blaðið - 18.04.2007, Blaðsíða 17

blaöið
MIÐVIKUDAGUR 18. APRÍL 2007
17
Forréttindi að vinna með fötluðu fólki
I maíbyrjun árið 2006 hóf ég störf
hjá Svæðisskrifstofu málefna fatl-
aðra í Reykjavík (SSR) eftir að hafa
unnið með fólki sem hafði orðið
undir í lífinu í hartnær níu ár. Sú
vinna hafði vissulega gengið nærri
mér, tekið ákveðinn toll af sjálfum
mér og brunaeinkenni í starfi mínu
voru farin að hrannast upp. Eftir
talsverða umhugsun og umræður
við fólk sem starfar á vettvangi og
vinnur með fötluðu fólki, ekki síst
við ágætan vin minn er veitir einu
af sambýlum SSR forstöðu, ákvað
ég að sækja um starf hjá stofnun-
inni þótt ég hefði frekar litlar hug-
myndir um hvað ég væri að fara út í.
Efasemdir um getu mína og hæfni
til að starfa á þessum vettvangi létu
á sér kræla og ekki var laust við að
einhverjir fordómar skytu upp
kollinum.
Umrœðan
Því miður
sitjum við ekki
öll við sama
borð
Kenneth Páll Price
Frábær starfsmannastefna
Ég lét það þó ekki draga úr mér
kjarkinn heldur sótti um. Viðtökur
þær sem ég fékk við umsókn minni
komu mér þægilega á óvart svo
og upplýsingar þær er ég fékk um
SSR og þeirra starfssvið, sú mikla
og breiða þjónusta sem þar er veitt
og frábær starfsmannastefna sem
unnið er eftir. Manngæska, gleði
og sameining virtist einkenna
vinnustað þennan. Ég ákvað því
að hefja störf á sambýli og það er
eitthvað sem ég kem aldrei til með
að sjá eftir. Vel var að því staðið að
setja mig inn í nýtt starf og ég fékk
svör við öllum mínum spurningum
sem í byrjun voru ansi margar
Lífsgleði
Að hefja störf inni á heimili fimm
ólíkra fatlaðra einstaklinga er
kannski ekki svo auðvelt í byrjun. 1
mörg horn er að líta og margt þarf
að læra. Að kynnast heimilisfólk-
inu og gera sér grein fyrir ólíkum
þörfum þess tekur tíma og einnig
það að ná til einstaklinganna og
tengjast þeim. Með umburðarlyndi,
skilningi, kærleik, festu, ástúð og
þolinmæði taka þessi kynni innan
við mánuð. Það sem þú færð svo til
baka frá heimilisfólkinu eftir þann
tíma eru hreint ótrúlegir hlutir.
Það sem einkennir flest fatlað fólk
er þessi mikla lífsgleði og sú barns-
lega einlægni sem frá þeim stafar,
traust það sem þau setja á þig og
væntumþykja sem ekki er háð
neinum skilyrðum. Þau koma til
dyranna eins og þau eru klædd og
lifa flest í einfaldleika sem öllum
væri hollt að tileinka sér. Margoft
hef ég verið sleginn utan undir með
blautri tusku þegar ég hef mætt í
vinnu mína fullur sjálfsvorkunnar
yfir því hvað ég eigi erfitt í mínu
lífi. Þar hafa skjólstæðingar mínir
komið til hjálpar og eftir ekki svo
ýkja langan tíma hef ég hreinlega
verið farinn að skammast mín fyrir
hugsanir mínar.
Þroskandi reynsla
Að vinna með fötluðu fólki er
þroskandi á allan hátt. Ég hverf æ
meir og meir frá sjálfhyggju minni
og eigingirni, gildismat mitt tekur
breytingum og ég fæ tækifæri til
að þroskast sem góð, jákvæð mann-
eskja og læt gott af mér leiða meðal
þeirra sem minna mega sín. SSR er
góður vinnustaður sem hugsar vel
um mig og þarfir mínar. Mér bjóð-
ast ótal kostir til endurmenntunar
og sem starfsmanni er hlúð vel
að mér og mínum þörfum. Starfs-
stöðvar þeirra eru misjafnar hvað
fötlun varðar og búsetuform og þú
getur valið á hvaða vettvangi þú
vilt starfa. Störf mín hjá SSR hafa
þegar gefið mér það mikið og vakið
áhuga minn á þessum málaflokki
að nú í vor hóf ég skólagöngu í Borg-
arholtsskóla og stefni á að útskrif-
ast sem félagsliði. Framtíðardraum-
urinn er síðan að hefja nám sem
þroskaþjálfi.
Allt líf er dýrmætt
Innan SSR hef ég fundið mína
köllun. Þakka ykkur fyrir að vera
til, fyrir að veita fötluðu fólki þá
þjónustu sem þið veitið og okkur
þessu eðlilega fólki innan gæsa-
lappa tækifæri til að fá að starfa
hjá ykkur og finna það sem við svo
lengi höfum leitað að. Það tók mig
sjálfan ekki svo ýkja langan tíma
að áttá mig á að vinnan hjá SSR er
á allan hátt mannbætandi og gef-
andi. Allt líf er dýrmætt og hafi ein-
hver orðið undir í lífinu ber okkur
siðferðisleg skylda til að koma til
hjálpar og vissulega getum við
hjálpað á svo margvíslegan hátt.
Eyðum fáfræðinni og fordómunum,
verum til staðar reiðubúin að rétta
út hjálparhönd þegar þess þarf. Við
erum aldrei svo tímabundin að við
getum ekki gefið ögn af því sem
okkur hefur verið gefið. Náunga-
kærleikur og umhyggja er það sem
máli skiptir, því miður sitjum við ____________________________________;_________________
ekki öll við sama borð. Gleymum Höfundur starfar hjá Svæðisskrifstofu mál-
því ekki. efna fatlaðra í Reykjavík
l Barnsleg einlægni „Það sem einkennir flest fatlað fólk erþessi mikla
lífsgleði og sú barnslega einlægni sem frá þeim stafar, traust það sem þau
setja á þig og væntumþykja sem ekki er háð neinum skilyrðum. “
Lindab framleiðir þakrennur sem
henta hvaða húsi sem er.
Helstu kostir þeirra eru t.d.:
• Fallegt útlit
• Auðveldar í uppsettningu
• Margir litir
• Traustar og endingargóðar
• Úr hágæðastáli
• Fjöldi aukahluta
• Áratuga reynsla á íslandi
• Fást í byggingavöruverslunum
um allt land
Lindab
Vjmet
ÁREIÐANLEIKI - ÞJÓNUSTA - ÁRANGUR
Gylfaflöt 9 112 Reykjavík Sími: 530 6000 Fax: 530 6021
www.limtrevirnet.is
AUGLÝSINGASTOFA E.BACKMAN