blaðið - 12.05.2007, Blaðsíða 4

4 LAUGARDAGUR 12. MAÍ 2007
blaðið
INNLENT
VERÐBÓLGA
Mælist nú 4,7 prósent
Vísitala neysluverðs hækkaði um 0,86 prósent í apríl en
það er ívið meira en spáð hafði verið. Kostnaður vegna eigin
húsnæðis jókst um 1%, matvæli hækkuðu um 1,3% og bensín
um rúm 3%. Verðbólga miðað við verðlag síðustu tólf mánuði
hefur lækkað, er nú 4,7% en var 5,3% í síðasta mánuði.
HUNAVATNSSYSLA
Talsvert slasaður eftir bílveltu
Karlmaður á tvítugsaldri slasaðist talsvert þegar bíll sem
hann ók valt við bæinn Vindhæli á Skagastrandarvegi í
gærmorgun. Vegfarandi gerði lögreglu viðvart um slysið.
Maðurinn varfluttur á sjúkrahúsið á Blönduósi en þaðan á
Fjórðungssjúkrahúsið á Akureyri. Bíllinn er talinn gjörónýtur.
FJAROARBGGÐ
VIII selja veitufyrirtæki
Sveitarfélagið Fjarðabyggð hefur ákveðið
að selja bæði Rafveitu Reyðarfjarðar og
Hitaveitu Eskifjarðar ef viðunandi tilboð
fást. Þetta var samþykkt einróma á bæj-
arstjórnarfundi Fjarðabyggðar.
Hjá okkur fáiö þið mikið úrval af
kerrum og vögnum fyrir börnin
Babjfe
am
®
Skeifunni 8 - s. 568 2200 - Smáralind - s. 534 2200
www.babysam.is_________
erjum Þjórsárver
Enga Norðlingaölduveitu. Engar
virkjanirí byggð.
Kannanir sýna að mikill meirihluti
heimamanna og þjóðarinnar allrar,
vill að hér eftirfái Þjórsá að
renna ífriði - alla leið.
Kjósandi góður, þú getur varið Þjórsá
SOL A SUÐURLANDI
UNNENÐUR ÞJÓRSÁR
Striidð yfir siðleysið
Eftir Þórð Snæ Júliusson
thordur@bladid.net
,Mér finnst einfaldlega nóg komið
gagnvart mér og mínum,“ segir
Jóhannes Jónsson, kaupmaður í
Bónus, sem setti fram áskorun til
sjálfstæðismanna í Reykjavíkurkjör-
dæmi suður í heilsíðuauglýsingu
í dagblöðum gærdagsins með yfir-
skriftinni „Strikið yfir siðleysið".
Þar hvetur hann þá til að strika
yfir nafn Björns Bjarnasonar, dóms-
og kirkjumálaráðherra, í kosning-
unum í dag og segir að hann hafi
mátt „að ósekju sitja á sakamanna-
bekk í Baugsmálinu svokallaða
vegna óvæginna aðgerða Haraldar
Jóhannessens, ríkislögreglustjóra,
Jóns H. B. Snorrasonar, saksókn-
ara, og nú síðast Sigurðar T. Magn-
ússonar, sem var settur í starf Jóns
H. B. Snorrasonar eftir að hann var
gerður afturreka með málatilbúnað
sinn haustið 2005“
Þegar fram hafi komið í fjöl-
miðlum að Björn ætlaði sér að
skipa Jón H. B. Snorrason í emb-
ætti ríkissaksóknara keyrði síðan
um þverbak að sögn Jóhannesar
og segir hann þá ætlun hafa verið
helsta hvatann að auglýsingunni.
,Það er búið að henda þessu máli
út úr Hæstarétti og héraðsdómi.
Samt er haldið áfram fram í
rauðan dauðann að reyna að kné-
setja okkur með einhverjum hætti
á kostnað ríkisins."
Jóhannes segir það von sína að
auglýsingin veki fólk til umhugs-
unar í kjörklefanum. „Ég vona bara
að sem flestir fari að mínum ráðum.
Ég stend einn að þessari auglýsingu
og geri það alfarið á minn kostnað.
