blaðið - 17.07.2007, Blaðsíða 9

blaðiö
ÞRIÐJUDAGUR 17. JÚLÍ 2007
FRÉTTIR
9
Vantar heildstæða löggjöf
um beina markaðssetningu
■ Opinberar stofnanir þurfa ekki að leita samþykkis fyrir því að selja persónugreinanlegar upplýsingar
Eftir Hlyn Orra Stefánsson
hlynur@bladid.net
Opinberum stofnunum er heimilt
að afhenda fyrirtækjum upplýsingar
um einstakling til notkunar við beina
markaðssetningu, að uppfylltu því
skilyrði að honum sé gefinn kostur
á að hreyfa við því andmælum. Tals-
maður neytenda gagnrýnir að ekki
skuli vera gerð krafa til stofnana
að leita samþykkis áður en þær af-
henda persónugreinanleg gögn, og
segir skort á heildrænum reglum um
beina markaðssetningu.
Þurfa ekki samþykki
Fasteignamat ríkisins selur fyrir-
tækjum upplýsingar úr Landskrá fast-
eigna til notkunar við beina markaðs-
setningu. Byggingavöruverslanir á
borð við Byko og Húsasmiðjuna hafa
meðal annars notfært sér upplýsing-
arnar til að senda nýjum fasteignaeig-
endum auglýsingar.
Særún María Gunnarsdóttir, lög-
fræðingur hjá Persónuvernd, segir
meginregluna vera þá að stofnun
skuli ekki afhenda þriðja aðila per-
sónugreinanlegar upplýsingar um
einstakling án þess að vekja athygli
hans á því að það kunni að verða gert,
og gefa honum kost á að hreyfa áður
við því andmælum.
Haukur Ingibergsson, forstjóri
Fasteignamats ríkisins, segir stofn-
unina verða við þeirri kröfu Persónu-
verndar. „Við sendum í upphafi hvers
árs tilkynningar til fasteignaeigenda
um fasteigna- og brunabótamat,
þar sem einnig er vakin er athygli
á því að ýmiss konar úrtakslistar
séu unnir úr Landskrá fasteigna, og
að hægt sé að skrá sig á bannlista
þannig að viðkomandi sé ekki getið
á úrtakslistunum.“
Skortur á almennum lögum
„Ég hef lagt til að almenna reglan
verði sú að það þurfi samþykki fyrir
því að upplýsingar um einstakling
verði notaðar til beinnar markaðs-
setningar, frekar en að krafa sé á
eintaklingnum um að hann hreyfi
andmælum vilji hann ekki að upplýs-
ingar um sig verði notaðar til slíkra
BEIN MARKAÐSSETNING
W. Þrír lagabálkar eiga að
^ tryggja að upplýsingar
um fólk séu ekki notaðar
í beinni markaðssetningu
gegn vilja þess: 14. gr. laga
nr. 46/2000 um húsgöngu
og fjarsölusamninga, 28.
gr. laga nr. 77/2000 um per-
sónuvernd og meðferð per-
sónuupplýsinga og 46. gr.
fjarskiptalaga nr. 81/2003.
Þrenn stjórnvöld hafa
eftirlit með því að lögum
þessum sé framfylgt:
Póst- og fjarskiptastofnun,
Persónuvernd og viðskipta-
ráðuneytið.
aðgerða,“ segir Gísli Tryggvason, tals-
maður neytenda.
Gísli gagnrýnir skort á heildrænu
regluverki um markpóst og persónu-
miðaða markaðssetningu. „Þrenn
mismunandi stjórnvöld hafa eftirlit
með því að lögum sé framfylgt sem
fjalla um rétt einstaklinga til að njóta
verndar gegn því að númer þeirra og
vistföng séu notuð í tengslum við
markaðssetningarstarfsemi gegn
vilja þeirra, en það eru Póst- og fjar-
skiptastofnun, Persónuvernd og
viðskiptaráðuneytið."
