blaðið - 11.04.2007, Blaðsíða 8

8 MIÐVIKUDAGUR 11. APRÍL 2007
blaöift
UTAN ÚR HEIMI
Átök við tsjadneska herinn
Stjórnvöld í Súdan segja að sautján hafi látist og
fjörutíu særst í átökum stjórnarhersins og hers
tsjada í Darfúr-héraði um helgina. Tsjadar neita því
að hafa farið yfir landamærin og segja að þeir hafi
barist við uþþreisnarmenn við landamærin.
Brixtofte fær tvö ár tii viðbótar
Peter Brixtofte, fyrrum þorgarstjóra Farum í Danmörku,
var dæmdur í tveggja ára fangelsi í gær fyrir fjármálam-
isferli. Brixtofte hafði áður verið dæmdur í tveggja ára
fangelsi fyrir að hafa látið Farum greiða verktaka of hátt
verð fyrir byggingaframkvæmdir á vegum borgarinnar.
Fjölga hermönnum í Afganistan
John Howard, forsætisráðherra Ástralíu, hefur
tilkynnt að Ástralar muni tvöfalda fjölda hermanna
sinna í Afganistan á árinu, úr 550 í rúmlega 1.000.
Howard sagði þetta nauðsyn ef ætlunin væri að
hafa betur gegn uppreisnarmönnum talibana.
Sprengjuárás í írak:
Fjórtán létu lífið
Fjórtán létust og rúmlega tuttugu
særðust þegar kona sprengdi sjálfa
sig í loft upp við skráningarstöð
nýliða í lögreglunni í bænum Muqd-
adiya í frak í gær. Konan var klædd
svörtum kufli og sprengdi sjálfa sig
innan um hóp rúmlega tvö hundruð
manna. Fórnarlömbin voru bæði
væntanlegir lögreglumenn og menn
sem áttu leið um staðinn.
Fátitt er að konur séu í hlut-
verki sjálfsvígssprengjumanna, þó
að dæmi þess séu í írak. Þannig
sprengdi kona sjálfa sig og tugi ann-
arra við Háskólann í Bagdad, höfuð-
borg íraks, í febrúar siðastliðnum.
Það sem hafa ber í huga varðandi andlát og útför
Svcrrir Einarsson Hermann Jónasson Geir Harðarson Bryndís Valbjamardóttir
ÚTFARARSTOFA ÍSLANDS
Suðurhlíð 35 Fossvogi • www.utforin.is
Vaktsími: 581 3300 & 896 8242 • Sólarhringsvakt
Komum heim til aðstandenda ef óskað er
Kistur • Krossar • Sálmaskrár • Duftker • Blóm • Fáni • Gestabók • Erfidrykkja • Prestur
Kirkja • Legstaður • Tónlist • Tilkynningar f fjölmiðla • Landsbyggðarþjónusta • Líkflutningar
r

LYSING.IS // 540 1500
Hjá Lýsingu bjóðum við þér sniðuga lausn
til þess að eignast draumabílinn.
Þú getur nálgast bllafjármögnun Lýsingar hjá
bllaumboöum, bflasölum og ráðgjöfum okkar.
Bílasamningur // Bílalán // Einkaleiga
Þarftu betri bíl?
Vinstri grænir vilja útrýma fátækt úr íslensku samfélagi:
Falleinkunn fyrir
ríkisstjórnina
Vilja útrýma fátækt
Ögmundur Jónasson
kynnti igær aðgerðaáætl-
un Vinstri Grænna til að
bæta kjör iágtekjuhópa.
Blaöiö/Frikki
■ Kostnaður við áætlunina 12 milljarðar ■ Skattar verða ekki hækkaðir
Eftir Magnús Geir Eyjólfsson
magnus@bladid.net
„Við teljum að þjóðfélagið eigi ekki
annarra kosta völ en að ráðast að
þessu þjóðfélagsmeini sem fátæktin
er. Við erum sannfærðir um að öll
þjóðin vilji taka á þessum málum af
alvöru.“ segir Ögmundur Jónasson,
varaformaður Vinstri grænna. Flokk-
urinn lagði í gær fram aðgerðaáætlun
til að bæta kjör lágtekjuhópa og út-
rýma fátækt úr islensku samfélagi.
í máli sinu gagnrýndi Ögmundur
ríkisstjórn Sjálfstæðisflokks og Fram-
sóknarflokks sem hann segir hafa
vegið mjög að tekjulægstu hópunum.
Sagði hann falleinkunn fyrir ríkis-
stjórnina að misrétti í íslensku sam-
félagi hafi aukist á undanförnum
árum. Ögmundur gagnrýndi einkum
aukna gjaldtöku í menntakerfinu og
heilbrigðisþjónustu sem hann segir
hafa aukist jafnt og þétt og nú sé svo
komið að tekjulítið fólk eigi þess ekki
lengur kost að nýta sér sjálfsagða
grunnþjónustu. Þá hafi einnig verið
dregið úr félagslegri aðstoð á öðrum
sviðum sem ýtt hafi undir aukinn
jöfnuð í samfélaginu.