Ég er ekkert að hlaupa á bak við
neinn annan og hef enga ríkisstjórn
til þess að greiða þetta fyrir mig.“
Aðspurður hvort hann hafi af því
áhyggjur að Björn muni mögulega
fara í meiðyrðamál við hann vegna
auglýsingarinnar sagði Jóhannes
það þá bara vera hans mál.
Björn Bjarnason sagði auglýsing-
una tala sínu máli en vildi að öðru
leyti ekki tjá sig um hana.
Sigurður Líndal, fyrrverandi
lagaprófessor, segir að auglýsingin
kunni að vera á gráu svæði. „Ég
myndi segja að þetta væri frekar
óvenjulegt eins og málið liggur fyrir
en í pólitískri umræðu er nú margt
látið viðgangast sem ella myndi ekki
vera gert. Það er nú yfirleitt frekar
rúmt málfrelsi 1 opinberri umræðu
Segir auglýs-
inguna tala
sínu máii
Björn Bjarnason
Dóms- og
kirkjumálaráðherra
og þetta er ekki neitt óvenjuleg orð-
ræða í íslenskum stjórnmálum. Mér
finnst því á mörkunum að ráðherra
gæti farið í meiðyrðamál út af þessu.
En auglýsingin er vissulega sérstök.
Ég man ekki eftir svona löguðu
áður.“
Kjósendum er heimilt að breyta
röð frambjóðenda á þeim lista sem
þeir kjósa eða strika yfir nafn þeirra
frambjóðenda sem þeir vilja hafna.
Þó er einungis heimilt að gera
slíkar breytingar á þeim lista sem
er kosinn. Ef breytingar eru gerðar
á öðrum lista ógildir það kjörseðil-
inn og þar með atkvæðið. Þar sem
Björn situr í öðru sæti á lista síns
kjördæmis þarf að minnsta kosti
fjórðungur kjósenda Sjálfstæðis-
flokksins í kjördæminu að strika
hann út til þess að það hafi áhrif.
Það hlutfall gæti síðan hækkað þar
sem áhrifin ráðast af fjölda þing-
manna sem hver listi fær kjörna.
Icelandair Group færir ut kviarnar:
Leitar tækifæra í Austur-Evrópu
Icelandair Group hefur undir-
ritað viljay firlýsingu um kaup á tékk-
neska flugfélaginu Travel Service,
sem er stærsta einkarekna flugfélag
í Tékklandi. Félagið rekur leiguflugs-
starfsemi einkum frá Prag og Búda-
pest í Ungverjalandi auk þess sem
það á og rekur lággjaldaflugfélagið
Smart Wings. Heildarvelta Travel
Service í fyrra var um 18 milljarðar
króna. Kaupverðið er trúnaðarmál
og standa vonir til að kaupin verði
gengin í gegn í lok júní.
Að sögn Jóns Karls Ólafssonar,
forstjóra Icelandair Group, er tékk-
neska félagið vænlegur fjárfesting-
arkostur og liður í frekari útrás til
Austur-Evrópu, en í fyrra keypti
félagið lettneska flugfélagið Lat-
charter. „Það er ljóst að ef af kaup-
unum verður stækkar Icelandair
Group hratt á árinu. Travel Service
er vel rekið flugfélag og hefur góða
og vaxandi stöðu á markaði sem
verið hefur í mikilli gerjun.“
Travel Service hefur yfir að
ráða 10 Boeing 727-800 þotum og
tveimur Boeing 737-500. Þá eru í
pöntun tvær Boeing 737-900 þotur
og ein þota af gerðinni Boeing 787
Dreamliner. Einnig hefur félagið
haslað sér völl í einkaþoturekstri
í austurátt lcelandair Group hefur í
hyggju að kaupa tékkneska flugfélag-
iö Travel Service.
og segir Jón Karl það vera spenn-
andi kost þar sem eftirspurn eftir
slíkum samgöngumáta fer sífellt
vaxandi.
Efnalaugin Björg
Góó þjónusta
Þekking
Opiö: mán-fim 8:00 - 18:00
föst 8:00 - 19:00
laugardaga 10:00 - 13:00

EFNALAUG ÞVOTTAHUS
Háaleitlsbraut 58-60 • Sími 553 1380