blaðið - 21.04.2007, Blaðsíða 35

blaöió
LAUGARDAGUR 21. APRÍL 2007 3 5
Hjá sumum snúast
þessar kosningar
um hugsjónir. Hjá
öðrum snúast þær
um hagsmuni. Það
eru út af fyrir sig
fastir liðir eins og
venjulega," segir Jón Baldvin Hanni-
balsson um Alþingiskosningarnar í
vor. „Það hefur orðið hugarfarsbreyt-
ing í umhverfismálum. Samt er það
ekki númer eitt hjá þjóðinni. Eins
og venjulega er það buddan sem er
númer eitt. Þjóðin er umhverfisvæn
og fylgjandi velferðarríkinu - svo langt
sem buddan leyfir. Gallinn við buddu-
kosningar er sá að þær enda venjulega
í pexi um smáatriði. Forystumenn
og málsvarar flokka apa hver eftir
öðrum og fletja allt út í eitt. Til dæmis
birtist Sjálfstæðisflokkurinn þjóðinni
eins og pólitískur kynskiptingur fyrir
kosningar - hann fer úr bláu í bleikt.
Og það grillir hvergi í framtíðarsýn.
Stjórnarflokkarnir hafa búið til
glansmynd. Þeir segjast hafa tryggt
mikinn hagvöxt, hér sé ekkert at-
vinnuleysi, hér hafi orðið mikil kaup-
máttaraukaaukning og skattar hafi
verið lækkaðir. Þetta er: „Þið hafið
aldrei haft það eins gott“-áróðurinn,
og það er ætlast til að menn kvitti
fyrir þetta í kjörklefanum.
Þetta er auðvitað hálfsannleikur.
Hagvöxturinn er fenginn að láni og
kaupmættinum er misskipt. Það er
rétt að við glímum ekki við atvinnu-
leysi en það hefur verið innstreymi af
útlendingum til að vinna verkin sem
við viljum ekki eða getum ekki unnið.
Það hefur bjargað þjóðinni frá því að
verðbólgan og okurvextirnir eru ekki
enn þá hærri en raun ber vitni. Ríkis-
stjórnin hefur lækkað skatta en sam-
nefnari á þeim skattabreytingum er
að létt hefur verið á skattbyrði hinna
efnameiri en hópur láglaunafólks og
millitekjufólks situr uppi með þyngri
skattbyrði en áður. Ójöfnuðurinn
hefur aukist. Hinir ríku á Islandi njóta
sérstakra skattfríðinda. Þeir greiða
einungis io% fjármagnstekjuskatt.
Þar með greiða þeir ekkert til grund-
vallarþjónustu sem sveitarfélög veita;
þeir greiða ekki einu sinni fyrir skóla-
göngu barna sinna heldur fá hana gef-
ins fráþeim fátækari. Þettaer svívirða,
en samt segir enginn neitt. Jú, það er
sagt að ef þú hróflar við þessum for-
réttindum þá muni fjármagnið flýja
land. Hvurt ætli það flýi svo sem? Það
er hvergi lægri skattur á fjármagns-
tekjur nema á útlagaeyjum. Þangað
fara menn bara aðra leiðina. Lýðræðið
á ekki að sitja þegjandi undir svona
hótunum frá forréttindahópum.
Ef þetta eru buddukosningar,
hverjir eru þá hagsmunir almennings?
Þeir eru að losna við að lifa í stöðugri
ógn af sveiflum gengis og vaxta. Hvað
varðar fyrirtækin þá spyr ég: Hver
getur rekið fyrirtæki þar sem menn
vita ekki frá degi til dags hverjar tekj-
urnar eru eða hver er greiðslubyrðin
af lánum vegna þess að mælikvarðinn,
krónan, sveiflast upp og niður eins
og jójó? Við lifum í okursamfélagi.
Hér er við lýði landbúnaðarstefna
sem byggir á ofurtollum og innflutn-
ingsbanni og ríkisstyrkjum, sem eru
tvisvar sinnum hærri en í Evrópusam-
bandinu. Og eru þeir þó háir þar. Þess
vegna verður þjóðin að sætta sig við
hæsta matarverð og lengsta vinnutíma
í heimi. Þess vegna er Island samtím-
ans hvorki fjölskylduvænt né barngott
þjóðfélag. Hún er Iífseig, goðsögnin,
um að Sjálfstæðisflokknum sé einum
treystandi fyrir hagstjórninni. Sagan
hefur afsannað þetta æ ofan í æ. Það
hefur verið hlutverk okkar, jafnaðar-
manna að beina þessu þjóðfélagi inn á
framtíðarbrautir eftir að kerfisflokkar
helmingaskiptanna, Sjálfstæðis- og
Framsóknarflokkurinn, hafa fest
okkur í fari sérhagsmunaþjónkunar.”
