blaðið - 17.05.2007, Blaðsíða 12

blaðið
blaði
Útgáfufélag:
Ritstjóri:
Fréttastjórar:
Ritstjórnarfulltrúi:
Árog dagurehf.
Trausti Hafliðason
Gunnhildur Arna Gunnarsdóttir
Þröstur Emilsson
Elín Albertsdóttir
Borgarpólitík
Ársreikningur Reykjavikurborgar var kynntur í Ráðhúsi Reykjavikur
í gær. Niðurstaðan var sú að 4,3 milljarða króna halli varð á rekstrinum.
Niðurstaðan var engan veginn í takt við fjárhagsáætlun sem gerði ráð fyrir
rekstrarafgangi upp á 1,8 milljarða. Ástæðan fyrir þessu misræmi er rakin
til aukinna lifeyrisskuldbindinga sem hækkuðu um 7,1 milljarð en ekki 2,6
eins og áætlunin gerði ráð fyrir. Kjarasamningar við láglaunafólk eru einnig
taldir eiga sök á þessu. Samningar sem fulltrúar allra flokka í borgarstjórn
samþykktu á sínum tíma.
I hvert sinn sem ársreikningar borgarinnar eru kynntir hefst pólitískur
leikur sem, þegar öllu er á botninn hvolft, snýst um það að slá ryki í augu
borgarbúa. Pólitíkusar eru sérstakir sérfræðingar í því að bera saman
óskylda hluti, en niðurstaðan er alltaf jákvæð fyrir þeirra eigin flokk en nei-
kvæð fyrir hinn. Einn talar um A-hluta (til A-hluta telst starfsemi sem að
hluta eða að öllu leyti er fjármögnuð með skatttekjum) á meðan hinn talar
um B-hluta (til B-hluta teljast fyrirtæki sem borgin á 50 prósent eða meira
í). Síðan kemur sá þriðji og talar um samanlagða niðurstöðu A- og B-hluta.
Hvað græðir síðan hinn almenni borgarbúi á umræðunni? Ekki neitt. Ef
hann er ekki löngu hættur að hlusta þá er hann eitt stórt spurningarmerki.
Þetta er óþolandi.
Þessi leikur er í raun ekki ósvipaður leiknum sem fer í gang í kjölfar skoð-
anakannana. Það er vel þekkt að stjórnmálamenn túlka skoðanakannanir
sér í vil. Menn hafa til að mynda fundið fyrir miklum meðbyr þrátt fyrir
að flokkar þeirra séu að þurrkast út samkvæmt skoðanakönnunum. Sumir
stjórnmálamenn taka alls ekki mark á skoðanakönnunum ef niðurstaðan
er slæm fyrir þeirra flokk. Segja að svarhlutfallið sé of lítið en síðan verður
svarhlutfallið skyndilega aukaatriði ef niðurstaða könnunarinnar sýnir að
flokkurinn er í sókn.
Stjórnmálamenn mega taka sér einkafyrirtæki til fyrirmyndar þegar
kemur að kynningu ársreikninga. Upplýsingar úr ársreikningum eru þekkt
stærð. Svigrúm til túlkana er ekki mikið. Ef svo væri þá gætu til að mynda
einkafyrirtæki engan veginn farið á markað. Reyndar væri ekki til neinn
hlutabréfamarkaður ef stjórnendur fyrirtækja leyfðu sér það að hegða sér
eins og stjórnmálamenn gera alltof oft. Hvað myndu menn segja ef banka-
stjóri Kaupþings segði að ástæðan fyrir slæmri afkomu væri metnaðarleysi
fyrirrennara hans?
Ég kalla eftir vitsmunalegri umræðu um fjármál borgarinnar og reyndar
fjármál sveitarfélaga yfirhöfuð. Það er réttmæt krafa borgaranna að odd-
vitar flokkanna séu ekki að bera saman epli og appelsínur þegar þeir tjá sig
um fjárhagsmál borgarinnar.
Trausti Hafliðason
Auglýsingastjóri: Steinn Kári Ragnarsson Ritstjórn & auglýsingar: Hádegismóum 2,110 Reykjavík
Aöalsími: 510 3700 Símbréf á fréttadeild: 510 3701 Símbréf á auglýsingadeild: 510 3711
Netföng: bladid@bladid.net, frettir@biadid.net, auglysingar@bladid.net
Prentun: Prentsmiðja Morgunblaðsins
Nám í umhverfis-
skipulagi við
Landbúnaðar-
háskóla íslands
Námið veitir undirbúning fyrir störf á teiknistofum
landslagsarkitekta, skipulagsfræðinga, verkfræðinga
og arkitekta, við ráðgjöf og ýmis störf á vegum
opinberra aðila, meðal annars I sveitarfélögum.
