blaðið - 12.05.2007, Blaðsíða 47

blaðið
LAUGARDAGUR 12. MAÍ 2007 41
Útskriftarsýning Listaháskólans opnuð í dag:
Synd að námstímanum sé lokið
„Það er synd að þessi tími í skól-
anum sé liðinn en þetta er búið að
vera mjög skemmtilegur tími,“ segir
Árni Þór Árnason en hann sýnir
lokaverk sitt á útskriftarsýningu
Listaháskóla íslands sem verður
opnuð í dag.
Árni sýnir 69 málverk sem unnin
eru með frekar óvenjulegum hætti.
„Verkin líta út fyrir að vera ex-
pressjónísk á yfirborðinu en þegar
maður kafar dýpra kemur í Ijós að
þau eru unnin með annars konar
aðferðum en venjulegt er. Ann-
ars vegar nota ég vélmenni til að
tússa fyrir mig á strigann en þessi
vélmenni eru venjulega notuð til að
pússa parketgólf. Hin málverkin
eru máluð í þvottavél. Ég læt striga
ásamt málningu í vélina og set í
gang, annað hvort í hálftíma eða
klukkutíma í senn. Það er hug-
myndin og aðferðin að baki verkinu
sem ég legg áherslu á og ég geri
þetta til að fá aðra vídd í málverkið.”
Þegar Árni er spurður út i hvað nú
taki við að námi loknu segir hann að
nú taki við að fara að lifa á listinni
og hann er bjartsýnn um að starfa
sem myndlistarmaður á fslandi.
„Myndlistarmenn hér á landi búa
við mikið frelsi og geta gert það
sem þeir vilja. Fólk er ágætlega
opið fyrir myndlistinni þó að sjálf-
sögðu mættu alltaf fleiri sýna henni
áhuga.“
í ár eru það 63 ungir myndlist-
armenn og hönnuðir sem sýna
lokaverk sín á útskriftarsýningu
Listaháskólans en sýningin er ávallt
fjölsótt og hennar beðið með mikilli
eftirvæntingu. Að þessu sinni er sýn-
ingin haldin í kartöflugeymslunum í
Ártúnsbrekku sem er húsnæði sem
innréttað var sérstaklega með mynd-
listar- og hönnunarsýningar í huga.
Húsið verður opnað klukkan
14.00 og enginn ætti að verða fyrir
vonbrigðum enda ótrúlega fjölbreytt
sýning á verkum nýrra hönnuða og
myndlistarmanna þarna á ferðinni.
Frábær
dagur í dag..
• í dag er mikið um að vera og
mikið húllumhæ víðs vegar um
bæ. Orðlaus mælir með öllu því
sem skemmtilegt er og í dag eiga
allir að skarta brosi á vör og njóta
sólar og sumars, manna og mál-
efna, gleði og stemningar.
• Flagga íslenska fánanum. Á
kosningadaginn er til siðs að
flagga og ef þú býrð svo vel að
eiga fánastöng í garðinum þá
mælum við eindregið með því að
byrja daginn á hátíðlegri fánahyll-
ingu.
• Við mælum eindregið með
því að borgarbúar taki daginn
snemma og fylgist með ferðum
risessunnar og fylgdarliði úr
franska götuleikhúshópnum Roy-
ale de Luxe. Risessan rís úr rekkju
klukkan 10.30 á Hafnarbakkanum
og byrjar daginn á því að fara í
sturtu. Hún heldur síðan til fundar
við risann.
• Allir að kjósa, lýðræðið lifi og allt
það og nú mælir Orðlaus með því
að kjósa rétt. Það er líka gaman
að dubba sig svolítið upp áður en
haldið er á kjörstað og við mælum
með því að fólk setji upp hatta ef
það lumar á slíkum inni í skáp.
• Góður kaffibolli og pönnsur...
bjóddu góðum vinum í kaffi og
með því... það er alveg málið í
dag. Einnig er hugmynd að fá sér
gott kaffi og koma sér fyrir í Hljóm-
skálagarðinum með endurnar og
útsýnið í fanginu.
• Útskriftarsýning Listaháskólans
verður opnuð í dag í Jarðhús-
unum í Ártúnsbrekku við Rafstöðv-
arveg. Það er alltaf gaman að sjá
það sem ungir myndlistarnemar
og hönnuðir eru að spá og spek-
úlera.
• Júró júró júró og grill. Þrátt fyrir
að Eiki bleiki sé dottinn út þá er
samt hægt að berja upp smá
stemningu og fara í Eurovision-
partí... Finna sér lag til að halda
með... kjósa það og vera hress...
síðan breytist partíið í kosninga-
partí og munið að klappa mikið
fyrir nýjustu tölum eða gráta... eftir
því sem við á.
• Eftir partí er um að gera að
skella sér á einhverja af þeim kosn-
ingavökum sem stjórnmálaflokk-
arnir standafyrir... Hvort sem ertil
að gráta með forystusauðum eða
fagna með sigurvegurunum... en
það verður eflaust gaman því að
einhvern veginn eru stundum allir
sigurvegarar kosninga.
• Fyrir þá sem vilja halda Eurovisi-
onstuði áfram þá þeytir Þáll Óskar,
Eurovisionkóngur fslands, skífum
á Nasa. Undanfarin ár hefur verið
svo mikið stuð að færri hafa kom-
ist að en hafa viljað svo að það er
um að gera að mæta snemma en
stuðið hefst klukkan 23.00 en er
ekki búið fyrr en klukkan 5.30.
Skemmtið ykkur vel í dag!
Water is Our Business
DÆLUR FYRIR SUMARHÚS
og aðra bústaði
... brunna- og borholudælur
... dælusett með þenslukeri
og stjórnbúnaði
... háþrýstar þvottadælur
... gæða vörur
á hægstæðum verðum!
4" BORHOLUDÆLA SCM 4 PLUS 75/52 DRAIN 120 / 6 M. flotrofa VIP 100 / 6 M. fjotrofa WATERPRESS INOX W.P. SUPERINOX MP50 Bensín
950 W 280 W 270 W 800 W 1100 W 2,6 HP - 47,7 cc.
56 m / 5,6 bar 6 m / 0,6 bar 6 m / 0,6 bar 46m. / 4,6 bar 50 m. / 5 bar 30 m / 3 bar
4500 I / klst. 7000 1 / klst. 6500 1 / klst. 3600 1 / klst. 4200 1 / klst. 16200 1 / klst.
Stál AISI304 Stál og plast Polypropylene Riðfrítt stál AISI304 Riðfritt stál AISI 304 Bensín m. 4% olfu.íbl.
Rafmk. 15 m. Mín vatnsh. 2 cm. Mín vatnsh. 2 cm. min 2 / max 3 bar min 2 / max 3 bar Þyngd 8 Kg.
Stjórnbox m. öryggi Kornastærð 6 mm. Kornastærð 6 mm. Stál 24 lítra Stál AISI 304 24 1. Slöngutengi 1" (25mm.)
Slöngutengi 1" Slöngutengi 1" Slöngutengi 1"
http://www.landvelar.is - !andvelar@landvelar.is
/Atþíf/03-2007