blaðið - 17.07.2007, Blaðsíða 12

12
ÞRIÐJUDAGUR 17. JÚLÍ 2007
blaðið
blaói
Útgáfufélag:
Ritstjóri:
Fréttastjórar:
Ritstjórnarf ulltrúi:
Árvakur hf.
ÓlafurÞ.Stephensen
Gunnhildur Arna Gunnarsdóttir
Þröstur Emilsson
Elín Albertsdóttir
ódýrt húsnæði?
Blaðið sagði frá því síðastliðinn föstudag að um þúsund manns væru á
biðlista eftir félagslegum íbúðum á höfuðborgarsvæðinu. Jóhanna Sigurð-
ardóttir félagsmálaráðherra sagði í samtali við Blaðið á laugardaginn að
,neyðarástand“ væri hjá þeim, sem hefðu lágar tekjur eða væru að kaupa
sína fyrstu íbúð. Fólk með lágar tekjur ætti einfaldlega ekki þær 4-5 millj-
ónir, sem þyrfti til að borga útborgun í lítilli íbúð.
Félagsmálaráðherra benti jafnframt á að ákveðinn hópur, sem hefði
lágar tekjur og ætti litla peninga, ætti sér hvergi stað á húsnæðismark-
aðnum. „Þessi hópur fær hvergi leiguíbúðir, ekki félagslegar íbúðir né lána-
fyrirgreiðslu sem hentar honum. Eg held að það sé eitt stærsta verkefnið á
sviði velferðarmála að bæta stöðu þessa hóps.“
Óhætt er að taka undir það með ráðherranum að brýnt er að bæta stöðu
fólks, sem á í raun hvergi aðgang að húsnæði. Jóhanna hefur nú sett af stað
nefnd, sem hefur það verkefni að „efla félagslega þátt húsnæðiskerfisins“.
í samtalinu við Blaðið útilokar hún ekki að tekið verði upp einhvers konar
félagslegt húsnæðiskerfi á nýjan leik, þótt það yrði þá í breyttri mynd.
Það er lítil eftirsjá að gamla félagslega húsnæðiskerfinu. Kostir þess
voru vafalaust einhverjir, en gallarnir voru risavaxnir. Kerfið var nánast
búið að ríða ýmsum sveitarfélögum úti á landi á slig og það var ekki aðeins
af því að þau hefðu misreiknað sig þegar þau keyptu íbúðir, eins og félags-
málaráðherra heldur fram. Sömuleiðis komu upp ýmis dæmi um að fólk
lokaðist inni í félagslega kerfinu; gat hvorki komizt út á almennan húsnæð-
ismarkað né stækkað við sig innan kerfisins.
Sú lausn, sem ungt fólk og tekjulágt þarf á húsnæðismarkaðnum, þarf
ekki að vera „félagsleg". Það þarf ekki að vera íbúð, sem sveitarfélag á og
rekur. Það getur alveg eins verið íbúð í eigu húsnæðisfélags, fyrirtækis eða
einstaklings, sem er einfaldlega nógu ódýr til að lágtekjufólk hafi efni á
henni.
Þótt séreignarstefnan í húsnæðismálum hafi verið í hávegum höfð hér á
landi, meðal annars í gamla félagslega húsnæðiskerfinu, er alveg ljóst að
ein ástæða þess að ákveðinn hópur er útundan í húsnæðiskerfinu er sú að
hér á landi er alltof lítið til af góðu, ódýru leiguhúsnæði.
Nefnd félagsmálaráðherra ætti því að skoða þann möguleika að ýta undir
að samtök, fyrirtæki og einstaklingar byggi leiguíbúðir, sem geti leyst vand-
ann á húsnæðismarkaðnum. Nefndin getur leitað í smiðju til Alþýðusam-
bandsins, sem hefur lagt til að greiddir verði stofnstyrkir til félaga, lífeyris-
sjóða, fyrirtækja eða einstaklinga, sem vilja byggja og reka leiguhúsnæði.
Það er mun ríkari ástæða til að nýta kosti einkaframtaksins við að leysa
húsnæðisvandann en til að byggja upp dýrt og flókið félagslegt kerfi á nýjan
leik.
