blaðið - 10.01.2007, Blaðsíða 6

6 MIÐVIKUDAGUR 10. JANÚAR 2007
blaðið
Ók á Ijósastaur
Rétt eftir hádegi í gær ók maður á
Ijósastaur á Kringlumýrarbraut. Bíllinn
er óökuhæfur eftir slysið og var dreg-
inn með kranabíl. Maðurinn er lítið
meiddur eftir óhappið.
Stal fartölvu
í gær var brotist inn í íbúð á Leifsgötu og hafði þjófurinn
á brott með sér fartölvu. Lögreglan lýsir eftir þjófnum
sem er dökkhærður með stutt hár, líklega á milli tvítugs
og þrítugs og var klæddur svartri úlpu með einhverju
hvítu á hettunni, hugsanlega loðkraga.
Rakst á strætó
Fólksbifreið og strætó skullu saman
á gatnamótum Sæbrautar og Dal-
brautar um miðjan dag í gær. Engan
sakaði en bíllinn skemmdist mikið
í óhaþþinu.
Gengur vel Sigurður Þorðarson
segir vinnu ganga vel við skoðun á
fjármálum Byrgisins og í hvað op-
inbert styrktarfé hefur farið. Von er
á niðurstöðum i lok vikunnar.
Fjármál Byrgisins:
Skilar nákvæmum
niðurstöðum
„Það er ekkert annað að
frétta af rannsókninni en það
að við erum að vinna á fullu í
þessu,“ segir Sigurður Þórðarson
ríkisendurskoðandi.
Ríkisendurskoðun vinnur nú
í því að skoða fjármál Byrgisins
nokkur ár aftur í tímann og meðal
annars verður njörvað niður í
hvað opinbert styrktarfé hefur
verið notað. Sigurður á von á því
að ljúka þessari skoðun í vikunni
eða um helgina.
„Vinnan gengur vel og skilar
okkur nákvæmri mynd af fjár-
málum heimilisins og i hvað opin-
Skilar okkur
nákvæmri mynd
af fjármálum
heimilisins
Siguröur Þórðarson,
rikisendurskoðandi
bert fé hefur farið,“ segir Sigurður.
Byrgið hefur verið á fjárlögum
síðustu ár. Yfirvöld vilja vita
hvernig fénu var varið eftir að
fréttaþátturinn Kompás á Stöð 2
fjallaði um meint kynlífssamband
forstöðumanns þess við
skjólstæðinga.
Danskennsla
Á laugardögum í vetur veröur boðið upp á
danskennslu fyrir krakka á
aldrinum 3-6 ára. Kenndir verða ýmsir
barnadansar og freestyle dansar í takt við
tónlist.
Tímarnir verða brotnir upp með
ýmsum leikjum og fígúrum sem munu taka
virkan þátt í kennslunni.
Kennslan hefst 13. janúar og fer fram
í ísaksskóla.
Innritun í síma 897 5040
Frekari upplýsingar á:
www.danskennsla.is
Málaferli undirbúin 101 Skuggahverfi
og Eykt undirbúa málaferli vegna sam-
starfs fyrirtækjanna í Skuggahverfinu og
hugsanlegra galla á húsbyggingum.
Deilt um frágang í Skuggahverfi:
Eigendur íbúða
hafa áhyggjur
Óheppileg deila fyrir seljendur ■ Réttur kaupenda tryggöur
Eftir Trausta Hafsteinsson
trausti@bladid.net
„Ég hef velt því fyrir mér að mála-
ferlin koma náttúrlega upp á
óheppilegum tíma fyrir mig. Aður
en deilan kom upp var ég búin að
ákveða að selja og mun því halda
mínu striki,“ segir Magnea S. Bjart-
marz gjaldkeri.
Byggingafélagið 101 Skuggahverfi
sakar byggingafy rirtækið Eykt um að
hafa staðið ófullnægjandi að frágangi
við fjölbýlishúsin í Skuggahverfinu
og stefnir á að fara i mál. A móti und-
irbýr Eykt málaferli vegna vanefnda
en greiðslur hafa verið frystar og fyr-
irtækin eru ósammála um viðskilnað-
inn. Magnea er nýbúin að setja íbúð
sína í Skuggahverfinu á skrá hjá fast-
eignasölunni Eignamiðlun og hefur
áhyggjur af því að deilan geti haft
áhrif á sölu íbúðarinnar.
