, málverk, teikningar
og kort prýða bókina.
Glæsilegt afrek í
íslenskri bókargerð
SKRUDDA
Eyjarslóð 9 - 101 R.
skrudda@skrudda.is
St. Franciskusspítali seldur ríkinu:
Sjötíu ára starfi
systranna lýkur
Formlegum afskiptum systra-
reglunnar sem kennir sig við heil-
agan Frans frá Assisí af heilbrigð-
isþjónustu á fslandi lauk í gær.
Systir Belén Aldanondo, fulltrúi
reglunnar, og Árni Mathiesen
fjármálaráðherra skrifuðu undir
samkomulag um kaup ríkisins á
eignarhluta reglunnar í St. Franc-
iskusspítalanum í Stykkishólmi
og verða greiddar 140 milljónir
fyrir hlutann.
Engar breytingar verða á rekstri
eða þjónustu spítalans við kaupin
en þjónustusamningur við hann
fellur úr gildi. Alls eru 40 sjúkra-
rúm á spítalanum og þar er jafn-
framt rekin heilsugæslustöð.
St. Franciskusreglan lét reisa
sjúkrahúsið í Stykkishólmi árið
1934 og var það tekið formlega í
notkun haustið 1936. Fyrir rúmum
aldarfjórðungi réðust systra-
reglan, rlkissjóður og hrepparnir
sem þá ráku heilsugæslustöðina í
að stækka sjúkrahúsið.
Hættulegur vegur:
Fjögur óhöpp á
tveimur tímum
Fjögur umferðaróhöpp urðu
á gatnamótum Akranesvegar
og Akrafjallsvegar á innan við
tveimur tímum í gær. Engin slys
urðu á fólki en bílar skemmdust
þó nokkuð. Vegarkaflinn sem
um ræðir er frekar nýlegur en
hann var lagður þegar unnið var
að gerð Hvalfjarðarganganna.
Lögreglan lokaði veginum þar
sem hann var hvað verstur og
unnið er að viðgerð.
Helgi Pétur Ottesen hjá lögregl-
unni á Akranesi segir að þessi til-
tekni vegarkafli sé mjög slæmur,
mikið af holum og það hafi lengi
staðið til að gera við veginn.