blaðið - 20.02.2007, Blaðsíða 6

MATUR
ÞRIÐJUDAGUR 20. FEBRÚAR 2007 blaöiö
Ávaxta- og grænmetisneysla hér á landi er með því lægsta sem gerist í Evrópu.
Sœtindifrá Sollu
Sykurlausar
kökur og
ábætisréttir
Eftirréttir hafa löngum þótt
skemmtileg viðbót við máltíðirnar,
enda góð hressing eftir annars
ágætan bita. Eftirréttir þurfa þó
alls ekki að vera löðrandi í sykri eða
annarri óhollustu. Þvert á móti má
útbúa hina ýmsu rétti sem unnir
eru úr góðum hráefnum, án þess að
sykur og önnur aðskotaefni komi
við sögu.
Matgæðingurinn og hollustugúrú-
inn Sólveig Eiríksdóttir veit hvað
hún syngur þegar kemur að hollum
ábætisréttum, en hún féllst á að
gefa blaðinu nokkrar uppskriftir.
Sólveig segist ekki kunna að baka
neinar kökur sem innihalda sykur,
en hún hefur í 25 ár eingöngu bakað
.sykurlausar kökur og ábætisrétti.
,Eg nota mikið þurrkaða ávexti, rót-
argrænmeti, karob, krydd og sykur-
lausar sultur með góðum árangri.
Enda þekki ég ekkert annað. Svo
virðist það alltaf koma fólki á óvart
hversu sætar og góðar kökurnar eru
þrátt fyrir að vera ekki unnar úr
sykri. Þetta er nefnilega alls ekki
síðra - bara betra ef eitthvað er!“
Gómsæt berjakaka
■ 125 g carobella
■ 1 Vi dl heslihnetur
■ 1 'A dl brasilíuhnetur
■ 2 - 2 lA dl hrísgrjónamjólk
■ 10 döðlur
■ 'A dl ólífuolía
■ 1 tsk. vanilluduft
■ íegg
■ 1/12 tsk. vínsteinslyftiduft
■ 4 dl spelt
Ofaná:
■ 3-4 msk sykurlaus berjasulta
■ 450 g fersk eða frosin ber
■ 1banani
Hitið ofninn í 220°C. Bræðið
barobella eða suðusúkkulaði í skál
yfir vatnsbaði. Malið hneturnar og
setjið þær út í ásamt 2 dl af mjólk,
síðan mjög fínt söxuðum döðlum,
ólífuolíu, vanillu, eggi og lyftidufti
og hrærið saman. Það má sleppa egg-
inu og setja í staðinn 1 tsk. af lyfti-
dufti. Síðast hrærið þið spelt saman
við og athugið að deigið á að vera
eins og þykkur grautur. Ef ykkur
finnst það of þurrt þá bætið þið
smá mjólk út í. Setjið deigið í smurt
hringlaga form og bakið við 220°C í
15-20 mínútur og látið kökuna síðan
kólna í forminu.
Veljið sultu og ber af sömu tegund,
t.d hindber, bláber, jarðarber eða
berjablöndu. Hitið sultuna í potti og
setjið berin út í í um 1 mínútu. Setjið
þetta síðan í skál, afhýðið bananann,
skerið í þunnar sneiðar og blandið
saman við. Þið getið líka smurt sult-
unni beint á kökubotninn og sett
fersku berin ofan á kökuna. Setjið
berja- og bananablönduna ofan á
kökubotninn og berið fram. Kakan
er góð með sojarjóma, smá þeyttum
rjóma eða sojaís.
Gulrótarkaka
S 8 dl gulrætur, um 8 stk.
■ 2 Vi dl hnetur
■ 2 dl kókosmjöl
■ 2 dl haframjöl eða malaðar
möndlur
■ 1 msk. kanill
■ 1 tsk. vanilluduft eða dropar
■ 500 g döðlur
Krem:
I 400 g hreinn rjómaostur
■ 100 g döðlur
■ 100 g apríkósur
Skerið döðlurnar smátt. Ef þær eru
mjög harðar er gott að leggja þær að-
eins í bleyti. Rífið niður gulræturnar,
malið hneturnar og ristið kókos-
mjölið á pönnu. Blandið öllu saman
með höndunum eða setjið í hrærivél
og hrærið saman. Smyrjið tertuform
og bakið við 200°C í 30-35 mín.
Krem: Leggið döðlur og aprík-
ósur í bleyti í sjóðandi vatn í um 10
mín. Hellið vatninu af og maukið
ávextina í matvinnsluvél ásamt
rjómaostinum. Smyrjið kreminu á
kökuna. Athugið að í staðinn fyrir
rjómaostakremið má skreyta kök-
una með fullt af ferskum ávöxtum
og e.t.v. ávaxtasultu.
Einfaldur eplaábætir
. 2-3 stk. græn epli
■ 1 msk. ólífuolía
■ 10 döðlur
■ 1 msk. kanill
■ 2-3 msk. rúsínur
■ 1 peli sojarjómi
■ smá vanilluduft eða dropar
Skerið eplin í fernt, kjarnhreinsið
og skerið í þunnar sneiðar. Saxið
döðlurnar mjög smátt. Athugið að í
staðinn fyrir sojarjóma má nota ab-
mjólk sem búið er að sía í kaffifilter
í um eina klukkustund. Hitið olíu á
pönnu og bætið döðlum og kanil út
á og látið malla í smástund. Bætið
eplasneiðunum og rúsínunum út
á og látið léttmýkjast í um 5 mín.
Hrærið saman sojarjóma og vanillu.
Berið eplin fram í smart glösum eða
ábætisskálum og setjið smáslettu af
vanilluhrærunni út á. Ef einhvern
langar frekar í vanillu-sojaís þá er
það í góðu lagi.
Konfektkúlur
■ 100 g kókosmjöl
B 100 g hnetur, t.d. kasjú- eða
heslihnetur
■ 30 g hreint kakóduft
■ 200 g lífrænar döðlur
■ 1 msk. kókosolía (kaldpressuð)
- má sleppa og nota 2 msk vatn
Allt sett í matvinnsluvél og
maukað þar til þetta hangir vel
saman. Mótið litlar kúlur sem gott
er að velta upp úr kakódufti.
Einnig er hægt að setja þetta í
hringlaga form og nota sem köku-
botn. Hann þarf ekki að baka,
bara frysta. Það má baka hann,
en hann er þá bakaður við 200° C
í um 6-8 mín. Síðan er kökubotn-
inn skreyttur með fullt af ferskum
ávöxtum
Einnig má nota þetta deig til að
baka litla orku-smákökur, en þá eru
kúlurnar flattar út og bakaðar í 6-8
mín við 200°C.
Uppskriftin er án viðbætts syk-
urs, glútenlaus, sojalaus og laus við
mjólkurvörur.
halldora@bladid.net