blaðið - 17.07.2007, Blaðsíða 10

10
FRETTIR
ÞRIÐJUDAGUR 17. JULI 2007
blaðiö
Einar Oddur
Kristjánsson látinn
Baldvin Hall-
dórsson látinn
Baldvin Halldórsson, leikari og
leikstjóri, er látinn á 8;. aldurs-
ári. Hann var einn ástsælasti
leikari þjóðarinnar og helgaði
Þjóðleikhús-
inu ævistarf
sitt, þar sem
hann lék
nærri 200
hlutverk frá
1950 til 1992.
Hann var
einn helsti
leikstjóri
Þjóðleikhússins 1955 til 1978 og
afkastamikill leikari í útvarpi,
sjónvarpsverkum og kvik-
myndum. Baldvin fæddist á Arn-
gerðareyri við ísafjarðardjúp 23.
mars 1923. Hann lætur eftir sig
eiginkonu, Vigdísi Pálsdóttur
og þrjú uppkomin börn.
Einar Oddur Kristjánsson, þing-
maður Sjálfstæðisflokksins, varð
bráðkvaddur þegar hann var í fjall-
göngu á Kaldbaki í Dýrafirði ásamt
hópi manna um hádegisbil síðastlið-
inn laugardag.
Einar Oddur fæddist á Flateyri
26. desember 1942. Hann var fram-
kvæmdastjóri Fiskiðjunnar Hjálms
1968 til 1993 og Útgerðarfélags Flat-
eyrar 1974 til 1993. Hann var formaður
Vinnuveitendasambands íslands
1989 til 1992 og einn aðalhöfundur
hinnar svonefndu þjóðarsáttar.
Einar Oddur var skrifstofumaður
1961-1965 og póstafgreiðslumaður
1965-1968. Kann varð síðar fram-
kvæmdastjóri Fiskiðjunnar Hjálms
hf., Stjórnarformaður Hjálms hf.,
Vestfirsks skelfisks hf. og Kambs hf.
I hreppsnefnd Flateyrarhrepps 1970-
1982. í stjórn Vinnuveitendafélags
Vestfjarða síðan 1974. I varastjórn
Sölumiðstöðvar
hraðfrystihús-
anna 1983-1989, í
aðalstjórn 1989-
1994. Stjórnarfor-
maður Vélbáta-
útgerðarfélags
ísfirðinga síðan
1984.
Einar Oddur
var fyrst kjörinn á þing 1995, en
hafði áður gegnt fjölmörgum trúnað-
arstörfum fyrir Sjálfstæðisflokkinn.
Hann var þingmaður Vestfjarða og
síðar Norðvesturkjördæmis allt til
dauðadags.
Einar Oddur var 64 ára og lætur
eftir sig eiginkonu, Sigrúnu Gerðu
Gísladóttur, og þrjú uppkomin börn.
Stoliðog
skemmt í HI
■ Flatskjám rænt og rótað í skjölum
Rán var framið í launadeild Að-
albyggingar Háskóla íslands um
síðustu helgi. Glerhurð var brotin,
gögnum rótað upp og nokkrir tölvu-
skjáir og tölvuhlutir fjarlægðir. Að
sögn lögreglu voru engin merki um
innbrot en svo virðist sem hurð bak-
dyramegin í húsinu hafi verið úr lás á
sunnudagskvöld er ránið var framið.
„Öryggisvörður tók eftir ólæstri
hurð bakatil í húsi aðalbyggingar-
innar á sunnudagskvöld og tilky nnti
það strax til lögreglu. Einhver hafði
verið á ferð um bygginguna og
rótað til í skrifstofum," segir Björg-
vin Björgvinsson hjá Lögreglunni á
höfuðborgarsvæðinu.
Skúli Júlíusson, rekstrarstjóri
fasteigna háskólasvæðisins, segir að
ekki enn sé vitað hver hafi verið að
verki, þar sem engar öryggismynda-
vélar séu á svæðinu.
„Fimm 19 tommu flatskjám og
einni tölvu var rænt, tölva var
eyðilögð og átt var við eitthvað af
gögnum. Þar að auki var brotin
rúða á ganginum."
Skúli segir að innbrot séu fremur
fátíð á háskólasvæðinu en þetta sé
það þriðja frá því í vor.
„í kjölfar atviksins munum við
herða öryggisatriði, fjölga mönn-
uðum vöktum og koma upp almenni-
legum öryggismyndavélum.“
Málið er í rannsókn hjá lögreglu.
bjorg@bladid.net
Norðvesturkjördæmi
Herdís tekur sæti
Herdís Þórðardóttir, fiskverkandi
á Akranesi, mun væntanlega taka
sæti á Alþingi fyrir Sjálfstæðisflokk-
inn í Norðvesturkjördæmi í stað Ein-
ars Odds Kristjánssonar sem lést
um helgina. Herdís skipaði fjórða
sæti á lista sjálfstæðismanna í kjör-
dæminu fyrir alþingiskosningarnar
í vor.
Herdís er fædd 1953, lauk gagn-
fræðaprófi og sjúkraliðanámi og
starfar nú við
eigið fiskverk-
unarfyrirtæki
á Akranesi.
Eiginmaður
Herdísar er
Jóhannes Sig-
urður Ólafsson
fiskverkandi
og eiga þau
fjögur börn og fimm barnabörn.
Verð frá 2.790 þús.
Kíktu á suzukibilar.is
SUZUKI BILAR HF.
Skeifunni 17. Sími 568 5100
er lífsstill!