blaðið - 11.04.2007, Blaðsíða 4

4 MIÐVIKUDAGUR 11. APRÍL 2007
blaðiö
INNLENT
HERJÓLFUR
Sótt um áfengisleyfi
Bæjarráð Vestmannaeyja samþykkti á dögunum
umsögn um áfengisleyfi um borð í ferjunni
Herjólfi. Bæjarráð fagnar erindinu og samþykkir
það svo fremi að aðrir aðilar sem um málið
fjalla geri það einnig.
REYKJANESTÁ
Öflug jarðskjálftahrina
Öflug hrina jarðskjálfta hófst í fyrrakvöld úti fyrir Reykjanes-
hrygg og stendur enn yfir. Skjálftarnir voru hvað öflugastir
framan af og mældust allt að 4 stigum á Richter. Engin
merki eru um eldvirkni á svæðinu en ekki er hægt að útiloka
að skjálftarnir séu fyrirboði neðansjávareldgoss á svæðinu.
ÍSLENSK UNGMENNI
Vilja verða sérfræðingar
Þorri ungs fólks sem er á leið í framhaldsnám stefnir
að því að verða háskólamenntaðir sérfræðingar í
mennta- eða heilbrigðisgeiranum eða við verslun og
þjónustu. Þetta eru niðurstöður rannsóknar Náms-
matsstofnunar fyrir Samtök atvinnulífsins, SA.
Seyðisfjörður:
Norræna gat
ekki lagst að
Tóf varð á komu Norrænu til
Seyðisfjarðar í gær þar sem hún
komst ekki að bryggju vegna
hvassvirðis. Þurfti ferjan að
leita vars hátt í fimm tíma við
Brimnes, yst í Seyðisfirði, þar til
veðrið gekk niður. Þessi töf kem-
ur ekki til með að raska áætlun
Norrænu og heldur hún úr höfn
í dag samkvæmt áætlun. Mjög
hvasst var á Seyðisfirði í gær og
fuku tvö hjólhýsi, sem geymd
voru innan tollgirðingarinnar
við Strandarbakka, á hliðina.
Skorað á Hafró:
Kanni góða
þorskveiði
„Við viljum bara læra meira
en ekki að fara fram á að kvóti
verði aukinn nema innistæða sé
fyrir hendi,“ segir Einar Valur
Kristjánsson, formaður Útvegs-
mannafélags Vestfjarða. Félagið
hvetur Hafró til að leita svara
við óvenjugóðum aflabrögðum
í þorskveiðum að undanförnu
þar sem þau veki spurningar um
hvaða fiskur sé á ferð og hvort
um Grænlandsgöngu kunni
að vera að ræða. Hvatt er til að
leitað verði svara áður en ný
fiskveiðiráðgjöf verður birt í vor.
Samorka kveðst ekki andstaða þekkingarfyrirtækja:
Hávær
kyrjar
■ 15,5 milljarðar í rannsóknir ■
kór sem
sönginn
Útrás á orkusviði Þekking hér grundvöllur
Eftir Ingibjörgu B. Sveinsdóttur
ingibjorg@bladid.net
„Við erum ósátt við að vera stillt upp
sem andstöðu við svonefnd þekking-
arfyrirtæki á sama tíma og fregnir
berast af útrás orkuþekkingar. Þetta
er dálítið hávær kór sem kyrjar
þennan söng.“ Þetta segir Gústaf Ad-
olf Skúlason, aðstoðarframkvæmda-
stjóri Samorku, samtaka orku- og
veitufyrirtækja.
Sem dæmi um þá sem stilla orku-
geiranum upp sem andstöðu gegn
þekkingargreinum nefnir hann
Framtíðarlandið. „Þetta er oft spyrt
saman við náttúruverndarumræð-
una. Við gerum ekki athugasemdir
við hana en við erum ósátt við þær
athugasemdir sem henni fylgja.“
1 tilefni umræðunnar bendir Sam-
orka á að á árunum 2001 til 2006
hafi orku- og veitufyrirtækin varið
alls um 15 milljörðumkróna til rann-
sókna og hönnunar, auk 500 millj-
óna í styrki til rannsókna- og vísinda-
starfa á annarra vegum. Jafnframt
er bent á að hjá íslenskum orku- og
veitufyrirtækjum starfi vinni um
330 manns með háskóla- og tækni-
menntun, þar af 226 verk- og tækni-
fræðingar. Ársverk verk- og tækni-
fræðinga hafi verið 500 árið 2006 og
ársverk iðnaðarmanna 475. Tæplega
600 starfsmenn fyrirtækjanna telj-
ist til ófaglærðra sem búi að mikilli
þekkingu eins og aðrir starfsmenn.
