blaðið - 24.01.2007, Blaðsíða 16

28 MIÐVIKUDAGUR 24. JANÚAR 2007
Á Ljósmyndasafni Reykjavíkur stendur nú yfir sýning á Ijósmyndum
Sigþrúðar Pálsdóttur. Sýningin ber titilinn Menjar tímans og fjallar um
áferð og athafnir sem verða til við breytingar í umhverfi mannsins.
Opnunartími sýninga er frá 12-19 virka daga og 13-17 um helgar.
nMiliUil.
Sannleikur og sannanieiki
Rökfræðingurinn mikli, Kurt Gödel, hefði oröið tíræður 28. apríl síðastliðinn.
I tilefni af því mun Finnur Lárusson, dósent við Háskólann í Adelaide, flytja
fyrirlestur á vegum Islenska stærðfræðifélagsins klukkan 17:15 í dag, mið-
vikudaginn 24. janúar. Fyrirlesturinn ferfram í stofu 157 í VRII.
Caput-tónleikar
í kvöld
Caput-hópurinn
stígur á stokk í
kvöld, miðvikudag-
inn 24. janúar, í Salnum
í Kópavogi og flytur
tónlist eftir Gottfried
Michael Koenig frá
árabilínu 1955-
1997. Hópurinn
er skipaður
þeim Hildigunni
Halldórsdóttur
á fiðlu, Svövu
Bernharðsdóttur
á víólu, Sigurði
Halldórssyni á
selló, Valgerði
Andersdóttur
á píanó,
Melkorku
Ólafsdóttur og
Kolbeini Bjarnasyni
á flautu og Guðna Franzsyni á
klarínett. Caput-hópurinn var
stofnaður árið 1987 af íslenskum
tónlistarmönnum í þeim tilgangi
að flytja nýja tónlist. Hópurinn
hefur frá stofnun frumflutt íslensk
og evrópsk tónverk og haldið tón-
leika víðsvegar í Bandaríkjunum
og í Evrópu. Hópurinn hefur hvar-
vetna hlotið lof fyrir kraftmikla
túlkun og tæknilega yfirburði.
Tónleikarnir hefjast klukkan 20.
Frumsýning í
danssmiðjunni
Öflugt starf fer fram innan virk-
isveggja danssmiðju Islenska
dansflokksins en þar fá ungir
danshöfundar tækifæri til að setja
upp verk sín. Danssmiðjur eru
hugsaðar sem verk í vinnslu og
ætlaðar til þess að höfundar fái
þar mögu-
leika til þess
að æfa tækni
sína og sköp-
unargáfu. Því
eru sýningar
danssmiðj-
unnar meira
í ætt við
gjörninga
eða tilraunir,
en ekki
fullmótuð
verk. í kvöld,
miðvikudaginn 24. janúar, sýnir
Steve Lorenz danssmiðjuverk
sitt Images á Nýja sviði Borgar-
leikhússins og þreytir þar með
frumraun sína sem danshöfundur.
Dansarar og meðhöfundar eru
þau Damian Michael Gmur, Aðal-
heiður Halldórsdóttir, Hjördís Lilja
örnólfsdóttir, Emilía Benedikta
Gísladóttir og Cameron Corbett.
Sýningin hefst klukkan 20.
Vill lesa fyrir fólk Birgitta er dug-
leg að sækja Ijóðahátíðir ertendis
og segirþað hafa heilmikið að
segja fyrir skáldskap sinn. BlaÖið/Frikki
Birgitta Jónsdóttir, skáldkona
m *
'

V i Æm
jóðahátíðir eru mörgum
ofarlega í huga þessa
dagana enda var ein slík
i forgrunni í einni af vin-
sælustu bókum nýafstað-
ins jólabókaflóðs, Sendiherranum
eftir Braga Ólafsson. Margir vildu
eflaust óska þess að vera flugur á
vegg á slíkum hátíðum enda án
efa oft margt um kynlega kvisti og
líflegar samræður þar sem slíkur
fjöldi andans manna kemur saman.
Birgitta Jónsdóttir skáldkona þekk-
ir ljóðahátíðir af eigin raun betur en
flestir. „Ég fór á mína fyrstu, alþjóð-
legu ljóðahátíð árið 1996 í Kólumbíu.
