blaðið - 11.04.2007, Blaðsíða 10

10 MIÐVIKUDAGUR 11. APRÍL 2007
blaöiö
UTAN ÚR HEIMI
tyrklandT
Flugvél rænt
Maður rændi farþegaflugvél á leið frá
Diyarbakirtil Istanbúl í Tyrklandi í gær.
Maðurinn neyddi flugmanninn til að lenda
í höfuðborginni Ankara, en gaf sig fram
eftir lendingu. 175 manns voru um borð.
ÚKRAÍNA
Dómarar undir þrýstingi
Fimm af átján dómurum í stjórnlagadómstól Úkra-
ínu hafa hótað að draga sig í hlé vegna hótana
liðsmanna forsætisráðherrans Viktor Janúkóvítsj.
Dómstóllinn ræðir nú hvort Jútsjenkó forseti hafi
verið í rétti að rjúfa þing og boða til kosninga.
Tveir drepnir í Casablanca
Tveir grunaðir hryðjuverkamenn létust í aðgerðum öryggislögreglu í
borginni Casablanca í Marokkó um helgina. Annar mannanna var skotinn
til bana af lögreglu en hinn sprengdi sjálfan sig í loft upp eftir að lögregla
hafði króað hann af. Lögregla handtók átján manns i tengslum við sjálfs-
vígssprengjuárás á internetkaffihúsi í borginni í síðasta mánuði.
Austur-Tímor:
Ramos-Horta
leiðir
Fyrstu tölur benda til þess
að nóbelsverðlaunahafinn Jose
Ramos-Horta, forsætisráðherra
Austur-Tímor, hafi hlotið flest
atkvæði, eða þrjátíu prósent, í
forsetakosningum landsins sem
fram fóru um helgina. Eftir að
fimmtungur atkvæða hefur verið
talinn bendir allt til þess að þörf
sé á annarri umferð, þar sem
enginn frambjóðendanna hefur
hlotið yfir helming atkvæða.
Erlendir kosningaeftirlitsmenn
segjast ánægðir með framkvæmd
kosninganna, sem eru þær fyrstu
frá því að landið hlaut sjálfstæði
frá Indónesíu árið 2002. Reikn-
að er með að endanlegar tölur
liggi fyrir í upphafi næstu viku,
en síðari umferð kosninganna
munu fara fram í næsta mánuði.
Stríðsglæpadómstóllinn í Serbíu:
Serbar dæmdir fyrir aftökur
■ Hent í skurð og skotnir í bakið ■ Myndbandsupptaka af morðunum
Eftir Atla fsleifsson
atlli@bladid.net
Stríðsglæpadómstóllinn í Serbíu
dæmdi fjóra serbneska hermenn í
margra ára fangelsi í gær fyrir að
hafa skotið sex unga bosníska músl-
íma til bana í Srebrenica í Bosníu
árið 1995. Ódæðið náðist á mynd-
band og voru foringi sveitarinnar
og samverkamaður hans dæmdir í
tuttugu ára fangelsi, en hinir tveir
fengu þrettán og fimm ára fangelsi.
Fimmti maðurinn sem ákærður
var hins vegar sýknaður. Réttar-
höldin voru þau fyrstu sem fara
fram í Serbíu vegna fjöldamorð-
anna í Srebrenica, þar sem nærri
átta þúsund múslímskir karlmenn
og drengir voru teknir af lífi.
Saksóknarar segja hermennina
hafa tilheyrt hersveit sem gekk
undir nafninu Sporðdrekarnir. Á
myndbandinu sést hvernig her-
mennirnir hæðast að drengjunum
og segja þá hafa verið hreinir
sveinar og henda þeim svo ofan
í skurð. Fjórir drengjanna voru
skotnir í bakið og voru tveir látnir
bera likin félaga sinna inn í nálæga
hlöðu þar sem þeir voru sjálfir
skotnir. Upptakan var upphaflega
sýnd i réttarhöldum Alþjóðastríðs-
glæpadómstólsins yfir Slobodan
Milosevic, fyrrum forseta Júgó-
slavíu, í júní árið 2005.
Dómarinn sagði liðsforingjann
Slobodan Medic hafa skipað hina
þrjá ákærðu auk tveggja til við-
bótar að taka fangana af lífi, fjar-
DÓMAR:
lægja líkin úr skurðinum og láta
líta út fyrir að þeir hafi látið lifið
í átökum. „Ekki er hægt að gefa
þeim vægari dóma en þetta, eftir
að þeir frömdu þessa hluti gegn
varnarlausum borgurum, án þess
að sýna nokkra iðrun.“
Ættingjar fórnarlambanna segj-
ast harma það að hinir dæmdu
hafi ekki hlotið hámarksrefsingu
fyrir verknaðinn, eða fjörutíu
ára fangelsi. Natasa Kandic, þjóð-
þekktur serbneskur lögmaður, tók
undir með ættingjunum. „Ef litið
er til alvarleika glæpsins, var rétt-
lætinu ekki fullnægt með þessum
dómum.“
Fréttaskýrendur segja að serb-
neska þjóðin hafi verið slegin eftir
að myndbandsupptakan birtist
á sínum tíma, enda hafi margir
Serbar verið í afneitun vegna
fjöldamorðanna í Srebrenica og
haldið að Bosníumúslímarnir hafi
allir látist í átökum við serbneskar
hersveitir.
Skotnir í bakið Upptakan var
upphaflega sýnd í réttarhöldum yfir
Slobodan Milosevic, fyrrum
Júgóslavíuforseta.

Slobodan Medic
Branisiav Medic
Pera Petrasevic
Aleksandar Medic
Aleksandar Vukov
Ættingjar fornarlambanna Söfnuðust saman
á tröppum dómshússins í Belgrad og lýstu yfir
óánægju meö dómana.
20 ár
20 ár
13 ár
5 ár
Sýknaður
AUÐVELD I ÞRIFUM
HLJÓÐEINANGRANDI
OFNÆMISPROFUÐ
TEPPI A STIGAGANGINN
Amnesty International:
Grimmilegar
aðstæður fanga
Flestir þeirra fanga sem dvelja
í Guantanamo-fangabúðunum á
Kúbu er haldið við grimmilegar að-
stæður sem virða alþjóðareglur að
vettugi. Þetta kemur fram í nýrri
skýrslu Amnesty International
um aðstæður fanga í fangabúð-
unum sem birtist í síðustu viku.
1 skýrslunni segir að flestir
fanganna hafi sætt harkalegri
meðferð í varðhaldi og haldið í
járnbúrum og hámarksöryggis-
klefum. Þá segir að ný varðhalds-
bygging, Camp 6, sem opnaði í
lok síðasta árs, hafi skapað jafnvel
harðræðislegri aðstæður sem ein-
kennast af skynfæratruflunum og
öfgakenndri einangrun, þar sem
fangar sjá ekki dagsljós marga
daga í röð.