blaðið - 17.05.2007, Blaðsíða 6

6 FIMMTUDAGUR 17. MAÍ 2007
blaöið
INNLENT
AÐSVIF UNDIR STÝRI
Utafkeyrsla og hjartaáfall
Manni á áttræðisaldri er haldiö sofandi á gjörgæslu Land-
spítala-háskólasjúkrahúss eftir að hafa fengið aðsvif
undir stýri með þeim afleiðingum að bill hans lenti utan
vegar skammt frá Þórustöðum I Ölfusi I fyrradag. Talið er
að við útafaksturinn hafi maðurinn fengið hjartaáfall.
SLYS IKÓPAVOGSLAUG
Enn haldið sofandi
Drengnum sem fannst meðvitundarlaus á botni Kópavogs-
laugar I síðasta mánuði er enn haldið sofandi á gjörgæslu
LSH. Hann hafði verið meðvitundarlaus I talsverðan tíma
er hann fannst, en sundkennari og starfsmaður laugar-
innar náðu að blása I hann lífi á bakkanum.
SKJÁR EINN
Magnús lætur af störfum
Magnús Ragnarsson hefur að eigin ósk látið af störfum sem
framkvæmdastjóri Skjásins miðla. Hann tilkynnti ákvörðun sína
á starfsmannafundi I gær. Enginn hefur verið ráðinn I hans stað
en leit að eftirmanni Magnúsar stendur yfir. Hann sinnir áfram
verkefnum fyrir félagið þar til nýr framkvæmdastjóri finnst.
Sterling:
Verkfallið blásið af
Flugmenn og stjórnendur
danska lágfargjaldaflugfélagsins
Sterling, sem er í eigu íslenskra
fjárfesta í Northern Travel Hold-
ing, náðu í gær samkomulagi í
meginatriðum eftir tæplega sól-
arhringsfundarhöld og var því
útlit fyrir að verkfalli yrði aflýst.
Flugmennirnir höfðu hótað verk-
falli frá og með uppstigningar-
degi ef samningar næðust ekki en
ágreiningur ríkti um bæði laun
og vaktafyrirkomulag. Um 15 þús-
und Danir sem áttu bókað far í
kringum uppstigningardaginn
geta nú varpað öndinni léttar.
Danskir fjölmiðlar höfðu það
eftir Stefan Vilner, einum stjórn-
enda Sterling, að flugfélagið þyldi
verkfall í mesta lagi í tvo daga.
Hver verkfallsdagur myndi kosta
um 15 til 20 milljónir danskra
króna auk þess sem ímynd Sterl-

ing yrði fyrir skaða. Neytenda-
samtök í Danmörku höfðu varað
almenning við að kaupa miða
með flugfélaginu. Hætta væri
á að farmiðarnir yrðu ekki end-
urgreiddir yrði flugfélagið gjald-
þrota þar sem tryggingar næðu
aðeins til pakkaferða.
Góð með kjúklingi, svínakjöti, reyktum laxi, graflaxi, sem
salatsósa og í kalt pastasalat hverskonar.