Gísli segir að af þessu leiði að óvissa
ríki um hvaða reglur gildi í þessum
efnum, og til hvaða stjórnvalds neyt-
endum ber að beina kvörtunum
sínum telji þeir á sér brotið. „Eðlilegra
væri að tekið væri á þessu í almennum
lögum um markaðssetningu, í stað
þess að það gildi ein regla um póst,
önnur um fasteignamat, þriðja um
gsm-síma, og svo framvegis.“

AUGLÝSING
Bláskógabyggð, Grímsnes- og Grafningshreppi, Hrunnamannahreppi,
Skeiða- og Gnúpverjahreppi og Fióahreppi
Samkvæmt 1 .mgr. 25.gr. skipulags- og byggingarlaga nr. 73 1997 er auglýst niðurstaöa sveitarstjórnar varðandi
eftirfarandi deiliskipulagsáætlanir:
1 Skálabrekka í Þingvallasveit, Bláskógabyggð. Deiliskipulag frístundabyggðar.
Sveitarstjórn Bláskógabyggðar samþykkti þann 3. október 2006 tillögu að deiliskipulagi frístundabyggðar í landi
Skálabrekku í Þingvallasveit. Athugasemdir bárust á kynningartíma og vegna þeirra voru gerðar þær breytingar að
tvær lóðir féllu út, sett voru inn ákvæði um hámarks nýtingarhlutfall auk breytinga varðandi fyrirkomulag fráveitna.
Deiliskipulagið nær yfir 36 ha svæði og er þar gert ráð fyrir 24 frístundahúsalóðum. Deiliskipulagið hefur verið afgreitt
af Skipulagsstofnun og mun auglýsing um gildistöku þess birtast í B-deild stjórnartíðinda á næstu dögum. Eldra
deiliskipulag sem samþykkt var 10. janúar 2005 fellur úr gildi við gildistöku deiliskipulagsins.
2 Ásgarður í Grímsnes- og Grafningshreppi. Giljatunga/Borgarbrún, 2. áfangi frístundabyggðar.
Sveitarstjórn Grímsnes- og Grafningshrepps samþykkti þann 7. júní 2007 deiliskipulag 2. áfanga frístundabyggðar í
landi Ásgarðs, svæði sem kallast Giljatunga/Borgarbrún. Athugasemdir bárust á kynningartímanum og vegna þeirra
var gerð sú breyting á skipulagstillögunni að lóðum fækkaði úr 62 í 55, stærð lóða breyttist lítillega auk breytinga
varðandi fráveitur. Deiliskipulagið hefur verið afgreitt af Skipulagsstofnun og mun auglýsing um gildistöku þess birtast
í B-deild stjórnartíðinda á næstu dögum.
3 Minni-Borg í Grímsnesi, Grímsnes- og Grafningshreppi. Lyngborgir, frístundabyggð.
Sveitarstjórn Grímsnes- og Grafningshrepps samþykkti þann 26. október 2006 tillögu að deiliskipulagi frístunda-
byggðarinnar Lyngborgir í landi Minni-Borgar. Athugasemdir sem bárust eftir kynningartíma voru teknar fyrir í sveit-
arstjórn en ekki var talin ástæða til að gera breytingar á deiliskipulaginu. Deiliskipulagið hefur verið afgreitt af Skipu-
lagsstofnun og mun auglýsing um gildistöku þess birtast í B-deild stjórnartíðinda á næstu dögum.
4 Nesjar í Grafningi, Grímsnes- og Grafningshreppi. Réttarháls 7
Sveitarstjórn Grímsnes- og Grafningshrepps samþykkti þann 7. júní 2007 breytingu á deiliskipulagi frístundabyggðar í
landi Nesja í Grafningi. Athugasemdir bárust á kynningartíma en breytingin var þó samþykkt óbreytt. Deiliskipulagið
hefur verið afgreitt af Skipulagsstofnun og mun auglýsing um gildistöku þess birtast í B-deild stjórnartíðinda á næstu
dögum.
Pétur Ingi Haraldsson
Skipulagsfulltrúi uppsveita Árnessýslu