Varðstaðan um óbreytt ástand
Hvað er til ráða að þínu mati?
„Lausnin snýr að því að koma á stöð-
ugleika, jafnvægi, festu. Skapa fyrir-
tækjum og fólki öryggi og tiltrú. Til
þess þarf traustan gjaldmiðil. íslenska
krónan getur ekki verið sá gjaldmiðill.
Hún er orðin að viðskiptahindrun
og er ekki nothæfur gjaldmiðill - því
miður. Þannig að svarið er einfalt:
Þeir stjórnmálamenn sem ætla að láta
taka sig alvarlega verða að þora að
taka á vandamálum og að boða fram-
tíðarlausnir. Fyrst og fremst skortir
okkur traustan gjaldmiðil. Lausnirnar
felast í því að setja sér markmið um
að sækja um aðild að Evrópusamband-
inu. Markmiðssetningin sjálf skiptir
miklu máli. Við eigum að stefna að
því að fullnægja þeim skilyrðum
sem þarf til inngöngu með lágri verð-
bólgu, lágum vöxtum og stöðugleika
í umhverfi fólks og fyrirtækja. Síðan
festum við það ástand með inngöngu
í Evrópusambandið og upptöku evru.
Það festir stöðugleikann í sessi með
lægra verði og lægri vöxtum í krafti
aukinnar samkeppni; það lækkar
viðskiptakostnað, örvar viðskipti og
erlendar fjárfestingar hér. Þetta er
markmiðið, og að því ber að vinna
frábœr fermingartilboð á
rúmum & svefnsófum
Láttu drauminn rcetast
„Ég hefverið gagnrýninn á Samfylkinguna vegna þess að
ég tel að hún hefði getað gert miklu betur. Hún hefði getað
verið hvassari og einbeittari í gagnrýni á það stjórnarfar
sem við búum við. Hún hefði þurft að vera virk í því að
nýta betur hæfileikafólk innan sinna raða. Með öðrum
orðum þá tel ég að hún hafi glutrað niður ýmsum sóknar-
færum og um ofrekið pólitík áforsendum annarra."
kerfisbundið.
Það ætti að vera kjósendum um-
hugsunarefni að varðstaða um óbreytt
ástand er ekki aðeins ær og kýr stjórn-
arflokkanna, heldur hafa Vinstri
grænir látið girða sig af í þessum of-
beittu bithögum. Þeir taka undir með
Davíð Oddssyni um nauðsyn þess að
halda uppi „sjálfstæðri peningastjórn"
eins og það er kallað, sem felst í því að
halda dauðahaldi í ónýta króna afþjóð-
ernisástæðum og vera á móti Evrópu.
Á sama tíma styðja Vinstri grænir
landbúnaðarstefnu Framsóknar sem
innsiglar okursamfélagið og vilja rík-
isforsjá á flestum sviðum. Þetta er nú
ekki mikil róttækni. Og fremur finnst
mér þetta þokukennd framtíðarsýn.
Staða Islands í samfélagi þjóðanna í
framtíðinni hefur týnst í þessari holta-
þoku - það er varla að henni vikið í
kosningabaráttunni.
Hvaða stefnu vilt þú sjá í
utanríkismálum?
„Við stöndum frammi fyrir tilvist-
arspurningu: Hvar á ísland að finna
sér sess meðal þjóða eftir að hálfrar
aldar varnarsamstarf við Bandaríkin
er fyrir bí? Hverjir eru þjóðarhags-
munir okkar? Eru þeir að halda áfram
að fela Bandaríkjunum, i formi verk-
töku að annast öryggi íslands og taka '
allar ákvarðanir sem máli skipta fyrir
okkur? Þvert á móti. Við eigum að
segja varnarsamningnum upp. Það
er hættulegt fyrir okkur að vera aft-
aníossar Bandaríkjanna á því heims-
valdaskeiði sem þeir eru á núna. Við
eigum að taka upp nánara samstarf
við Evrópuþjóðir og huga að inn-
göngu okkar í Evrópusambandið sem
mun tryggja öryggishagsmuni okkar,
Karolin
tungusvefnsófi
Doris 1 20 x 200cm
Verð. 39.900,- áður 617800,-
Rafmagnsrúm verð aður iui coo
Opið virka daga 1 0 til 18
laugadaga 11 til 16
Karolin 3ja sæta svefnsófi
Suprima
90x200cm v/33.280,- áður 4i .G00,-
120x200cm v/ 42.400,- áður 53.000.
140x200crn v/ 49.360 - áður bi.700.
Electai20x200 v/ 59.980 áður 67.300
5 svæöa pokagormadýna og botn
£

HÚSGAGNAVERSLUN
TOSCANA
SMIOJUVEGI 2, KOP S:587 6090
HÚSGÖGNIN FÁST EINNIG i HÚSGAGNAVAL, HÖFN S: 478 2535