blaðið - 18.04.2007, Blaðsíða 4

blaöiö
Betra grip
Umboðsaöili MMMMMS á íslandi
VERKSTÆÐ'
Lágmúla 9 • Reykjavík ■ Sími 5 333 999
Skútahrauni 9 • Hafnarfirði • Sími 5 333 992
www hí^frpir
Tire$tone 04V/DIV
FÓLKSBÍLADEKK • JEPPADEKK
MÓTORHJÓLADEKK • SENDIBÍLADEKK
VÖRUBÍLADEKK
?Ég hef hafið stökf á
101 Hárhönnun,
skólavörðustíg 8
Gamlir sem nýir kúnnar
eru velkomnir.
Hrönn Baldvinsdóttir
101 Hárhönnun/
S. 551-3130
Spæni og hör færðu
í Húsasmiðjunni Ögurhvarfi*
ásamt úrvali af öðrum vörum fyrir hestamanninn
4 MIÐVIKUDAGUR 18. APRÍL 2007
LANDHELGISGÆSLAN
Samstarf við Bandaríkin
Stefnt er að því að samstarfssamningur verði undirritaður í ágúst milli
Landhelgisgæslu (slands og bandarísku strandgæslunnar um leit og björgun,
samvinnu um reglubundna upplýsingamiðlun um vöktun skipaferða, þjálfun,
æfingar og starfsmannaskipti. Samningurinn er í samræmi við samkomulag
um samstarf í varnar- og öryggismálum frá því í september 2006.
Stofnfrumurannsóknir
Frjálslyndir tefja
lagabreytingu
■ Vísindasiöanefnd ósátt ■ Fósturvísum er hent við glasafrjóvganir
Eftir Hlyn Orra Stefánsson
hlynur@bladid.net
„Rannsóknir á fósturvísum eru hluti
af voninni sem við höfum um lækn-
ingu við MND-taugahrörnunarsjúk-
dóminum. Lækningin er engin í dag.
Ég trúi því ekki að við íslendingar
séum slíkir afturhaldsseggir að
taka ekki þátt í rannsóknum á fóst-
urvísum, en því miður ákvað Frjáls-
lyndi flokkurinn að beita sér gegn
slíkum rannsóknum," segir Guðjón
Sigurðsson, formaður MND félags-
ins á fslandi, sem er mjög óánægður
með að tillaga Sivjar Friðleifsdóttur
heilbrigðisráðherra um breytingu á
lögum um tæknifrjóvganir skyldi
ekki hafa verið samþykkt.
Við framkvæmd glasafrjóvgunar-
meðferðar í æxlunarskyni eru búnir
til fleiri fósturvísar en nýtast í þessu
skyni. Ástæðan er sú að fósturvís-
arnir frjóvgast aldrei allir og með
þessu móti aukast líkurnar á að til
verði lífvænlegir fósturvísar til upp-
setningar í legi konunnar. Hingað
til hefur umframfósturvísum verið
eytt, en ef tillaga heilbrigðisráð-
herra hefði verið samþykkt hefði
mátt nota umframfósturvísana
í rannsóknarskyni. „Frjálslyndir
heimtuðu umræður um málið, sem
á síðustu dögum þings þýðir að frum-
varpið er ekki tekið fyrir. f stað þess
að henda umframfósturvísum má
nota þá til rannsókna, það er það
grátlegasta,“ segir Guðjón.
Kristinn H. Gunnarsson segir
ástæðu þess að Frjálslyndi flokk-
urinn vildi ekki samþykkja breyt-
ingartillöguna vera i samræmi við
athugasemdir vísindasiðanefndar.
„Vísindasiðanefnd benti á að frum-
varpið væri það opið að hún gæti
eiginlega ekki sinnt sínu eftirlitshlut-
verki. Þegar menn heimila tilteknar
rannsóknir þarf einhver að veita
leyfið og einhver að hafa eftirlit með
að farið sé að tilteknum lögum. í
þessu tilviki er það vísindasiðanefnd
sem á að hafa það hlutverk, en frum-
varpstextinn var það opinn að þeir
sögðu að í honum fælist í raun engin
stefna. Því yrði samkvæmt textanum
að samþykkja allar beiðnir um stofn-
frumurannsóknir sem berast.“
Kristinn segir Frjálslynda flokk-
inn í sjálfu sér ekki vera andsnúinn
því að hafnar verði rannsóknir á
fósturvísum. Hins vegar þurfi frá-
gangur laganna að vera þannig að
skýr mörk liggi á milli þess sem
má gera og þess sem ekki má gera
Skýrlögþurfa
að gilda um
stofnfrumurann-
sóknir
Kristinn H. Gunnarsson,
Frjálslynda flokknum
Frjálslyndir
heimtuðu um-
^ ræður um málið
Guðjón Sigurösson,
formaður MND félags-
ins á fslandi
í þessum efnum og menn verði að
gera sér nákvæma grein fyrir því
hversu langt menn vilja ganga.
„Samkvæmt frumvarpinu átti að
vera áfram bannað að framleiða fóst-
urvísa eingöngu í rannsóknarskyni.
En þegar tæknifrjóvgun á sér stað
eru frjóvgaðir margir fósturvísar,
þannig að menn vita þegar þeir
búa til fósturvísana að þeir verða
með í höndunum fósturvísa sem
þeir munu geta notað til rannsókna.
Eins og frumvarpið var orðað hefðu
þvi auðvitað verið framleiddir fóst-
urvísar einungis í rannsóknarskyni,"
segir Kristinn.
Launamunur kynjanna eykst:
ísland á Evrópumet
Launamunur kynjanna er 28
prósent á íslandi en að meðaltali 15
prósent í löndum Evrópusambands-
ins. Horfur eru á að launamunurinn
aukist en minnki ekki, að því er kom
fram í erindi Lilju Mósesdóttur, hag-
fræðings og prófessors, á fundi Rann-
sóknastofu í kvenna- og kynjafræðum
og Kvennahreyfmgarinnar i gær.
„Þegar konur mennta sig og fara
upp í stjórnunarstöður eykst launa-
munur kynjanna af því að launa-
dreifingin er mikil og konur fá
yfirleitt stöður sem eru neðarlega
á launaskalanum. 1 raun og veru
má segja að konur fari úr störfum
þar sem launadreifingin er lítil og
Vanmat á hefðbundnum
kvennastörfum Leikskóla■
kennarar að störfum
í stöður þar sem launadreifingin er
mikil,“ bendir Lilja á.
Til að koma í veg fyrir aukn-
ingu launamunarins þarf að fjölga
konum í hæst launuðu stjórnun-
arstörfunum, að mati Lilju. „Þær
þurfa að komast í bankastjóra-
stöður og aðrar slíkar stöður auk
þess sem afnema þarf launaleynd
sem er almenn meðal stjórnenda."
Eina af ástæðunum fyrir miklum
launamun kynjanna á Islandi segir
Lilja vera mikla atvinnuþátttöku
kvenna hér. „Hátt hlutfall þeirra
er með grunnmenntun og í lág-
launastörfum og þær draga þá með-
allaun kvenna niður. Þar að auki
eru vísbendingar um að vanmat á
hefðbundnum kvennastörfum sé
meira vandamál hér en á hinum
Norðurlöndunum.“