blaðið - 06.07.2007, Blaðsíða 20

ÖSTUDAGUR 6. JÚLí 20U7
bíaúið
LÍFSSTÍLLHELGIN
helgin@bladid.net
Við ætlum að sjá til þess að allir
gestir írskra daga muni eiga
ánægjulegar stundir á Skaganum
um helgina.
UMHELGINA
írskir dagar á Akranesi
miklum fjölda í ár þar sem veður-
guðirnir virðast ætla að vera okkur
hliðhollir. Það er nýbúið að gera
tjaldsvæðið upp og við getum tekið
á móti fleiri hundruð manns,“ segir
Tómas.
Mikil gæsla
Mikil gæsla verður á Akranesi
meðan á hátíðinni stendur. „Það
hefur oft loðað við svona hátíðir að
eftir að skipulagðri dagskrá lýkur
taki við gleðskapur ungmenna. Við
leggjum mikla áherslu á að hérna
verði ekkert unglingafyllirí og
ætlum að koma í veg fyrir svoleiðis
uppákomur með góðri og skipu-
AKRANES
- Akranes fékk kaupstaðar-
réttindi árið 1942.
W. Strætó gengur á milli Akra-
ness og Reykjavíkur.
6123 íbúar eru á Akranesi.
lagðri gæslu. Við ætlum að sjá til
þess að allir gestir írskra daga eigi
ánægjulegar stundir á Skaganum
um helgina," segir Tómas og bætir
við að frítt sé á alla viðburði nema
Lopapeysuballið.
• Akureyri I Ketilhúsinu verða
haldnir föstudagshádegistón-
leikar með Hlöðver Sigurðssyni
tenór, Þórunni Marinósdóttur
sópran og Antoníu Hevesi pí-
anóleikara. Tónleikarnir hefjast
klukkan 12.00.
• Snæfellsjökul! Helgiganga
undir jökli dagana 6.-7. júlí.
Gangan er á vegum þjóðgarðsins
Snæfellsjökuls og Ingjaldshóls-
kirkju. Leiðsögumenn verða
með í för.
• Jet Black Joe Á laugardaginn
mun stórhljómsveitin Jet Black
Joe troða upp á Gauknum. Ballið
byrjar klukkan 23.00.
• Goslokahátíð Eyjamenn
halda goslokahátíð um helgina.
Hátíðin hefst á föstudag og lýkur
á sunnudag. Boðið verður upp á
fjölskyldudagskrá alla helgina.
• Bolungarvík Markaðsdagar
verða á Bolungarvík um helgina.
Sölubásar, tónleikar og dans-
leikir eru meðal þess sem boðið
verður upp á.
• Players Gleðisveitin Grei-
farnir mun spila á Players á
föstudagskvöldið. Dansleikur-
inn byrjar klukkan 23.00.
• Fornleifaskóli Börnum á
aldrinum 6-12 ára gefst tækifæri
til að reyna fyrir sér í hlutverki
fornleifafræðinga. Þetta hefst
klukkan 13.00 við Furulund á
Þingvöllum.
• Stykkishólmur Sumartón-
leikaröð í Stykkishólmskirkju.
TRES-Tríó Reynis Sigurðssonar
leikur frábæran djass, grípandi
tangó og suðræna sveiflu. Tón-
leikarnir eru á sunnudaginn og
hefjast kl 16.00.
• Metalkvöld Helstu þunga-
rokkshljómsveitir landsins
munu leiða saman hesta sína
í allsherjar metalkvöldi á
Gauknum. Tónleikarnir eru í
kvöld og hefjast klukkan 22.00.
Ekkert unglingafyllirí
Akranesbær býður upp
á hátíð sem ber yfirskrift-
ina írskir dagar. Hátíðin er
haldin í sjöunda sinn um
helgina.
Eftir Lovísu Hilmarsdóttur
lovisa@bladid.net
Irskir dagar á Akranesi verða
haldnir í sjöunda skipti í ár og
hefur hátíðin vaxið og dafnað
með hverju árinu. Gestum fer stöð-
ugt fjölgandi og á síðasta ári var
algjört metár hvað það varðar. I
ár ætla Skagamenn að leggja enn
meiri áherslu á afþreyingu fyrir
alla fjölskylduna. Að sögn Tómasar
Guðmundssonar, markaðs- og at-
vinnufulltrúa Akranesbæjar, hefur
umfang hátíðarinnar tvöfaldast á
milli ára. „Áherslurnar eru með
aðeins breyttu sniði þetta árið. Við
ætlum að virkja gestina. Flestir við-
burðir miðast við að fólk taki þátt í
þeim frekar en að standa og horfa á.
Með þessum breytingum erum við
að gera hátíðina meira lifandi og eft-
irminnilegri fyrir fólk. Miðbærinn
verður miðpunktur hátíðarinnar
í ár, aðalgatan verður lokuð og þar
mun fara fram skipulögð dagskrá.
Einnig verður mikið um að vera á
Langasandi og á íþróttaleikvöllum,"
segir Tómas.
Rauðhærðasti íslendingurinn
Tómas segir að landsþekktir lista-
menn muni skemmta í bland við
leiki og ýmsa aðra afþreyingu. Það
verður skipulögð dagskrá víðs vegar
um bæinn alla helgina, körfubolta-
mót fyrir ömmur, þyrluútsýnisflug,
sandkastalakeppni, leikjadagur og
kvöldvaka með Stuðmönnum svo
eitthvað sé nefnt. Sú hefð hefur
myndast að á hverju ári er valinn
rauðhærðasti Islendingurinn og
myndast alltaf skemmtileg stemn-
ing í kringum það. Hápunktur há-
tlðarinnar er á laugardagskvöldinu
þegar hið svokallaða Lopapeysu-
ball verður haldið á bryggjunni.
Þar munu Bubbi Morthens, Raggi
Bjarna og Buffið skemmta fólki
fram eftir nóttu.
Brottfluttir Skagamenn
Að sögn Tómasar eru brottfluttir
Skagamenn meirihluti gesta á há-
tíðinni. „Þessi hátíð er mikið sótt
af brottfluttum Skagamönnum, en
það hefur aukist til muna að gestir
komi alls staðar að af landinu. Bæj-
arfélagið tvöfaldast á meðan hátíðin
stendur yfir og við búumst við
sv*-