Þetta er ein stærsta ljóðahátíð sem
haldin er í heiminum. Hátíðin byrj-
aði smátt í upphafi en vatt smám
saman upp á sig og er nú talin ein
sú mikilvægasta og skemmtilegasta
í heimi. Síðan hef ég farið á tvær aðr-
ar í Austur-Evrópu sem voru mun
síðri. Ég taldi mig meira að segja
kannast við skipuleggjanda annarr-
ar þeirrar hátíðar úr Sendiherran-
um eftir Braga. Þetta er mjög lítill
heimur og þegar maður stígur inn í
hann þá er maður stöðugt að rekast
á sömu andlitin og ég hef líka stund-
um verið svo heppin að hitta skáld
sem ég hef unnið með eða kynnst í
öðru alþjóðlegu samstarfi mínu.“
Aldrei aftur
Birgitta er á leið á ljóðahátíð í Ník-
aragva í byrjun febrúar og hlakkar
mikið til. „Ég hét því eftir hátíðina
sem ég fór á í Makedóníu að fara
aldrei aftur á alþjóðlega skáldahá-
tið en þá hafði ég setið og hlustað á
sama leikarann flytja um 50 ljóð á al-
bönsku. Þá þurftum við að taka þátt
í endalausum pallborðsumræðum
um ekki neitt. Það var algjör hryll-
ingur. Svo fékk ég boðsbréf í fyrra
um að fara til Níkarakgva og þegar
ég sá dagskrána þá fannst mér þetta
vera mjög mikið í anda hátíðarinn-
ar Prometo í Kólumbíu og ákvað að
slá til. Ég fer fyrst og fremst á ljóða-
hátíðir til þess að lesa fyrir almenn-
ing úr ólíkum menningarsamfélög-
um og kynnast menningu þeirra.
Ég sækist ekki eftir því að lesa upp
fyrir önnur skáld þótt það sé vissu-
lega skemmtilegt að sjá skáld frá öll-
um heimshornum flytja ljóð sín. Þá
forðast ég eins og heitan eldinn að
taka þátt í pallborðsumræðum um
stöðu ljóðsins á heimspekilegum
nótum eins og er tilhneiging til í
Austur-Evrópu."
Að sögn Birgittu er það allt önn-
ur upplifun að lesa upp fyrir fólk í
Suður-Ameríku en í Evrópu. „í Kól-
umbíu voru allir að fíla ljóð. Þetta
var í fyrsta sinn sem ég upplifði
mig sem rokkstjörnu en fólk var
að koma og fá eiginhandaráritun,
lítil börn að færa mér blóm og lítil
ljóð sem þau höfðu skrifað og fá að
taka ljósmynd af sér með manni og
allt eftir því. Það var alveg ólýsan-
legt og maður fékk á tilfinninguna
að ljóðið væri eitthvað allt annað
en það er hér þar sem ljóðalestrar
eru oftar en ekki líkari líkvökum
en skemmtunum.“
Hugrekki í æð
Hér á íslandi hefur mest farið fyr-
ir alþjóðlegri ljóðahátíð Nýhils en
annars ekki verið feitan gölt að flá
þegar kemur að slíkum hátíðum hér
á landi. Birgitta segir mikilvægt að
breyta því.
„Fyrir mig sem skáld sem býr á
tiltölulega einangraðri eyju þar sem
ekki er mikil gerjun í ljóðaheimin-
um og fátt kemur manni á óvart þá
eru þessar hátíðir ákaflega mikill
innblástur. Ég hef gengið með al-
þjóðlega skáldahátíð í maganum al-
veg frá því ég var í Kólumbíu en það
er ekki mikill skilningur á því hér á
landi hversu nauðsynlegt það er fyr-
ir okkur að fá svona innspýtingu.
Maður fær líka hugrekki og eldmóð
til þess að berjast fyrir tilvist ljóðs-
ins hér þegar maður ferðast um og
heyrir hvað kollegar okkar annars
staðar eru að gera.“
Birgitta hefur í nógu að snúast
en hún er búin að vera á bólakafi
við að koma út ljóðateiknimynda-
bók sem hún hefur unnið að með
ítalska teiknaranum Maurizio di
Bona og heitir á íslensku „Samtöl
við drauga“ og mun bókin fylgja
henni á ljóðahátíðina í Níkaragva
og vonandi vekja athygli á því sem
íslensk ljóðskáld eru að aðhafast.
Ljóð Birgittu má lesa á slóðunum
http://this.is/poemz og http://this.
is/birgitta.
úmswnofíHúsiD
NVR OG ÖFLUGRI SAVAGE X 4,1
Tómstundahúsið • Nethyl 2 • S. 587 0600 • www.tomstundahusid
Gítartónleikar í Áskirkju
Gítarleikarinn Kristinn Árnason heldur
tónleika í Áskirkju laugardaginn 27. janúar.
Á efnisskránni eru verk eftir Weiss, Bach,
Barrios, Giuliani og Granados. Einnig
frumflytur Kristinn verk eftir sjálfan sig.
Kristinn hóf ungur nám í klassískum gít-
arleik og lauk burtfararprófi frá Tónskóla
Sigursveins D. Kristinssonar árið 1983.
Hann stundaði framhaldsnám í New York,
Englandi og á Spáni. Á námsárunum lék
Kristinn m.a. fyrir Andres Segovia, Manuel
Barrueco og Hans Werner Henze. Kristinn
hefur haldið fjölda tónleika á íslandi og
erlendis, meðal annars í Wigmore Hall í
London og Kammersal Concertgebouw
í Amsterdam. Hann hefur hljóðritað fyrir
hljóðvarp og sjónvarp, þegið starfslaun
listamanna frá ríkinu og verið tilnefndur
til Menningarverðlauna DV. Kristinn hefur
leikið inn á fjölda geisladiska og hlaut
diskur hans með verkum eftir Sor og
Ponce íslensku tónlistarverðlaunin árið
1997. Tónleikarnir hefjast klukkan 15.