blaðið - 08.06.2007, Blaðsíða 4

4 FÖSTUDAGUR 8. JÚNÍ 2007
blaðið
INNLENT
ÖRYGGISMÁL
Börnin laus og illa varin í bílum
Tæplega 14% barna er ekiö til leikskóla í óviðunandi
öryggisbúnaði samkvæmt könnun Landsbjargar, For-
varnahúss Sjóvár og Umferðarstofu. Könnunin var
gerð við 58 leikskóla víða um land og var búnaður
1944 barna skoðaður.
ÖLDRUNARÞJÓNUSTA
Þjálfa erlenda starfsmenn
Oroplaugarstaðir og Alþjóðahús undirbúa viðamikið sam-
starfsverkefni um þjálfun erlendra starfsmanna í umönnun
aldraðra. Markmiðið er að fjölga starfsmönnum í öldrunar-
þjónustu. Erlendu starfsfólki sem er að hefja störf verður
boðið upp á starfsþjálfunar- og íslenskunámskeið.
NÝSKÖPUNARMIÐSTÖÐÍSLANDS
Þorsteinn Ingi ráðinn forstjóri
Össur Skarphéðinsson iðnaðarráðherra hefur ráðið dr. Þorstein
Inga Sigfússon í starf forstjóra Nýsköpunarmiðstöðvar Islands.
Þorsteinn Ingi hlaut nýlega 10 milljónir rúblna í verðlaun eða 27
milljónir króna í tengslum við alheimsverðlaunin Global Energy
Intemational Prize fyrir rannsóknir sínar í orkumálum.
Össur Skarphéöinsson:
Upplýsa á um
forsendurnar
„Ég er almennt þeirrar skoð-
unar að sem mest gagnsæi eigi
að ríkja um allt sem viðkemur
viðkvæmum deiluefnum sem
tengjast virkjunum og stóriðju,"
segir Össur Skarphéðinsson
iðnaðarráðherra þegar hann er
spurður hvort hann sé hlynntur
því að afnema leynd um sölu-
verð raforku til stóriðju hér á
landi. Hann bendir þó á að það
sé ekki hans að taka ákvarðanir
um slíka upplýsingagjöf heldur
sé hún á ábyrgð stjórna þeirra
fyrirtækja sem selja orkuna. „Ég
tel að almenningur eigi að hafa
allar forsendur til þess að meta
þær ákvarðanir sem teknar eru.
Það gildir einu hvort um er að
ræða verð, staðsetningu eða ein-
hverskonar fyrirhuguð leyfi eða
leyfisveitingar."
Verðsamanburður:
Stóriðjan fær
betri kjör
Stóriðja á íslandi fær sína
orku á töluvert lægra verði en
aðrar atvinnugreinar, enda
er orkusala til álvera almennt
bundin langtímasamningum
sem eru ekki gerðir á al-
mennum markaði.
Garðyrkjubændur greiða
þannig 3,64 krónur að meðaltali
fyrir hverja kílóvattstund sam-
kvæmt upplýsingum frá Friðriki
R. Friðrikssyni, varaformanni
Sambands garðyrkjubænda.
Fiskvinnslufyrirtæki borga
enn hærra verð því í erindi
Arnars Sigurmundssonar,
stjórnarformanns Samtaka fisk-
vinnslustöðva, í október síðast-
liðnum kom fram að þau væru
að greiða á bilinu 5,50 til 6,69
krónur á hverja kílóvattstund af
raforku sem þau nýta.
yBiapmoiii
ar til áívera 1,86 krónur;
Eftir Þórð Snæ Júlíusson
thordur@bladid.net
Norðurál mun greiða Orkuveitu
Reykjavíkur verð yfir heimsmeðal-
tali fyrir raforku vegna fyrirhugaðs
álvers í Helguvík. Meðalverð raf-
orku til álvera í heiminum er 1,86
krónur á kílóvattstund, en Frétta-
blaðið skýrði frá því í gær að Norð-
urál muni greiða OR 2,1 krónu fyrir
hverja selda kílóvattstund verði af
byggingu álversins í Helguvík.
Blaðið hefur undir höndum upp-
lýsingar um orkuverð til allraþeirra
álvera í heiminum sem eru með
gegnsætt reikningshald, en þau eru
um 170 talsins. Upplýsingarnar eru
úr iðnaðargagnabanka sem tekur
þær saman og selur síðan orkufyr-
irtækjum, álframleiðendum og rík-
isstofnunum. Þegar Blaðið setti sig
í samband við fyrirtækið fengust
þær upplýsingar að áskriftin kost-
aði tæplega 900 þúsund krónur en
stæði ekki fjölmiðlum til boða, ein-
ungis þeim aðilum sem tengdust iðn-
aðinum með beinum hætti.