Námið er góð undirstaða fyrir frekara nám í
skipulags-og umhverfisfræði, landslagsarkitektúr og
tengdum greinum sem hafa vaxandi vægi í
þjóðfélaginu.
Nánari upplýsingar er að fá á vef Lbhl - www.lbhi.is
Umsóknarfrestur er til 4. júní

Hvanneyri -311 Borgarnes
Sími 433 5000 • www.lbhi.is

mL
12 FIMMTUDAGUR 17. MAÍ 2007
Samkvæmisleikir og
raunveruleg viðfangsefni
Fyrstu dagarnir eftir kosningar
hafa eins og venjulega einkennst af
kapphlaupi stjórnmálamanna um
að túlka úrslitin sér í vil. Flestir virð-
ast hafa unnið einhvers konar sigur,
sumir með því að bæta við sig fylgi
frá síðustu kosningum en aðrir með
því að ná betri árangri en verstu skoð-
anakannanir gáfu til kynna. Á þessu
er þó auðvitað verulegur munur því
fylgisaukning skilar sér í fleiri þing-
sætum en áður og skapar viðkom-
andi flokkum sterkari stöðu en ella
fram til næstu kosninga, en sigur
annarra flokka á skoðanakönnunum
er hins vegar skammgóður vermir og
aðeins nothæfur í nokkra daga sem
smyrsl á þau sár, sem kosningaósigur
hlýtur alltaf að skilja eftir sig.
Við sjálfstæðismenn getum afar
vel við úrslitin unað. Eftir 16 ár í
stjórnarforystu jókst fylgi flokksins
um allt land og skilaði okkur þremur
þingmönnum meira en við fengum
í síðustu kosningum. Flokkurinn
er enn sem fyrr langstærsti flokkur
landsins og ljóst er að formaður-
inn, Geir H. Haarde, nýtur víðtæks
trausts, raunar langt út fyrir raðir
stuðningsmanna flokksins. Þing-
flokkurinn er samhentur og sterkur
hópur, þar sem saman kemur fjöldi
reyndra þingmanna og stór hópur ný-
liða, sem mikils má vænta af. Ég læt
öðrum eftir að fjalla um niðurstöðu
annarra flokka. Þar eru túlkunar-
möguleikarnir vissulega fjölmargir,
allt eftir því hvort menn vilja miða
við niðurstöður síðustu kosninga eða
einhverra enn eldri kosninga, verstu
eða bestu skoðanakannanir á síðustu
mánuðum, eða þá þær væntingar,
sem flokksmenn sjálfir höfðu til úr-
slitanna. Eins og landsmenn hafa
orðið vitni að undanfarna daga geta
flestir fundið einhvern samanburð,
sem nota má til að réttlæta yfirlýs-
ingar um stóra sigra, þótt sumar séu
auðvitað harla langsóttar.
En túlkunardeilur um niðurstöður
kosninganna geta í sjálfu sér aldrei
orðið annað en fremur léttvægur
samkvæmisleikur fyrir áhugamenn
um pólitík, sérstaklega þegar horft
er til hins raunverulega verkefnis,
sem við stjórnmálamenn stöndum
frammi fyrir að kosningum loknum.
o
f ” i
m Viðhorf
Birgir Ármannsson
Þar skiptir auðvitað mestu hvernig til
tekst i stjórnarmyndunarviðræðum
og hvort forystumönnum flokkanna
lánast að koma saman sterkri og trú-
verðugri ríkisstjórn, sem verður í
stakk búin til að takast á við þau fjöl-
mörgu og að ýmsu leyti vandasömu
viðfangsefni, sem framundan eru.
Þegar þetta er ritað er ótimabært
að segja hver framvindan verður.