Gústaf Adolf tekur það fram að
útrásarfyrirtæki á orkusviði séu
ekki með í þessum tölum. „Það hafa
verið stofnuð fyrirtæki í samstarfi
orkufyrirtækjanna og viðskiptabank-
anna, til dæmis Hydro Kraft Invest,
sem Landsbankinn og Landsvirkjun
standa að. Geysir Green Energy heitir
annað en þar sameina krafta sína
VGK hönnun, FL Group og Glitnir.
Þeir opnuðu á dögunum hitaveitu
í Kína og var þá hægt að loka kola-
kyndistöð. Við erum líka nýbúin að
fá fréttir af því að virtir háskólar i
Bandaríkjunum hafi undirritað sam-
starfssamninga við íslendinga um
þróun þekkingar á orkusviði."
Að sögn Gústafs seytlar umræðan
umvanþekkingargreinarnaryfir í pól-
ítísku umræðuna. Hann vill þó ekki
nefna neina sérstaka flokka. „Það
er kominn tími til að þeir sem kyrja
sönginn um að það skorti á þekkingu
í nýtingu á endurnýjun orku fari að
taka sér frí. Þessi þekking sem er hér
fyrir hendi er grundvöllurinn að útr-
ásinni,“ leggur hann áherslu á.
Ósátt við að vera
stillt upp sem
andstöðu
Gústaf Adolf Skúlason,
aðstoðarframkvæmda-
stjóri Samorku
Samkeppni um nýjar höfuðstöðvar Glitnis:
Arkitekthuset
Monarken sigraði
Sænska arkitektastofan Arki-
tekthuset Monarken í Stokk-
hólmi hlaut 1. verðlaun i sam-
keppni um mótun tillögu að
nýju deiliskipulagi fyrir lóðirn-
ar Kirkjusand 2 og Borgartún
41, sem eru að stærstum hluta
i eigu Glitnis, og gera tillögu
að nýjum höfuðstöðvum fyrir
Glitni. Verðlaunaféð var 50.000
evrur eða um 4,5 milljónir
króna. Þýska arkitektastofan
Cityförster, Netzwerk fiir Arc-
hitektur og íslenska arkitekta-
stofan ASK arkitektar deildu
með sér 2.-3. sæti og fékk hvor
um sig 20.000 evrur í verðlaun
eða um 1,8 milljónir króna.
Bjarni Armannsson, forstjóri
Glitnis og formaður dómnefnd-
ar, afhenti viðurkenningar í nú-
verandi höfuðstöðvum Glitnis á
Kirkjusandi.
Alls bárust 42 tillögur á fyrra
þrepi samkeppninnar frá kepp-
endum í Evrópu, Bandaríkjun-
um og Asíu og var ákveðið að
taka 39 þeirra til dóms
í umsögn dómnefndar um vinn-
ingstillöguna segir: „Tillagan
hefur yfir sér létt og áhugavert
yfirbragð. Byggingunum er rað-
að óreglulega á reitinn nánast
eins og um sjálfbyggt umhverfi
sé að ræða. Allar byggingarnar
hafa sama grunnformið í mis-
munandi hæðum og stærðum.
Stærðir bygginganna falla því
vel að sínu nánasta umhverfi
og stærðum bygginga í Reykja-
vík. íbúðabyggðin fellur vel að
núverandi umhverfi og þar sem
byggingarnar eru sjálfstæðar og
mjög mismunandi að stærð virð-
ist sem áfangaskipting sé auð-
veld. Umferðartengingar eru
með ágætum og aðkomuleiðir
að bílageymslum augljósar.“
Nú tekur við vinna að skipulagi
í samráði við borgaryfirvöld og
íbúa og mun tillagan breytast
eitthvað frá núverandi útfærslu.
Verðlaunatillögurnar verða til
sýnis í anddyri nýju Laugardals-
hallarinnar frá og með föstudeg-
inum 13. apríl.
inmgstillagan Byggingunum er
?aó óreglulega á reitinn nánast
is og um sjálfbyggt umhverfi sé
ræða. Allar byggingarnar hafa
ma grunnformið í mismunandi
íðum og stærðum