í þeim upplýsingum sem Blaðið
hefur undir höndum er einnig að
finna meðaltal þeirra upphæða sem
álrisarnir Alcan og Alcoa greiða
fyrir raforku álvera sinna, en þau
fyrirtæki reka álverin í Straumsvík
og á Reyðarfirði. Samkvæmt þeim
greiðir Alcan að meðaltali 20 dollara
á hverja keypta megavattstund, sem
samsvarar um 1,26 krónum á hverja
kílóvattstund. Alcoa greiðir um
sex til sjö dollurum hærra verð að
meðaltali á megavattstund, eða 1,67
krónur á hverja kílóvattstund. Vert
er að taka fram að þessar tölur end-
urspegla greiðslu fyrir orku vegna
álvera fyrirtækjanna alls staðar í
heiminum, ekki bara á íslandi.
f fyrrasumar birtist grein á heima-
síðu Alcoa þar sem haft var eftir
stjórnarmanni í fyrirtækinu að
orkuverð á íslandi væri helmingi
lægra en í Brasilíu. Þar var sagt að
megavattstund kostaði 30 dollara
í Brasilíu og því kostaði hún um 15
dollara hér á landi. Það gerir um 0,94
krónur á hverja selda kílóvattstund.
í grein sem Jóhannes Geir Sig-
urgeirsson, þáverandi stjórnarfor-
maður Landsvirkjunar, ritaði í
kjölfarið sagði hann þessar tölur al-
rangar. Þar sagði hann að miðað við
álverð síðasta árs væri orkuverð frá
Kárahnjúkavirkjun á bilinu 28 til 35
dollara á hvert selt megavatt. Það er
á bilinu 1,76 til 2,20 krónur og því
sambærilegt við það verð sem Norð-
urál er að fá frá OR.
Bjarni Bjarnason, framkvæmda-
stjóri orkusviðs Landsvirkjunar,
segir orkuverð til álvera hér á landi
vanalega vera svipað eða hærra en
meðaltalsverð á alþjóðamarkaði.
,Við getum ekki borið okkur saman
i stóriðjunni öðruvísi en alþjóðlega.
Orkuverð frá Landsvirkjun er um
eða yfir miðbik þess sem er í heim-
inum. Þannig að rafmagnsverð hjá
okkur til áliðnaðar er tiltölulega
hátt.“
Meðalorkuverð
I heimtnum
1,87 krónur —
anna sjáltra, ekkl verö
hverju orkutramleiöslu
landi fyrir slg. Þvl þykii
eðlílegt að stórlr álhrin
sem framlelða milljónii
tonna árlega, likt og
Alcan og Alcoa, séu mi
töluvert hagstæðara
verð en til dæmls Chor
sem framlelðir nokkur
hundruð þúsund tonn:
hverju ári.
"Meðalorkuverð tll ál-
vera I helminum er llkt
það er áætlað á árunut
2005 til 2008.
Meðalorkuverð til álvera í heiminum (verð í krónum fyrir kílóvattstund)
NYJAR VORUR
Jakkar
Stuttkápur
Sumarúlpur
\<#HI45IÐ
Mörkinni 6, Símí 588-5518
Opið virka daga frá kl. 10-18 og laugardaga frá kl. 10-16
Kæra Verkalýðsfélags Akraness a hendur Formaco:
Aðgerð gegn undirboðum
Lögreglan á Akranesi átti í gær
fund með fulltrúa Vinnumálastofn-
unar vegna kæru Verkalýðsfélags
Akraness á hendur Formaco. Jón
Karlsson hjá Vinnumálastofnun
sagði að verið væri að fara yfir gögn
málsins en vildi að öðru leyti ekki
gefa frekari upplýsingar um fram-
vindu mála.
Kæran snýr að vinnu nokkurra
Litháa á vegum Formaco. Vil-
hjálmur Birgisson, formaður Verka-
lýðsfélags Akraness, segir að Lithá-
arnir hafi starfað vítt og breitt um
landið án þess að hafa kennitölur
sem sé andstætt þeim lögum og
reglum sem gilda í landinu. „A
þessu verður að taka því fyrirtækið
hefur ekki borgað gjöld af þessum
starfsmönnum. Ef fyrirtæki ætla
í auknum mæli að haga sér með
þessum hætti, þá skekkir það klár-
lega samkeppnisstöðu annarra
fyrirtækja.“
Vilhjáímur segir það stefnu fé-
lagsins að taka á félagslegum undir-
boðum á íslenskum vinnumarkaði
og að kæran sé liður í því. Hann
segir að forráðamenn Formaco
hafi tjáð sér að Litháarnir séu ekki
á launaskrá hjá fyrirtækinu, heldur
séu launin greidd út til manna í Lit-
háen sem borgi þeim launin. Sjálfur
hefur Vilhjálmur rætt við Litháana
sem segjast fá laun sín greidd að
utan. „Við höfum ekkert fast í hendi
hvað er verið að borga þessum
mönnum. Svo þarf líka skoða atriði
eins og hvíldarákvæði og annað
sem því viðkemur.“
Erlendir verkamenn Kæra Verka-
lýösfélags Akraness beinist aö Lithá-
um sem starfa á vegum Formaco.
Ragnarjóhannsson.framkvæmda-
stjóri Formaco, sagði að málið væri
hjá lögfræðingi og vildi ekki tjá sig
um efnisatriði þess.