Viðræður standa yfir og á þessari
stundu er ekki ljóst hvaða stefnu þær
taka. Um það verður þó ekki deilt að
sterkustu spilin eru á hendi Sjálfstæð-
isflokksins og formanns hans. f ljósi
kosningaúrslitanna er hann sá eini
sem getur myndað tveggja flokka
ríkisstjórn og á þrjá valkosti í þeim
efnum. Reynslan sýnir að tveggja
flokka ríkisstjórnir hafa jafnan verið
sterkari og skilað betri árangri en
fjölflokka samstarf, enda er vanda-
samara að samþætta ólíkar áherslur
og pólitíska hagsmuni mismunandi
flokka eftir því sem þeim fjölgar við
ríkisstjórnarborðið. Þriggja eða fjög-
urra flokka ríkisstjórnir hafa því oft-
ast átt við meiri innanmein að stríða
en tveggja flokka stjórnir og haft
minna þrek til að takast á við stefnu-
mörkun og úrlausn erfiðra mála. Sjálf-
stæðismenn hafa lengi lagt áherslu á
kosti tveggja flokka stjórna og mér
sýnist að forystumenn annarra
flokka séu farnir að taka undir þessi
sjónarmið nú að kosningum loknum,
því þeir keppast við að gera hosur
sínar grænar fyrir okkur sjálfstæðis-
mönnum með það að markmiði að
komast með okkur í slíka stjórn.
Möguleikar forystumanna Sjálf-
stæðisflokksins í stöðunni eru því
margir. Hver valkostur hefur sína
kosti og galla. Markmiðið er hins
vegar aðeins eitt. Það er að tryggja að
hér verði mynduð öflug stjórn undir
forystu Sjálfstæðisflokksins, sem
mun halda áfram því uppbygging-
arstarfi, sem flokkurinn hefur haft
forgöngu um á umliðnum árum. Við
þurfum að varðveita árangurinn sem
náðst hefur en um leið að tryggja að
áfram verði haldið á framfarabraut
fyrir íslenskt samfélag. Miklu skiptir
að ná málefnalegri samstöðu til að
vinna að því marki en um leið verður
slíkt samstarf að byggja á trausti
og trúnaði milli flokka og forystu-
manna þeirra.
Höfundur er þingmaður
Sjálfstæðisflokksins í Reykjavík
Klippt & skorið
Margverðlaunaður þáttur Jóns Ársæls
Þórðarsonar, Sjálfstætt fólk, fjall-
aði um Jón Ásgeir Jóhannesson,
einn aðaleiganda fjölmiðlafyrirtæksins sem á
Stöð 2, á sfðasta sunnudagskvöldi.
Það er ekki í fyrsta sinn sem nafn-
arnir hittast í þáttunum en nú
voru þáttaskil í lífi auðkýfingsins
Jóns Ásgeirs því hann hefur verið
sakfelldur í Baugsmálinu í héraðsdómi. Þáttur
Jóns Ársæls er áhugaverður enda „mest verð-
launaði sjónvarpsþáttur Islandssögunnar" eins
og kynning hans hljómar. Þátturinn er þó yfir-
leitt ekki fyrir allra augum, því hann er í læstri
dagskrá Stöðvar 2. Klippari gat þó ekki betur séð
en svo hefði ekki verið á sunnudagskvöldið, en
var þá bent á að öll dagskrá fram að þættinum
þennan dag hefði verið órugluð.
Og fyrsti forseti borgarráðs sem fær
einkaskrifstofu, Björn Ingi Hrafns-
son, verður að teljast til ofurblogg-
ara landans; og þar með manns ársins að
mati tfmaritsins Times. Bloggfærslurnar á
heimasíðu hans, bingi.blog.
is, streyma inn. Rétt eftir mið-
nætti í fyrrinótt ritaði hann rýni
um frammistöðu viðmælanda í
sjónvarpsþættinum Island í dag,
10.43 ( gær hafði hann skannað alla færslur
annarra á Netinu um hugsanlegar stjórnar-
myndanir og sagt skoðun sína á þeim. Og
klukkan 13.04 sagði hann sögur af presti hér
f bæ. Séu færslur mafmánaðar skoðaðar eru
fjölmargar ritaðar á vinnutíma, þó ekki eins
margar og ritaðar eru á kvöldin, jafnvel eftir
miðnætti.
Von er á skemmtilegum vangaveltum
fyrir næstu forsetakosningar. Hvað gerir
Ólafur? Klippari hefur heyrt því kastað
upp að þar sem Ólafur hafi nú
þegar hafið vinnu við að gera upp
forsetatíð sína í bók megi ætla að
hann hugi að því að láta öðrum
embættið eftir. Því eru menn
farnir að hugleiða arftakann. Við fyrri forseta-
kosningar fór hugsanlegt framboð guðsmanns-
ins Pálma Matthíassonar sem eldur í sinu
um landið og landann. Þjóðin hefur nú eignast
annað óskabarn. Sá ætti nú að hafa nægan tíma.
Bjarni Ármannsson? Kannski að launin séu
fulllág, rúm milljón er vart fyrirhafnarinnar virði.
Hugmyndin er í það minnsta skemmtileg.
gag@bladid.net