Ölafur Þ. Stephensen
Auglýsingastjóri: Steinn Kári Ragnarsson Ritstjórn & auglýsingar: Hádegismóum 2,110 Reykjavík
Aðalsími: 510 3700 Símbréf á fréttadeild: 510 3701 Símbréf á auglýsingadeild: 510 3711
Netföng: bladid@bladid.net, frettir@bladid.net, auglysingar@bladid.net
Prentun: Prentsmiðja Morgunblaðsins
Háþrýstidælur
Vinnuþjarkar ætlaðir til
daglegra nota
HD 6/16-4 MX
■ Vinnuþrýstingur ■ Stillanlegur úði
30-160 bör ■ Sápuskammtari
■ 230-600 Itr/klst ■ Túrbóstútur + 50%
■ 15 m slönguhjól
■
HD 10/25-4 S
■ Vinnuþrýstingur ■ Stillanlegur úði
30-250 bör ■ Sápuskammtari
■ 500-1000 Itr/klst ■ Túrbóstútur + 50%
SKEIFAN 3E-F • SÍMI 581-2333 ■ FAX 568-0215 • WWW.RAFVER.IS
Bjargvætturinn að vestan
Með ótímabæru fráfalli Einars
Odds Kristjánssonar alþingismanns
er horfinn af vettvangi stjórnmál-
anna einn litríkasti og áhrifamesti
stjórnmálaforingi okkar. Bjargvætt-
urinn að vestan var gælunafn sem
fylgdi honum frá tímum þjóðarsáttar
og hæfði vel höfðingjanum
Einar Oddur var einkar skemmti-
legur maður og var ég svo heppinn að
kynnast honum ágætlega síðastliðin
átta ár sem ég hef haft Alþingi sem
vinnustað og var okkur vel til vina.
Hann var bæði vinsæll og vel metinn
af kollegum sínum. Fínn og frum-
legur ræðumaður sem fór eigin leiðir
óháð flokkslínum og meirihlutaáliti
hverju sinni. Sérstaklega átti það við
í byggðamálum þar sem Einar Oddur
stóð vaktina af miklu kappi.
Ég dáðist oft að málflutningi hans
í byggðamálum og ekki síst ástríðu
hans fyrir raunverulegum bótum
fyrir byggðir landsins. Og það eru
þau mál sem sjónir beinast að um leið
og virðing er vottuð stjórnmálaferli
Einars Odds og aðstandendum hans
sendar innilegar samúðarkveðjur.
Bjargráð í byggðamálum
Nú sem aldrei fyrr er þörf öflugra
bjargráða í byggðamálum. Þorsk-
brestur, samdráttur og fólksfækkun
eru að leika mörg svæði landsbyggð-
arinnar grátt um leið og þau svæði
styrkjast sem eru í cirka 100 kíló-
metra radíus út frá Reykjavík. Við
þessu er nú verið að bregðast með
myndarlegum hætti af stjórnvöldum
og ástæða til að taka grundvallarum-
ræðu um sjónarmið og markmið í
byggðamálum.
Byggðamálaráðherra hefur kynnt
metnaðarfull markmið í byggða-
málum og samgönguráðherra hefur
sýnt á kortin í mótvægisaðgerðum
vegna aflasamdráttar. Þessir ráð-
herrar munu leiða byggðaumræð-
una á næstu misserum og fara vel af
stað: Efla grunngerðina, vegina, sam-
göngur á sjó, fjarskiptin, menntunar-
möguleika og Byggðastofnun.
Það er meginmálið. Gera grunn-
gerðina áþekka og samkeppnisfæra
við það sem best gerist annarsstaðar.
Háhraðanet í dreifbýlið, gsm-sam-
band allan hringinn, stóraukið
aðgengi að fjarnámi og mennta-
Björgvin G. Sigurðsson
stofnunum og sífellt vistun starfa
án staðsetningar úti um land. Þetta
eru bjargráðin í byggðamálum auk
fjárhagsaðstoðar við sveitarfélögin
sem verst verða úti við aflaskort og
það að gera Byggðastofnun kleift að
sinna hlutverki sínu með auknum
framlögum. Hlutverki sem er að fjár-
festa í atvinnulífi á landsbyggðinni.
Það er þörf á þolinmóðu fjármagni
til að efla atvinnulíf á landsbyggð-
inni og skattaívilnunum til að ýta
undir nýsköpun.
