blaðið - 06.07.2007, Blaðsíða 12

12
FRETTIR
FÖSTUDAGUR 6. JÚLÍ 2007
blaðiö
í varðhald vegna áreitni
Loftslagshlýnun hefur áhrif á fiskistofna
Bleikjuleysi í Vífilsstaðavatni
Héraðsdómur Reykjavíkur úr-
skurðaði í gær karlmann á fertugs-
aldri í gæsluvarðhald til 13. júlí að
kröfu lögreglunnar á höfuðborgar-
svæðinu vegna gruns um að hann
hefði áreitt fjórar stúlkur á aldr-
inum 6 til 11 ára kynferðislega.
Maðurinn var handtekinn í Breið-
holti í fyrrakvöld þar sem hann
hafði lokkað til sín börn með því að
nota hamstra til að sýna þeim.
Maðurinn hefur ekki komið við
sögu lögreglu áður en talið er að
hann sé andlega vanheill. Gæslu-
varðhaldskrafan var sett fram
vegna rannsóknarhagsmuna. Engar
játningar liggja fyrir.
mbl.is
Veiðimenn í Vífilsstaðavatni
kvarta undan því að lítið annað
en smásíli bíti á agn þeirra og sér-
staklega hefur bleikjuleysi gert
vart við sig. Erla Bil Bjarnardóttir,
garðyrkjustjóri Garðabæjar, er um-
sjónarmaður vatnsins. Aðspurð
um bleikjuleysi í vatninu segir Erla
að yfirleitt sé minni veiði í því um
miðsumar. „í Vífilsstaðavatn hefur
aldrei verið sleppt óviðkomandi
fiskistofnum en það er mælt með
því við bæjarfélagið að láta veiða úr
vatninu til þess að halda jafnvægi.“
Erla segir jafnframt að verið sé að
vinna að því að friðlýsa vatnið.
„Almennt séð hefur bleikjan verið
að láta undan síga,“ segir Sigurður
Már Einarsson, fiskifræðingur og
deildarstjóri Veiðimálastofnunar,
um bleikjuleysi á landsvísu. „Til að
mynda er bleikjan 5% af fiskum í
vötnum í Svínadal sem hún var 95%
af fyrir 15 árum.“
Sigurður Már segir að hugsanlega
hrekist bleikjan burt vegna loftslags-
hlýnunar. „Hún er fiskur sem vill
vera í köldu vatni og plumar sig ein-
faldlega ekki eins vel þegar hlý tíma-
bil koma.“
bjorg@bladid.net
Ferðamaður
sviptur leyfinu
Lögreglan á Akureyri stöðv-
aði ítalskan ferðamann á
fimmtugsaldri í gær fyrir
ofsaakstur. Maðurinn mældist
á 171 km hraða í Hörgárdal.
Hann var látinn greiða 112.500
króna sekt á staðnum og var
jafnframt sviptur ökuleyfinu.
Að sögn lögreglu gátu ferðafé-
lagar hans tekið við akstrinum.
Bílstjórinn mun ekki hafa
verið sériega óánægður með
að þurfa að borga sektina,
en öllu verra fannst honum
að sögn lögreglu að missa
ökuskírteinið.
mbl.is
Dæmdur fyrir
dópsölu
Karlmaður var í gær dæmdur
til þess að greiða 142.500
króna sekt eða sæta tíu daga
fangelsi fyrir að hafa haft í
fórum sínum 14,94 grömm
af amfetamíni á Þjóðhátíð í
Vestmannaeyjum.
Nýtt þorp rís í haust
■ Leikskóli, verslun og kaffihús fyrir íbúana á gamla vamarsvæðinu á Keflavíkurflugvelli
■ Risafyrirtækin Yahoo og Microsoft skoða möguleika á gagnageymslum
Eftir Ingibjörgu B. Sveinsdóttur
ingibjorg@bladid.net
„Það þarf að þróa ákveðna þjón-
ustu á svæðinu í kringum náms-
mannaíbúðirnar og koma á lagg-
irnar leikskóla, verslun, kaffihúsi og
fleira í þeim dúr. Það er meiningin
að þetta verði allt komið í gagnið í
haust,“ segir Kjartan Þór Eiríksson,
framkvæmdastjóri Þróunarfélags
Keflavíkurflugvallar, um þær fram-
kvæmdir sem standa fyrir dyrum
í sumar á því svæði á Keflavíkur-
flugvelli sem áður var varnarsvæði.
Auglýstar hafa verið til leigu 300
námsmannaíbúðir á svæðinu en
umsóknir voru rúmlega 300. Kanna
á hvort hægt verði að fjölga leigu-
íbúðunum sem verða bæði fyrir
námsmenn á vegum háskólans sem
tekur til starfa þar í haust og há-
skólanema utan svæðisins.