) \ VOGABÆR
Frábær köld með kjúklingi og lambakjöti og út á pizzuna.
Góð á saltkexið með rifsberjahlaupi og sem ídýfa.
Formaður Húseigendafélagsins um lóðaúthlutanir í Úlfarsárdal:
Óeðlilegt að njörva
fólkið svona niður
■ Verða að eiga eigningar í sex ár ■ Leiðir til svartamarkaðsbrasks
■ Gjaldþrot og skilnaður veitir ekki undanþágu
Eftir Hlyn Orra Stefánsson
hlynur@bladid.net
Tilraunir Reykjavíkurborgar til að
stemma stigu við braski með lóðir
og íbúðir í Úlfarsárdal eru mjög
óvenjulegar og munu leiða til neð-
anjarðarhagkerfis fyrir íbúðir og
hús í dalnum, segir formaður Hús-
eigendafélagsins. Þeir sem kaupa
íbúðir eða lóðir undir hús í Úlfars-
árdal verða að búa í fasteigninni í
6 ár, að öðrum kosti þurfa þeir að
greiða viðbótargjald frá 2 og upp í 5
milljónir. Einu undanþágurnar sem
nefndar hafa verið eru dauðsföll og
alvarlegir sjúkdómar.
Eins og fram hefur komið mun
borgin úthluta 1.500 lóðum á ári
næstu árin og verður meirihlut-
anum úthlutað á föstu verði. „Við
viljum gera þeim sem vilja búa í
Reykjavík kleift að gera það fyrir
skikkanlegt verð,“ segir Ágúst Jóns-
son, skrifstofustjóri framkvæmda-
sviðs Reykjavíkurborgar, en borgar-
stjórn telur fast verð lóðanna vera
undir markaðsvirði. Þeir sem kaupa
lóðir undir hús eða íbúðir þurfa að
skrifa undir yfirlýsingu þess efnis
að ætlunin sé að búa þar. „Ef fólk
hins vegar selur er eignin komin
á markað og gengur kaupum og
sölum á markaðsverði. Þess vegna
finnst okkur eðlilegt að bæta þessu
viðbótargjaldi við, ákveði fólk að
selja innan 6 ára.“
Viðbótargjaldið er 2 milljónir selji
fólk íbúð á svæðinu eftir minna en
6 ár, 4 milljónir selji það par- eða
raðhús og 5 milljónir vegna einbýl-
ishúss. Verktakar sem kaupa lóð
undir blokkir geta þó selt íbúðirnar
eins og þeir vilja, en sama gildir ekki
um kaupendur íbúða í blokkunum.
Þá verður ekkert gert til að koma í
veg fyrir að keyptar verði fasteignir
í þeim tilgangi að leigja þær út.
Ef um dauðsfall eða alvarleg veik-
indi er að ræða getur borgin gert
undanþágu frá reglunum. Aðrar
undanþágur hafa ekki verið nefndar.
Ágúst gerir til dæmis ekki ráð fyrir
því að borgin veiti undanþágu þótt
um gjaldþrot eða skilnað hjóna sem
kaupa lóð sé að ræða. „Borgarráð
mun þó taka á slíkum málum hverju
sinni og meta þau eftir aðstæðum.“
Mennmunu
finna leið fram-
hjá reglunum
Siguröur Helgi Guð-
jónsson, formaður
Húseigendafélagsins
Sigurður Helgi Guðjónsson, for-
maður Húseigendafélagsins, telur
ekki um eðlilegar aðgerðir að ræða.
„Líf fólks og aðstæður breytast ört.
Það er náttúrlega mjög óeðlilegt
að njörva fólk niður alveg óháð að-
stæðum þess. Þarna er verið að búa
til átthagafjötra og ég man ekki eftir
svona löguðu áður.“ Sigurður segir
tilganginn vissulega vera góðan en
ekki meðalið.
„Það er alveg vist að fólk finnur
leiðir til að fara framhjá þessu. Fólk
mun fara að gera alls konar díla;
verður til dæmis löngu búið að selja,
en á pappírunum lætur það líta
út eins og um leigu sé að ræða. Þá
verður komið eins konar neðanjarð-
arhagkerfi fyrir lóðir í holtinu, sem
er mjög slæmt fyrir viðskiptaöryggi “
segir Sigurður.
Skemmdarverk unnin við Álafosskvos:
Máluðu X-D á vinnuvélar
Unnin voru skemmdarverk á
vinnuvélum við Álafosskvos í fyrri-
nótt. Telur Hörður Gauti Gunnars-
son, framkvæmdastjóri Verktaka
Magna efh., að tjónið hlaupi á millj-
ónum króna. Ætla þeir að kæra
verknaðinn og vilja að málið verði
rannsakað til hlítar. Segist hann
gruna að Varmársamtökin hafi
verið þarna að verki. Varmársam-
tökin segjast hins vegar ekki hafa
komið nálægt þessum skemmdum.
Málað var á sjö vinnuvélar X-D
og brotnar rúður í fjórum af þeim.
Einnig skemmdist stjórnbúnaður
1 að minnsta kosti einni þeirra.
Hörður segir að greinilegt sé að um
enga tilviljun hafi verið að ræða.
„Þetta fólk hefur hreinlega kallað
á stríð og hefur leikinn á þennan
hátt.“
Sigrún Pálsdóttir, stjórnarmaður
Varmársamtakanna, segir samtökin
fordæma skemmdarverkin. „Við
fordæmum einnig harðlega að verk-
takinn skuli vera að reyna að klína
þessu á Varmársamtökin. Sá sem
gerir svona er að eyðileggja fyrir
samtökunum vegna þess að þarna
fá þeir sem það vilja tækifæri til að
klína á okkur einhverju misjöfnu."