Þorleifur Stefán Guðmundsson,
löggiltur fasteignasali, tekur undir
og telur eðlilegt að eigendur íbúða í
Skuggahverfinuhafiáhyggjurafdeil-
unni. „Neikvæð umræða er alltaf
slæm þegar kemur að sölu fasteigna,
líkt og jákvæð umræða getur verið
góð. Þessi staða er því líklega til
hins verra fyrir þá sem eru að selja
Neikvæð
umræða er
alltafslæm
Þorleifur Stefán
Guðmundsson,
löggiltur fasteignasali
eignir sínar þarna," segir Þorleifur.
„í fljótu bragði virðist vera auðvelt
að laga þá galla sem komið hafa
fram og einhver handvömm orðið í
frágangi. Hvort deilan verður notuð
sem vopn gegn seljendum þarf ekk-
ert endilega að vera en þetta getur
dregið úr söluhraðanum.“
Dómkvaddir matsmenn hafa úr-
skurðað að gólfplötur hússins hafi
ekki sigið og að ekkert bendi til
þess að burðarvirki þess sé ótraust.
Engu að síður hefur lekið með-
fram gluggum og fjöldi flísa hefur
losnað. Framkvæmdastjóri 101
Skuggahverfis, Einar Halldórsson,
segir félagið hafa þurft að bregðast
sjálft við ýmsum göllum á húsbygg-
ingum og að Eykt hafi ekki brugðist
við athugasemdum sem þeim voru
sendar. Gunnar Valur Gíslason, for-
stjóri Eyktar, segir um hönnunar-
galla að ræða varðandi lausar flísar
og vísar því ábyrgðinni alfarið frá
Skylt að tryggja
að kaupendur
verði ekki fyrir
neinu tjóni
Grétar Jónasson,
framkvæmdastjóri
sér. Deilan er því algjörlega í hnút
og málsaðilar vísa hver á annan.
Grétar Jónasson, framkvæmda-
stjóri Félags fasteiganasala, er
þeirrar skoðunar að réttur kaup-
enda verði ríkulega tryggður varð-
andi eignir í Skuggahverfinu, ekki
síst á meðan dómsmál sé hugsan-
lega framundan. „Að svo komnu
lítur ekki út fyrir að íbúðirnar
sjálfar séu gallaðar og því ekki
víst að þetta komi beint niður á eig-
endum íbúðanna. Aftur á móti tel
ég að við sölu allra íbúða Skugga-
hverfisins verði sett sérákvæði inn
í sölusamninga um tryggingu kaup-
enda gegn hugsanlegum göllum,“
segir Grétar.
„Nú er dómsmál framundan og ég
á von á því að það yrði hnýtt inn í
kaupsamninga. Fasteignasala ber
að gæta hagsmuna beggja aðila og er
skylt að tryggja að kaupendur verði
ekki fyrir neinu tjóni.“
Bandarikjamenn gera loftárásir í Sómalíu:
Óbreyttir borgarar létust
Eftir Atla Isleifsson
atlii@bladid.net
Bandaríkjaher gerði nokkrar loft-
árásir í suðurhluta Sómalíu í gær.
Að sögn sómalísku bráðabirgða-
stjórnarinnar létust og særðust
fjölmargir í árásunum, þar á meðal
óbreyttir borgarar.
Árásirnar beindust gegn uppreisn-
armönnum íslamista sem Banda-
ríkjamenn saka um að tengjast Al
Qaeda-hryðjuverkasamtökunum.
Bandaríkjamenn gruna íslamista,
sem voru nýverið hraktir frá höfuð-
borginni Mogadishu, um að hafa
skotið skjólshúsi yfir þá hryðju-
verkamenn sem réðust á sendiráð
Bandaríkjanna í Nairobi í Keníu og
Dar es Salaam í Tansaníu árið 1998
þar sem 250 létu lífið.
Flugvél Bandaríkjahers var send
frá herstöð Bandaríkjamanna í Dji-
bouti, nágrannaríki Sómalíu. Aðfara-
nótt gærdagsins var meðal annars
ráðist á þorpið Afmadow þar sem
talið var að fjöldi íslamskra uppreisn-
armanna hefðist við. Sjóher Banda-
ríkjamanna hefur tekið sér stöðu
undan ströndum Sómalíu.
Islamistarnir náðu stærstum hluta
Sómalíu á sitt vald um mitt síðasta
ár, en fyrir hálfum mánuði tókst her-
sveitum bráðabirgðastjórnarinnar í
Sómalíu, með liðsinni Eþíópíuhers,
að hrekja þá frá Mogadishu.
Árásir gærdagsins voru fyrstu
hernaðaraðgerðir Bandaríkjahers
íslamistar leitaðir uppi Bandaríkja-
menn gruna íslamista um að tengjast
hryðjuverkasamtökunum Al Qaeda.
í Sómalíu frá árinu 1994, ári eftir
að átján bandarískir hermenn
voru drepnir í höfuðborginni
Mogadishu.