Stefnt er að því að á svæðinu verði
þekkingarsamfélag og þjónusta við
það, að sögn Kjartans. „Þetta skýr-
ist betur á næstu misserum. Það eru
í gangi samningaviðræður um sölu
á ákveðnum byggingum vegna upp-
byggingar í tengslum við þekkingu
og fleira í þeim dúr. í öðru tilvikinu
er um íslenska aðila að ræða og í
hinu um bæði íslenska og erlenda
aðila.“
Kjartan segir risafyrirtækin Ya-
hoo og Microsoft enn vera að hugsa
sinn gang en fulltrúar fyrirtækj-
anna komu hingað fyrir nokkrum
vikum til að kanna möguleikana á
að koma upp gagnageymslu á svæð-
inu. „Þeir eru núna að skoða fleiri
staði en ísland. Við markaðssetn-
ingu á svæðinu leggjum við áherslu
á nálægðina við flugvöllinn og
orkuna sem við getum boðið. Víða
um heim er takmarkað rými til
STAÐREYNDIR
► Markmið og tilgangur
Þróunarfélags Keflavíkur-
fiugvallar er að leiða þróun
og umbreytingu á fyrrum
varnarsvæðinu á Keflavíkur-
flugvelli.
► Hlutafélagið Keilir var
stofnað f maí síðastliðnum
um miðstöð vísinda, fræða
og atvinnulífs á Keflavíkur-
flugvelli.
uppbyggingar við flugvelli en við
höfum mikið landrými til frekari
þróunar. Sú staðreynd vekur áhuga
margra. Þar að auki erum við með
orkuver í túnfætinum. Héðan eru
bara 15 km í næstu virkjun," bendir
Kjartan á.
Mörg tilboð bárust í vöruhús og
flugskýli sem auglýst voru til sölu
fyrr á árinu, að sögn Kjartans. „Til-
boðin voru með tilliti til svipaðrar
starfsemi og er fyrir, það er dæmi-
gerðs iðnaðar og þjónustustarfsemi.
Sumir höfðu áhuga á tengingu
við háskólann og aðstöðu fyrir ný-
sköpun og fleira í þeim dúr.“
Viðræður milli íslenskra yfir-
valda og NATO um sambærilega
yfirfærslu á eignum og var á
eignum bandaríska hersins hefjast
mögulega í haust, að þvi er Kjartan
greinir frá. „Það eru nokkrar bygg-
ingar innan flugsvæðisins, flugskýli
og fleira, enn í eigu Nató og einnig
nokkrar innan okkar starfsvæðis,
vöruskemmaogskrifstofubyggingar.
Meirihluti bygginganna er hins
vegar kominn í eigu íslendinga.“
ÞEKKIRÞÚTIL?
Hringdu í síma 510 3700 eða
sendu póst á bladid@bladid.net
Það sem hafa ber í huga varðandi andlát og útför
Sverrir Einarsson Hcrmann Jónasson Geir Harðarson Bryndís Valbjamardóttir
ÚTFARARSTOFA ÍSLANDS
Suðurhlíð 35 Fossvogi • www.utforin.is
Vaktsími: 581 3300 & 896 8242 • Sólarhringsvakt
Komum heim tii aðstandenda ef óskað er
Kistur • Krossar • Sálmaskrár • Duftker • Blóm • Fáni • Gestabók • Erfidrykkja • Prestur
Kirkja • Legstaöur • Tónlist • Tilkynningar í fjölmiðla • Landsbyggðarþjónusta • Líkflutningar
Álftanesvegi breytt í vinnusvæði
Námuvinnsla við veg er síðasta sort
Yfir Álftanesvegi liggur ryk-
mökkur þegar vel viðrar vegna grjót-
vinnslu og stórtækar vinnuvélar sem
teppa umferð eru þar daglegt brauð
segir Guðmundur G. Gunnarsson
sem situr í bæjarstjórn Álftaness.
„Mér finnst rosalegt að verktakar
Garðabæjar skuli einfaldlega merkja
fjölfarinn veginn sem vinnusvæði,
og ekki gera neinar ráðstafanir til að
beina umferð eitthvert annað. Um
veginn fara ekki bara Álftnesingar,
heldur einnig Garðbæingar og Hafn-
firðingar sem búa í norðurhluta bæj-
arins,“ segir Guðmundur.
Eins og sjá má á myndinni hér að
ofan eru vinnvélar staðsettar upp
við veginn og mylja grjót sem notað
er til uppfyllingar. „Það ekkert óeðli-
legt við sjálfa vegagerðina, en að vera
með hálfgerða námuvinnslu ofan
í veginum finnst mér alveg síðasta
sort, og ég er ekki einn um þá skoðun.
Og ekki bætir úr skák að þetta skuli,
eins og reyndar viðar, vera illa merkt
í ofanálag," segir Guðmundur.
hlynur@bladid.net