Stuðningur við smáfyrirtæki
Til að efla atvinnulíf og samfé-
lögin utan höfuðborgarsvæðisins er
mjög mikilvægt að styðja við smá og
meðalstór fyrirtæki. Uppbyggingu
þeirra og viðgang með sérstökum
hætti. Það eru sprotarnir úti um allt
land og fjöldi frjórra frumkvöðla
sem vantar stuðning, aðgengi að upp-
lýsingum og hvatningu til að halda
áfram með góða hugmynd.
Ekkert gerist án livatningar og
stuðnings og hann getur verið af
ýmsu tagi. Beinn og óbeinn, ekki
síst í formi skattaafslátta og endur-
greiðslu á hluta af stofnkostnaði fyrir-
tækja. Þar eru margar leiðir færar og
fyrirmyndir víða um Norðurlöndin
og Evrópu.
Ein leið er að vinna framkvæmda-
áætlun um aðgerðir til stuðnings
atvinnurekstri í smáum og meðal-
stórum fyrirtækjum með sérstaka
áherslu á landsbyggðina. Markmið
aðgerðanna á að vera að auðvelda
fólkinu að stofna fyrirtæki, búa vel
að nýsköpunarstarfi og greiða fyrir
vexti og viðgangi lítilla og meðal-
stórra fyrirtækja.
í þessu tilliti þarf að endurskoða
skattalögin sérstaklega og fara
norrænu leiðina í stuðningi við ný-
sköpun og smærri atvinnufyrirtæki.
Hjá litlum og meðalstórum fyrir-
tækjum verður til yfir helmingur af
þjóðarframleiðslu Evrópulandanna.
Þá er talið að allt að 75% nýrra starfa
í atvinnulífinu verða til í nýjum,
litlum og meðalstórum fyrirtækjum.
Þaðan kemur krafturinn og framtak
fólksins. Þann mátt eigum við að
virkja með skynsamlegum stuðningi
og ívilnunum sem eru gagnsæjar
og aðgengilegar frumkvöðlum og
hugmyndaríku fólki sem vill ráð-
ast í stofnun lítils eða meðalstórs
fyrirtækis. Fyrirtækis sem kannski
verður stórveldi síðar og bjargráð
byggðarinnar sem það er staðsett í.
Höfundur er viðskiptaráðherra
KLIPPT 0G SK0RIÐ
]r ón Gunnarsson, þingmaður
I Sjálfstæðisflokksins, gagnrýnir
| lögregluna fyrir að koma ekki
pplýsingum til vegfarenda, þegar
miklar umferðartafir verða eins
og gerðist á sunnudagskvöldið á
Vesturlandsvegi.
Þetta eru orð í tíma
töluð og hefur gerst
margsinnis áður
að umferðarhnútar
myndast án þess
að nokkrar tilkynningar berist
til ökumanna. Þetta er algjörlega
ótækt og menn spyrja sig hvar um-
ferðarútvarpið sé um helgar þegar
mesta umferðin er á þjóðvegum
landsins? Umferðarútvarpið er
gagnslaust ef það þegir stöðugt...
Sumir eru mjög á móti því að
settar séu upp eftirlitsmynda-
vélar. Telja margir þær vera
njósnatæki og kvört-
unum hefur fjölgað
mjög til Persónuverndar
vegna þeirra. Slíkar
myndavélar hafa
þó gefið góða raun
enda ætti mönnum í
rauninni að vera sama
um vélarnar séu þeir
heiðvirðir borgarar. Hvergi eru þó
eins margar myndavélar og í Bret-
landi og sjá fyrirtæki í snyrtivöru-
bransanum þar í landi sæng sína
útbreidda og auglýsa stíft: Vertu vel
útlítandi... þú ert í mynd! Það má
því líka líta á spaugilegu hliðina...
Morgunblaðið birti tvö
stór viðtöl við merkilegar
konur um helgina, annars
vegar Jóhönnu Sigurðardóttur
félagsmálaráðherra og hins vegar
Jóhönnu Harð-
ardóttur Kjalnes-
ingagoða. Það
sem er þó kannski
sérstakast við
þessu tvö viðtöl er
að þau eru tekin
og skrifuð af Arnþóri Helgasyni,
sumarafleysingablaðamanni á
Mogga, en hann er blindur. Líkleg-
ast er hann fyrsti blindi blaðamað-
urinn á Islandi og þótt víðar væri
leitað.
elln@bladid.net