Kátína á írskum dögum „Flestir
viðburðir miðast að því að fólk taki þátt
í þeim frekar en að standa og horfa á.“
Þjóðlagahátíð á Siglufirði
Þjóðlagahátíðin á Siglufirði er
alhliða tónlistarhátíð sem á rætur
sínar i þjóðlagaarfinum. Hátíðin
hefur verið haldin frá árinu 2000
og hana sækja hundruð innlendra
og erlendra gesta. Á hátíðinni hefur
tónlist fjölmargra þjóða verið kynnt.
Gestir munu meðal annars koma frá
Armeníu og kvnna þjóðlagatónlist
sína. Ingibjörg Ásgeirsdóttir er i hópi
aðstandenda hátíðarinnar og hún
segir hana verða vinsælli með hverju
árinu. „Hátíðin byrjaði á miðvikudag-
inn og mun standa fram á sunnudag.
Yfirskrift hátíðarinnar í ár er Rlma og
koma kvæðamenn á alla tónleika og
kveða rímur. Auk tónleika er boðið
upp á fjölmörg námskeið, bæði í tón-
list og handverki, gömlu og nýju. I
ár er boðið upp á sérstakt námskeið
í gyðingatónlist. Við verðum með
glímunámskeið í fyrsta skipti, þar
sem gestum er boðið upp á að kynn-
ast íslenskri glímu,“ segir Ingibjörg.
Aðspurð segir Ingibjörg að tilgangur
hátíðarinnar séað hvetja til varð-
veislu íslenskra þjóðlaga, stuðla að ný-
sköpun íslenskrar tónlistar og varpa
ljósi á menningararf íslendinga og
annarra þjóða. I gegnum árin höfum
við fengið gesti víðsvegar að úr heim-
inum sem hafa sett skemmtilegan
svip á hátíðina,” segir Ingibjörg og
bætir við að reynt sé að höfða til allra
fjölskyldunnar á þjóðlagadögum.

j Þjóðlagasetrið á Siglufirði Ymislegt
I verður í boði á þjóðlagahátið, meðal
i annars glímunámskeið og gyðingatónlist
—.__________iii-:.,
• Gljúfrasteinn Hafdís Vigfús-
dóttir flautuleikari og Kristján
Bragason píanóleikari munu
spila á stofutónleikum á Gljúfra-
steini. Tónleikarnir eru á sunnu-
daginn og hefjast klukkan 16.00.
LÁTTU VITA
Hringdu í síma 510 3700 eða
sendu póst á bladid@bladid.net
+