blaðið - 20.02.2007, Blaðsíða 4

+
• MATUR
ÞRIÐJUDAGUR 20. FEBRÚAR 2007 blaöiö
Stór htuti barna og ungmenna á erfitt meö aö fullnægja joöþörf sinni vegna iítillar fiskneyslu.
Bakaðu listaverk fyrir
ferminguna með lítilli fyrirhöfn!
Brautarholt 22 • 105 Rvk. • Sími 552 2258 • www.ahl.is
Food and Fun hefst á morgun
„Það má kalla þetta matarfjörið
mikla í Reykjavík. Ég lofa mikilli
stemningu í vikunni og get full-
yrt að hátíðin stendur svo sannar-
lega undir nafni sem sannkölluð
matar- og skemmtihátíð,“ segir
Siggi Hall, matreiðslumaður og
einn aðstandenda Food and Fun-
hátíðarinnar sem nú stendur yfir í
Reykjavíkurborg.
Að sögn Sigga stendur mikið
til hjá matgæðingum landsins og
hingað streyma útlendingar í hundr-
aðatali til þess að berja augum
íslenska matargerð og kynnast
stefnum og straumum íslendinga
hvað matreiðsluna varðar.
„Food and Fun-hátíðin er orðin
fastur liður á almanaki íslenska
þjóðlífsins og heyrir til stórhátíðum
eins og 17. júni, gamlárskvöldi,
verslunarmannahelginni og fleiri
hátíðum sem við höfum haldið.
Hingað munu koma um 120 blaða-
menn frá stærstu matardagblöðum
heims og þar fyrir utan koma a.m.k.
5 sjónvarpsstöðvar með sitt tökulið.“
Hátíðarmatseðlar á borðum
Food and Fun er í ár haldin í
fimmta skipti og stendur yfir dag-
ana 21.-25. febrúar. Þrettán íslenskir
veitingastaðir taka þátt í herleg-
heitunum ásamt því sem útskrift-
arnemar í Hótel- og veitingaskóla
fslands leggja hátíðinni lið. Að
sögn Sigga fá veitingastaðirnir til
sín erlenda kokka sem munu með
aðstoð yfirkokkanna matreiða sér-
staka hátíðarmatseðla fyrir gesti og
gangandi.
„Þeir veitingastaðir sem taka þátt
munu svo bjóða sérstaka Food and
Fun-matseðla, en þeir samanstanda
af 4-5 réttum á 5.900 krónur. Þessi
veitingahús riðu á vaðið varðandi
lækkuninameð nýjavirðisaukaþrep-
inu, enda ættu veitingahús almennt
að lækka verðlagið á næstunni,"
segir Siggi og bætir við að gesta-
kokkarnir séu allir miklir reynslu-
boltar á sviði matreiðslunnar og
vel kunnir á heimsvísu. „Þátttaka
Islands felst svo í veitingahúsunum
sem taka þátt og yfirkokkum þeirra
ásamt úrskriftarnemunum. Þetta
er svona skemmtilegt samstarf sem
vekur athygli um heim allan.“
Matargerð á heimsmælikvarða
Siggi Hall segir hátíðina mik-
ilvæga fyrir land og þjóð. Hann
bendir á að íslensk matreiðsla sé
mjög framarlega á heimsvísu og því
vel við hæfi að halda alþjóðlega há-
tíð sem þessa í samstarfi við erlenda
aðila.
„ísland er land sem framleiðir
matvæli fyrst og fremst auk þess
sem við löðum að okkur ferða-
menn alls staðar að úr heiminum
og stundum mikinn ferðamanna-
iðnað. Hátíð sem þessi sameinar
þetta tvennt á skemmtilegan hátt
og er virkilega góð landkynning,"
segir Siggi, en hann telur íslend-
inga þurfa að gera sér betur grein
fyrir eigin kostum hvað matargerð
snertir. „Við segjum alltaf bara að
við séum góð á heimsmælikvarða,
en það eru ekki allir sem virkilega
gera sér grein fyrir því. Það eiga
ekki að vera bara útlendingar sem
segja okkur standa framarlega,
heldur þurfum við sjálf að gera
okkur grein fyrir því.“
Matreiðslumaður ársins valinn
Hápunktur Food and Fun-há-
tíðarinnar verður næstkomandi
laugardag þegar fram fer mat-
reiðslukeppni í Hafnarhúsinu. Þar
munu etja kappi erlendir kokkar og
munu heimsþekktir dómarar meta
frammistöðu keppenda.
„Dómararnir eru heimsþekktir
stórkokkar sem hafa verið áber-
andi í Ameríku og Evrópu. Þeir
eru hvorki meira né minna en 10
talsins og munu þeir velja sigurveg-
ara. Þetta er keppni sem enginn á
að láta fram hjá sér fara. Hún hefst
klukkan 12:00 á hádegi og lýkur
með verðlaunaafhendingu klukkan
17:00. Þess má líka geta að keppnin
er öllum opin og frítt inn.“
Að lokum beinir Siggi þeim til-
mælum til landsmanna að lyfta
sér upp í skammdeginu og taka
þátt í herlegheitunum. „Tilgang-
urinn er annars vegar sá að vekja
athygli á íslandi sem matarkistu
og gæðum íslenskrar matargerðar-
listar, og hins vegar að lyfta sér upp
í skammdeginu og gera eitthvað
skemmtilegt. Það verða allir veit-
ingastaðir fullir, mikið um að vera
og allir í Food and Fun-matseðlum
á veitingastöðunum. Þetta verður
allavega ekkert slor.“
Frekari upplýsingar um Food and
Fun og þá veitingastaði sem taka
þátt má finna á heimasíðunni www.
foodandfun.is