blaðið - 20.12.2006, Blaðsíða 29

blaðið
MIÐVIKUDAGUR 20. DESEMBER 2006 41
til að stofna íslenskan her í gegn-
um tíðina og af hverju þær runnu
út í sandinn. „Danir og íslenska yf-
irstéttin ætluðu að stofna her hérna
1785 og voru komnir mjög langt í
undirbúningi en það misheppnað-
ist. Það var eina alvörutilraunin
til að stofna íslenskan her en það
voru líklega móðuharðindin sem
gengu frá því,“ segir Birgir sem
hefur einnig sínar skoðanir á því af
hverju ekki var stofnaður íslenskur
her í kjölfar lýðveldisstofnunar ár-
ið 1944.
„Ástæðan var náttúrlega sú að
Bandaríkjamenn vildu vera hér
áfram og sóttust stíft eftir því.
Islendingar vissu af því að þeir
færu ekki langt og að þeir nytu
óbeinnar verndar af hálfu Banda-
ríkjamanna. Þeir gátu því leyft sér
þann lúxus að stofna ríki án hers
og sparað sér fjármuni. Samt kom
millibilsástand frá 1945-1949,“ segir
Birgir og bendir á að svipað ástand
sé komið upp núna.
„Þeir fóru ekki langt þá og heldur
ekki núna. íslendingar sættu sig
ekki við ástandið þá frekar en þeir
gera núna. Árið 1948 voru menn að
þreifa fyrir sér með að stofna nor-
rænt varnarbandalag og spurning-
in hvort það ætti að vera sjálfstætt
eða í samvinnu við önnur vestræn
ríki. Síðan kom fljótlega í ljós að
það gekk ekki upp því að hugmynd-
in var ekki raunhæf. Núna ætlum
við aftur að fara í faðm Dana eða
Norðmanna og við munum sjálf-
sagt komast að því að samstarfið
við þá er ekki raunhæft til lengdar.
Það kemur eitthvað annað í stað-
inn, hvort sem Bandaríkjamenn
koma aftur eða við tökum varn-
irnar í okkar eigin hendur, enda
berum við íslendingar endanlega
ábyrgð á okkar eigin öryggi þegar
upp er staðið," segir Birgir Lofts-
son að lokum.
Hvað ertu að lesa?
Svandís Svavarsdóttir borgar-
fulltrúi
Fjárhagsáætlun Reykjavíkur
Þessa dagana les ég aðallega
fjárhagsáætlun Reykjavíkur-
borgar en ekki
get ég nú sagt
að það sé
skemmtilesn-
ing. Hins vegar
er alltaf býsna
fjölbreyttur
bókabingur á
náttborðinu
mínu. Þarertil
dæmis nærandi pólitískt rit sem
er bók Steingríms J. Sigfússonar
Við öll en í bókinni kristallast vel
meginlínur okkar vinstri grænna.
Oftast eru þarna einhverjar Ijóða-
bækur, en núna líka Vetrarhöllin
eftir Arnald Indriðason. Ég er
að vísu ekki enn farin að lesa
hana, enda annir miklar þessar
vikurnar og oft er það nú þannig
að svefninn sækir fljótt á þegar
loksins er komið í ból. Ég hlakka
til að lesa jólabækurnar og vona
að ég fái eitthvert lesefni upp úr
pökkunum.
Ilmur Kristjánsdóttir leikkona
Ég er að lesa Stutt ágrip af sögu
traktorsins á úkraínsku. Þetta er
skáldsaga sem er alveg geðveikis-
lega fyndin. Af því að ég er komin
með svo mikið ógeð á morðum
og viðbjóði í bókmenntum
ákvað ég að
lesa eitthvað
skemmtilegt.
Svo hlakka ég
mest til að lesa
Tryggðarpant
eftir Auði Jóns
og Sendiherr-
ann eftir Braga
ólafsson af íslensku bókunum og
vonast til að fá þær í jólagjöf. Svo
langar mig reyndar líka til að lesa
ævisögu Ólafíu eftir Sigríði Dúnu.
Guðrún Ásmundsdóttir leikkona
hefur sagt mér svo mikið frá
henni enda er hún mikill aðdá-
andi hennar.
Goðsögn fær sína ævisögu
Mér liggur við að byrja á
orðunum loksins loksins.
Svo löng var biðin eftir
ævisögu Ríkharðs Jónssonar orðin.
Sennilega hafa fáir einstaklingar
haft viðlíka áhrif á íslenska knatt-
spyrnu og þessi magnaði garpur af
Skaganum sem innleiddi nýja hugs-
un í íslenska boltann aðeins 21 árs
að aldri. Það er því með hreinum
ólíkindum að saga hans hafi ekki
verið sett á bók áður, það næsta sem
menn hafa komist því er umfjöllun
um Ríkharð í bókunum Skaga-
menn skoruðu mörkin sem komu
út fyrir um tuttugu árum.
Jón Birgir Pétursson sem skráir
sögu Ríkharðs hefur áður sent frá
sér nokkrar bækur um íþróttir og
íþróttamenn, svo sem sögu Þrótt-
ar og Eyjólfs sundkappa. Hann
dregur hér fram helstu þætti í
sögu Ríkharðs, hvort tveggja það
sem viðkemur fótboltanum og
einkalífi hans auk þess að ræða við
marga samferðamenn Ríkharðs
um einstaklinginn og fótboltakapp-
ann Rikka. I bókinni eru margar
skemmtilegar myndir og dregnar
upp frásagnir blaða af leikjum og
uppákomum á ferli Ríkharðs. Að
því leyti er þetta fróðleg bók og á
köflum hin ágætasta skemmtun.
Eitt verður hins vegar til að draga
úr ánægju við lesturinn og óvíst
livort er við höfundinn að sakast
eða útgefandann sem fékk hann
til verksins. Ævisaga Ríkharðs er
sett fram í samtalsformi. Því miður
verða slíkar bækur sjaldnast jafn
góðar og sagan sem þær segja. Saga
Ríkharðs Jónssonar er stútfull af
dramatík, sætum sigrum og mikl-
um áföllum og þó Jón Birgir geri
um margt vel við ritun bókarinnar
og dragi margt áhugavert fram get
ég ekki varist þeirri hugsun að frá-
sögnin hefði náð hærri hæðum ef
Fróðleg bók og á
köflum ágætasta
skemmtun.
Líður fyrir að vera
í samtalsformi og
nær því ekki þeim
hæðum sem sag-
an gefur færi á.
Rikki fótboltakappi
Eftir Jón Birgi Pétursson
Bækur ★★*
hún hefði verið sett fram sem saga
frá höfundarins hálfu frekar en
sem samtalsbók.
brynjolfur@bladid.net

„Persónuleg og skemmtileg. Ljósmyndirnar hennar Aslaugar Snorra
eru æðislegar! Falleg bók sem á erindi inn í hvert eldhús!"
Valdís Gunnarsdóttir, útvarpskona
www.brekka-books.is
Olsson
einkaþjálfari og
danshöfundur hefur tekið saman uppáhaldsuppskriftirnar
sínar sem eiga það allar sameiginlegt að vera
framandi& léttarg.
Líf & List
Habitat
Iða
Kokka
www.femin.is
Vs.W'sV
Ragnhildur Steinunn Jónsdóttir,
háskólanemi og umsjónamaður Kastljóss
Yesmine áritar bækur eins og
hér segir fram að jólum:
Steinar B. Aðalbjörnsson, næringar-
fræðingur og löggiltur næringarráðgjafi