Tillögur VG miða að því að fjar-
lægja þröskulda á ýmsum sviðum
velferðarmála, svo sem í heilbrigð-
iskerfinu og húsnæðiskerfinu. Þá
eru einnig nefndir þröskuldar sem
standa í vegi barnafjölskyldna, inn-
flytjenda og öryrkja og aldraðra
sem VG hyggst fjarlægja. Meðal þess
sem boðað er í áætluninni er afnám
komugjalda á heilsugæslustöðvar,
ókeypis tannvernd til 20 ára aldurs,
aukin hlutdeild rikisins í húsa-
leigubótum, trygging á
námi í heimahéraði til
18 ára aldurs, hækkun
grunnlífeyris aldraðra og
öryrkja og gjaldfrír leikskóli
um land allt.
Aðspurður hver sé kostn-
aðurinn við þessar tillögur
segir Ögmundur hann á bil-
inu 10 til 12 milljarðar. „Við
bendum hins vegar á að út-
gjaldaaukinn er í sumum tilvikum
til þess fallinn að spara peninga
þegar fram líða stundir, t.d. varðandi
tannheilsu barna. Þegar kjör öryrkja
og fátækra lífeyrisþega rýmka, skila
þau sér aftur inn í efnahagsstarf-
semina. Það er því erfitt að reikna
upp á krónu og eyri kostnaðinn til
lengri tíma litið." Hann ítrekar að
ekki verði gripið til skattahækkana
umfram það sem verið hefur á und-
anförnum árum til að mæta þessum
kostnaði. „Við teljum að það sé svig-
rúm til þessara ráðstafana. Ég bendi
á að það var afgangur af tekjum ríkis-
sjóðs á síðasta ári,“segir Ögmundur.
Hins vegar segir hann koma til
greina að endurskoða dreifingu
skattbyrðinnar
og er fjármagns-
tekjuskatturinn
nefndur í því
samhengi. „Við
höfum sett
fram tillögur
umaðhækkafjár-
magnstekjuskatt
úr 10 prósentum í 14
prósent, en þó á þann
hátt að sett verði nýtt frí-
tekjumark fyrir fjármagns-
tekjur sem nemur 120 þúsund
krónum á ári. Það myndi undanskilja
nánast alla smásparendur í landinu.
Það sem breytist er að hákarlarnir,
þeir sem hafa gríðarmiklar tekjur af
fjármagni, kæmu til með að borga til
samfélagsins í sömu átt og launafólk
er að greiða. En þegar á heildina er
litið og skattastigið er skoðað heil-
drænt, þá erum við ekki að tala um
að hækka skatta frá því sem verið
hefur á undanförnum árurn."
Bókin Delicious Iceland:
Völundur verðlaunaður
Bókin Delicious Iceland eftir
Völund Snæ Völundarson, mat-
reiðslumann, og Hrein Hreinsson,
ljósmyndara, nlaut sérstök heið-
ursverðlaun á The Gourmand
Cookbook Awards síðustu helgi.
Eru þetta virtustu verðlaun heims
í matar- og vínbókmenntum og
gjarnan kölluð Óskarsverðlaun
greinarinnar. Þetta kemur fram í
tilkynningu frá Sölku bókaútgáfu.
í umsögn dómnefndar kom
fram að bókin væri sérstaklega
glæsileg og tækist á einstakan hatt
að sameina matreiðslu, menningu,
bókmenntir og sagnfræði sem væri
óvenulegt þegar matreiðslubækur
væru annars vegar. Þetta væri bók
á heimsmælikvarða sem bæri að
þýða yfir á sem flest tungumál.
Verðlaunaafhendingin fór fram
laugardagskvöldið 7. apríl í Peking
í Kína en þetta var í tólfta sinn sem
þau eru veitt. Árlega eru yfir sex þús-
und bækur skráðar í keppnina frá
sextíu löndum. Höfundar bókarinnar
eru að undirbúa tökur sjónvarpsþátt-
anna Delicious Iceland. Unnið verður
út frá þeirri hugmyndafræði sem
bókin byggir á en megin markmið
þáttanna er viðamikil kynning á
landi og þjóð með sérstakri áherslu
á matarmenningu og matarhefðir
landsins. Farið verður á afskekkta
staði, fæðunnar aflað, hún unnin
og fyigst með hvernig töfraðar eru
fram dásemdir úr einni ferskustu
matarkistu heims í stórbrotnu
landslagi. Lítil veitingahús víða um
land verða heimsótt, sem og bestu
veitingastaðir Reykjavíkur og leitast
verður við að sýna ísland í nýju ljósi.